Guete Morge zäme!

I hoffe dir heit es guets Weekend gha. Mir si am Samsti no ga ds Hotel Beatus aluege und naja, mir si nid begeisteret. Ds Hotel an sich isch ja ziemli prunkvoll ud Terrasse u dr Park si sehr schön, aber usgrächnet dr gross Saal gfaut üs nid. Isch so grau u relativ äng, het o e mega niedrigi Dieli und ds Fänster zum See isch o nid riesig... Da hät me z Oberhofe viu e bessere Saal. I weiss gar nid, wo mir no gross wei witerluege, mir hei beidi ds Gfüu dass Oberhofe üsne Vorstellige (o was ds Ässe betrifft) entspricht. Wüsst nümm viu Angers, wo no würd i Frag cho...

@all: heit dir sehr viu verschiedeni Locations vrgliche, aso würklech detaillierti Offertene ighout, bevor dir euch entschiede heit? Mir wei itz de mau d Gästeliste nomau gnau überarbeite, ob mer vielech d Personezau no chli chöi reduziere. När weimer mau z Oberhofe gä ässe mit TZ u Vater vom GG, zum chli d Chuchi teste

A was sit dir so dranne? Wünsche e guete Wuchestart auersits!

@LaMariee: Ds Parkhotel Gunten kenni sehr guet, mi Brüetsch het dert ds Hochzitsässe gha und ig bi TZ gsi... i findes würklech sehr schön, aber i wett eifach öpis eigets u nid am gliche Ort wie är het... wär süsch o für üsi Vrwandte chli blöd, no einisch am gliche Ort. Aber türer as ds Parkhotel Oberhofe isches sicher nid, eher umgekehrt.

Cool heiter d Chile und Location! Für weli Orte heiter euch entschiede?

Zuletzt bearbeitet am 10.06.13 11:12

Hallihallo allersits! :)

Na wie isch öiches weekend gsi? de sommer schint scho wider verbi wämer so useluegt :p

@taeboyana: also ich glaube imfall s chunt nedso drufa was d’differenz isch zwüsche dem wo beid verdienet sondern eifach wilmer zäme bestürt werdet und mir i de schwiz jo en stürprogression händ, chuntmer inen vil höcheri stürklass und zahlt drum um einiges meh stüre.. finde das soo en absoluti frächheit!!
Nur mi schatz häd en 3. Süle – er findet das langi will mir jo ebe gli chind planet längts wenn er das izahlt..
Mir händ scho relativ vil locations prüeft und offertene igholt.. aber glaube mer gspürts eifach wie wohl au bim chleid oder so ;) sind i de wunderschöni saal im montana inecho und händ gwüsst: do und nienets anderst! ;)

@malinchen: jo gäl das isch no en gueti überleggig ;) müemer öis no dure chopf loh goh.. aber mir tendieret scho zo so öbis sehr persönlichem :)

@lula: leider nei er schafft jo ebe sit x johre nüme uf dem sicher sit 20 johre… es wär en usnahm gsi für öis..
Haha das isch dänn geil de spruch! =))

Hey jetzt muessi öich no öbis verzelle… bin am fritig mit minere TZ binere andere kollegin gsi und ihrem chline meiteli woni gotti bin – wosi mi damals gfrogt häd obi gotti wet werde hani mi zwar sehr drübert gfröit bin aber doch au sehr überrascht gsi drübert wilmer öis ebe leider i de letschte johre rächt usenand gläbt händ – si häd sich nur gmäldet wänn öbis passiert isch oder si mi brucht häd oder sich widermol vomene frönd trennt häd.. und au sust sind einigi sache vorgfalle, dass d’fröndschaft halt chli glitte häd aber glich hani mi natürli gfröit gotti z’werde und sither hämer au wider meh kontakt und gseh si & die chli regelmässig.. si isch mir au sehr wichtig aber halt ned eini vo mine allerengste fröndinne – han halt ned nur irgendwie 2 engi fröndinne sondern halt vilcht 7,8 und bi dene ghört si halt ned zo de engste 3 sägi mol… jedefalls hämers vom hochzyt gha und obi scho wüssi was füres chleid und so und mini TZ häd dänn gseit dassi mir aber scho gedanke drübert mache, was si (si und d’brutjungfere) für es chleid alegge chöntet und so.. isch nur so näbe bi gsi und dänn bechumi am negste tag eifach es sms ohni hoi oder so ob die und die mini brutjungfere werdi? Han dänn gschrebe jo si und ebe no die dritti wieso und dänn isch es riiiiise sms cho dass si gmeint heigi si ghöri au zo mine engste und dass si sich jetzt doch scho sehr usgschlosse fühli und dass verletzi si mega und so ! hey es riiise zügs ! weiss ned wie si druf chunt überhaupt so en aspruch z’ha will sorry häd si sich ned gross bemüeht i de letschte johre.. und „nur“ wili gotti bi bi ihrem chind heisst das doch no lang ned, dassi ihre au so en wichtigi rolle muess gäh! Jo häd mi rächt gstresst obwohli gar keis schlächts gwüsse gha han def. ned.. aber das isch jetzt s 2. Mol woni mi für mini wahl muess rächtfertige (die einti brutjungfere isch au enttüscht gsi dass ned si TZ isch..) und no en gueti fröndin vo früener woni aber nur no so 3x pro johr gseh hetti sich glaub au en wichtigeri rolle erwünscht.. hmm weiss ebe gar ned rächt was devo halte.. mi GG findets irgendwie no amüsant und seit hey nimms doch als komplimänt bisch halt beliebt und so :p ufen art ischs jo scho härzig aber man es isch doch eifach mini entscheidig und hinter dere stohni au voll und ganz und finde do döf mir doch ned immer wider öber drirede oder ned?! Bin grad chli baff gsi echt.. aber händ gester no lang tel. und si häd sich au entschuldiget dass si grad so reagiert häd und häd mir dänn brüelend gseit, dass sis halt so schön gfunde häd, dass mir a ihrem hochzyt so en schöni präsi gmacht händ (händ öis würkli meeega müeh gäh und sehr vil zyt investiert bide vorbereitig und so obwohl sis halt ebe gar ned sooo verdient gha hetti aber händs jo glich gärn gmacht) und dass si sich damals gschwore häd, dass si öis das wet zrugg gäh und so… und ob si ned wenigstens bi so öbisem döfi mitmache und das döf si natürlich sehr gärn – muess si dänn halt mit de TZ luege aber das isch jo mega härzig und s’häd mir dänn au leid doh han doch niemer welle verletze!! Händer so öbis ähnlichs au scho erläbt??

Wünsche öich en guete wochestart! :)

@Lula: nenei, Oberhofe wär kes Problem, dä Saal het Platz bis 150 Lüt u mir wette ja max. 65... eigentlech stimmt praktisch aues dert, mir wüsse haut eifach no nid wie ds Ässe isch (obwou d Menüvorschleg super töne und dr Choch wo druf isch 14 Gault Millau Pünkt und sehr e guete Ruef het). Priislech hani dr Idruck (nachdäm i no chli anderi Bankettinfos ha düregstöberet), dass sie günschtiger si as angeri 4*-Hotels, ämu gad was no so die versteckte Chöschte ageit (Zueschleg nach Mitternacht, ke Choste füre Menudruck etc.). Es isch meh wüu me ja immer ghört, me mües unbedingt Priise vergliche und nid ds 1. Beschte näh, dassi zGfüu ha mir müessi no witers umeluege...

@LaMariee: Ds Eden Spiez gseht sehr schön us, o dr Saal! Mues das mau em GG vorschlah, ob mir das vielech no wei ga aluege. Ha aber ds Gfüu, dasses priislech türer isch, so wasi im Internet ha gseh. Aber sie hätte no gueti Pauschal-Agebot.

@laprincipessa: Och das isch de e blödi Situation... du muesch di nid rächtfertige, du älei chasch uswähle, wän du wosch näh und speziell wes öper isch, wod lenger nümm hesch Kontakt gha, isch das doch verständlech dass du öper angers nimmsch. Guet hesch di när gad am Telefon mit ihre chönne usspräche, das isch immer viu besser as per SMS.