@prinicpessa: oh nie, das geit ja gar nid was dini Kollegin da het bottä! Auso i fingä ou da muesch du dir jetz überhoupt kes gwüssä machä ou wenn du Gotti vo ihrer Tochter bisch! So "Ämter" vergit me ja nid mit Garantie uf Gägäleischtig... Immerhin heit dirs chönnä kläre, villecht het sie numä grad usdr Enttüschig use so reagiert. I nime mal a, dass bi üsem HZ ou anderi wärdä irgendwelchi Biträg machä, das isch ja nid verbotä numä wemä nid TZ oder BM isch.

Bi mir isch die einti Kollegin ou chli enttüscht, sie isch die Einzigi wo no nie het gseit dass sie sich für üs fröit oder ufs HZ oder so. Mir si scho zämä id Schuel ou no mit mirä beschtä Kollegin zämä wo jetz TZ isch. Aber nach dr Schuel hei mir mal für ca. 3 Jahr praktisch gar kei Kontakt meh gha und das het ou sini Gründ gha. Vor 3 Jahr isch sie när ou id Stadt züglet vo det wo mir si ufgwachse u dür das hei mir wieder meh Kontakt gha und inzwüschä hei mirs wieder sehr guet. Aber für mi isch halt eifach klar gsi, dass mini besti Kollegin TZ wird. Zu ihre isch d Fründschaft eifach glich anders. I ha mal sonä Spruch gläsä: "Zerreisse nie ein Band der Freundschaft, denn auch wenn man es wieder zusammenknüpft, bleibt ein Knoten zurück." I finde dä Spruch het würklech viel wahrs...

@Taeboyana: I gloub es git da kes Rezept wie viel Locations dasme sött besichtige. I dänkä dir kennet öich ja us ir Gastronomie und de chöit dir ou so abschetzä, ob d Priise ok si oder nid. Dä Rat dasmä nid ds erschtbeschtä sött näh isch gloub meh, wöu eim haut schnäu mau Honig ums Muu gschmiert wird wemä öpis besichtigt und seit dases fürnes HZ isch. Dasmä sich eifach würklech guet überleit, was das passt und wasmä für Wünsch und Vorstellige het etc.

@me: ds einzige wasi im Moment drzue chumä z mache, isch da im Forum läsä und chli mini Blogs verfolge. Ha no ä mega stressigi Wuchä vor mir, drfür hani när Feriä u i 11 Täg bini scho verhüratet... Has no überhoupt nid realisiert wöui grad so viu angers umd Ohrä ha.

@Lula: hmm, was macht sie de gärn? Villecht chönntet dir ja mau mit ihrä ä Usflug machä z.B. uf's Schiff ufem Thuner- oder Bielersee oder ufs Stockhorn oder so. Det chunnt me guet mit ÖV härä... Oder irgend äs Abo fürne Zytschrift?

@me: i ha Prüeffigä die Wuche und ha mau wieder nid so viu gmacht im Vorfäld. D.h. jetz muesi jeglichi Aktivitäte näbem Lehrä ufnes Minimum beschränke.

Ich wür so gern de Tag duur au chli chönne mitschriebe, aber im Chindergarte goht das definitiv nöd.
Endlich mal no zude freie Trauig:
Bi üs isches so, ich bin katholisch und min Verlobte isch konfessionslos. Mir hend scho länger im Sinn gha, dass üs en befründete evangelische Diakon (Sozialarbeite vode Chile) wird traue.
Unter dene Vorussetzige hend mir üs natürlich überleit ob mir en Ruum sueched für di frei Trauig (im April chammer ja nid guet dusse plane). Es wär jo aber doch kei freii Trauig, will ER isch ja ebe Diakon, wo durchus dörf kirchlichi Trauige vorneh. Drum hürotemer etz doch innere Chile, aber es isch no schwer gsi zum eini finde, wo das akzeptiert, dass niemert vo üs reformiert isch usser er wo üs traut.

Anti-hürote: mir hend bis jetzt no kei einzigi negativi Üsserig gha…cha no cho

Taeboyana: kuul weg dinere Bstellig uf Etsy…ich han au scho vieeeel lässigi Sache dete gseh.
Weg de Locations: bi üs het au grad di zweiti Location passt…sie hend üs scho vorab (schriftlich) mega gnau über dChöschte informiert sodass mir denn kei Offerte hend mache loh.
d’Chuchi go teschte isch sicher immer e gueti Idee und git en guete Gsamtidruck!

LaMariee: oh so toll..wie isches gsi in Schwede? Wie lang sinder gsi?

LaPrincipessa: Ich verstoh das sehr sehr guet und findes guet, dass ihr no drüber händ chönne rede. Hoffentlich het sie’s chönne akzeptiere. Und ich finds schön dass sie doch sehr schätzt was ihr für sie gmacht/organisiert händ und das wett zrugg geh!
Bi mir isches so dass ich vor 4 Jahr Trauzügin gsi bin binnere Kollegin. Mir sind do mega eng gsi…mittlerwile isch sie gschiede und mir händ sit 3 Jahr nüm so viel mitenand ztue…es isch nix vorgfalle oder so und ich han sie au immerno sehr gern, aber mir verbringed wenig Ziit und sie ghört eifach nüm zude engste. Ich han etz au grad geschter mit ihre gredet und ihre gseit, dass ich sie sehr gern wett (nur) zum Apero ilade. Uuuuuh ich han sooo es schlechts Gwüsse gha, aber sie hets zum Glück guet ufgnoh.

Lula: Bi üs mues sResti/Catering weizefrei koche/bache. Bis jetzt händ aber alli positiv reagiert…guet mir chönd uf Dinkel uswiche.
Uiii schwierig wegem Gschenkli für dini SchwiMu in spe und wemme sie nöd kennt grad no schwieriger. Ich finds gar nöd so schlecht de Coiffeurguetschi.

Novia: ja das mit de Schwangerschaft wird derziit sehr direkt agsproche…finds mengmol scho fascht chli taktlos grad azneh, dass HZ grad gleich Schwangerschaft isch!!!

Malinchen: Toi toi toi

@mariee: dIdee isch zwar härzig, aber derte isch si wie ig, ziemli praktisch veralagt...
Si geit zwar zu Coifeur u Kosmetik, aber ebe, Dusche, Creme - guet isch.

Gratuliere dämfau zum 2 Monatige

Und was müesse / dörfe / sötte öichi TZ mache?


Das Forum isch dr Hammer, das isch e so


@all: Wie machet ihr das? Gäht ihr ar Pfarrere ou es Iladigskärtli? Aso fürs Apero? Oder ladet ihr se eifach mündlich ii? GG u i heis ersch gad drüber gha. I ha ganz säubstverständlich es Couvert agschriebe u er het gmeint i heig e Knall

U närne no gad rasch e Frag; üsi Gästeliste steit, aber mir hei no 2 Persone, wo mir nit wüsse, was drmit "afah", sis Gotti u mi Götti, si wohnt im gliche Dorf, mir hei aber eigentli kei Kontakt, gseh enand aber hie u da mau im Dorf.
Mi Götti hani sit ca 7-9 Jahr nüme vo ihm ghört, oder er vo mir. I weiss, aber wo er wohnt, u hätti es Natelnummero, u er weiss, dass i hürote...