So i schaute mi hie bi öich o mau i! Bi scho lenger stilli mitläserin bi öich! Dir heit ja aui scho so viu organisiert!!

i ha äs ähnlechs problem wi du lula mit mim götti u mire gottä... Eigentlich hani beidi zum Apero wöue ilade, abr da mi götti in rom wohnt weissi itz äbä nid ob das chli blöd isch wenr scho so wit muess reise u när "nur" as Apero cha cho...

Guete Morge!

Aso das mitem Hotel Eden in Spiez het sech erlediget - isch o scho buechet am 16.08.14. Dütet aso langsam aber sicher aus ufs Parkhotel hi

@Lula: Am Pfarrer würd ig fürs Apéro gloub scho o es Chärtli gä. Cha uf au Fäu nid fausch si. Wägem Götti ha ig genau ds gliche Problem u GG mitem Gotti... mit hei beidi gar ke Kontakt meh, ig öpe scho fasch sit dr Konf nümm. Är wohnt o z Züri u drum nid gad ume Egge. Aber itz hei sie vo letscht mine Eutere e Adrässänderig gschickt... i hätt dänkt gha vielech eifach ufs Apéro, aber üsi Eutere finge, mir söue beidi as Fescht ilade. Hm... I ha üsi Gästeliste mau no chli überfloge und mir si beidi dr Meinig, dass mir die x Tantene, Unggle und Cousins wo mir nie Kontakt hei u sech o nid gross für üs interessiere, nid zum Fescht ilade. Lieber wett ig no paar Fründe meh, wos mir viu meh würd bedüte, die drbi zha. Wie heit dir das so? Ladet dir die ganzi Vrwandtschaft i? Oder isches bi euch z.T. o dr Fau, dass dr die einti Site vor Vrwandrschaft iladet u die angeri nid? I ha z.B. immer viu meh Kontakt gha mit dr Vrwandtschaftssite vo mim Mami und dert isches für mi o klar, dass die drbi si. Aber vo Papis Site hani chum Kontakt (sie wohne ir Ostschwiz) u die würdi nur as Apéro ilade. Geit das?

@Cathie: Wiukomme! Wenn hüratisch du?

wäg de verwandte: also ich finde, mer MUESS gar niemer ilade. schliesslich laded mier ja lüüt ii, und da söll mer doch no sälber bestimme chönne wer da chunnt und wer ned??! das ganze "mer müend de und de ilade susch isch die hässig" find ich chli müehsam. mier sind alli erwachse und chönd sälber bestimme und es isch euses gäld vo mier für das fäscht usgend. ich verstahs das d eltere zum teil en anderi asicht hend und am fride z lieb no de eint oder ander au würd ilade. aber ich han kei luscht lüüt debi z ha wo ich sitt x jahr nüm gseh han. ich dänke wenn mer die lüüt zum apéro iladt isches doch ok. ich dänk au immer, würded die lüüt mich zu ihrem hochzit ilade?
aso das isch mini meing

lilmonkeyme: aso ich finds nöd so guet das dini muetter und schwiegermuetter dir dri reded und dir es schlächts gwüsse mached. mini eltere sind voll easy, wenn ich sie nach ihrere meinig frage säged sie ehrlich was sie dänked aber sie würded eus nie vorschribe wo mier sölled fiire oder eus vorwürf mache das mers ned im griff hend. ich dänke euchi planig hend ier sicher im griff und ier macheds ja so wies für euch stimmt?!

Verwandti ilade etc:
No so nes schwierigs Thema....
@Lula: So wies bi dir isch würdi bedne e Aperoiladig gä und guet isch. Finge, wenn me kei Kontakt meh het, isch e Fescht-Iladig grad chli vil, aber wil me jo äue us Ching e guete Droht zum Gotti und Götti gha het, isch e Aperoiladig doch öpis schöns.
@cathie: willkomme erscht mau! Ui, bi dir wüssti jetzt oh nid wie mache. E Aperoiladig für ne Uslandgascht fingi aber eigentlich nid so toll. Würd emu sälber komisch luege, wenn ig für nes Apero müesst mindischtens 2 Täg iplane und e langi Areis müesst i Chauf näh... Aber ebe angerersits isches dr Götti. Glaub, ig würds lo si und vilich eifach es Chärtli nachem Hochzit schicke?
@Taeboyana: Jä, was es hei nume dini Eltere e Adrässeänderig becho und dir nid? Das zeigt doch scho, as dr Kontakt zu dir vo ihrere Site här nid so wichtig isch und das würdi emu oh grad als guets Argumänt näh, se nur zum Apero izlade
@me: ig ha rächt vil Tante und Unkle, aber zu keim speziell viel oder wenig Kontakt (usser eim, dä isch drum dr Götti), darum chani nid säge, die ladi i und dä nid, wil sie mir ebe alli glich viel bedüte. Also chöme eifach alli Zu Gotte und Götti hani wenn au sälte glich no guete Kontakt, darum wetti die oh derbiha. Bi GG isches de scho nid so eifach: är het nur ei Unkle und Tante, womr so einisch im Johr gseh, wenn überhaupt. Är müesst se nid unbedingt derbi ha, aber ig fänds komisch sine Eltere gägenüber, wenn vo mir alli chöme und vo ihm niemert. Bi sim Gotti und sine zwe Göttis gsehnis aber andersch, wil zu de Göttis het niemer meh Kontakt und zum Gotti nume no d Mueter und si fingt jetzt ebe, die sette mr ilade (si isch drum oh a ihrere Tochter ihrem HZ iglade gsi, wo si gotti isch). Aber ig kenne die nid mau und GG het null Kontakt mir ihre. Drum wüsse mr nid, was mache. Ebe, vo mire Site chöme wahrschinlich scho rächt vil meh Lüt, aber GG het halt e chlineri Familie. Und vilich bini jo eifach beiflusst, wils um MINI Lüt geit und mir die nöcher stöh als SINI. Was würdet dir mache? Mir si Platzmässig und Budgettechnisch ebe shco langsam am Limit, also chame nid so eifach säge, uf 2 meh chunnt doch oh nüm druf a...

Eltere
Sini Eltere si nonig so im Fieber und ig zwifle oh chli dra, as es se de no packt. S einzige wo si mau öpis gseit hei, isch ebe wägem Gotti vom GG und wäge dr finanzielle Ungerstützig, aber süsch rede si (no?) nid so dri. Mim Vater isch eigentlich oh alles rächt, wo mir mache aber mi Mueter het halt so konkreti HZ-Vorstellige im Allgemeine (si isch scho u bi mindischtens 20ne iglade gsi!!), as immer wenn ig mit ere ussergwöhnliche Idee chume, si grad mau d Nase rümpft, aber das gibt sich de widr, wil ihre isch scho klar, as es üses HZ isch. Wäge de Gäscht, dert würd si ebe scho gärn chli mitrede u macht ging Vorschläg, aber wenn ig nei säge, isch si de oh nid beleidiget oder so, es si jo würklich nur Vorschläg.

Aso i hürate am 28.04.14 zivilisch, mir hei denn üses 9 jährige! Und am 17.05.14 de när chirchlech!

vrwandti: i lade z.b. Mini grosstantene vor site vo mim mami i, wiu das für mi aui wi grosis si.. U d tantene und ungglene vor site vo mim papi nur as apero wiui zu denä nid sone guete draht ha.. Mir lade süsch haut o meh fründe i aus vrwandti!

euterä: aso üsi eutere fröie sech sehr.. Häufe bi frage o immer witer, abr redä nid dri! Abr vilich chunnt de das no wes chli konkreter wird..

me: hani mr o übrleit obi mim götti eifach äs chärtli söu schicke dasmr hürate, ohni iladig drbi..

Hoi zämä

@malinchen: Guet, de blibi drbi... Merci! bi afe froh, si mir de dämfau nit di einzige.

I ha mi Götti aus Kind immer nume Whynachte u Geburi gseh, u ebe, ca ar Konf äuä de ou zletschte mau.
Wie intensiv dr Kontakt zu GGs Gotti isch gsi, weiss i nit mau

@cathie: Härzlech Willkomme bi üs! Wenn hürotet ihr de? Magsch chli was vo Dir verzelle?

I würdi drbi blibe, u se eifach as Apero ilade. U süsch chasch ja immer no säge, wenn si äxtra dr Weg uf sech nimmt, "darf" si am Obe drbi si. Mi GG het (gloubs) e Cousin vo Australie, u mir wärde ihm, e Aperoiladig schicke, hei aber gseit, wenn er sech würkli amäudet, isch für üs klar, dass er am Obe darf drbi si.

@Taeboyana: Nee, i würdi se jtzt ämu ou nit as Fescht ilade, gad wenn Dir ou süsch kei Kontakt meh heit! Mir lade, vor Verwandtschaft so ziemli aus ii, aber viu eifach "nume" zum Apero. Mini Muetter chunnt as Apero, miner Groseletere (ihri Eltere) wärde as Fescht wie ou a Ziviler iglade, mi Vater ebeso, u mis Gotti (ihri Schwoscht) lade mir äuä ou am Obe ii.
U GGs Site gseh mir haut meischt nume a Familiefeschtli, daher chöme si eifach as Apero.
Aber ja, sicher geit das. Am Obe setti

@lil: Wieso müesst ihr de die ilade?
Mi Vater seit es isch üses Ding, mir müesse wüsse was mir mache, u wie, etc. Er isch aber mit am Outo ou e gueti Stund e wäg vo üs.
Sis Mami isch insofern meh involviert wüu si haut gad quer über dStrass wohnt. Si het üs ou dr Text vo de Iladige gäggeglässe, u brchunnt haut ou chli meh mit.
Si het eifach mi GG ob er sech sicher segi, aber süsch isch nie was kritisches cho. si het üs mau gseit, si wöu de e Teil zahle, aber was u ob wüsse mir nit.
Wo mir mit ihre mau wäg dr Gästeliste gugget hei, het si gmeint, mir chönni nit ei Teil vo sire site vor Verwandschaft ilade u dr ander nit. Aber süsch het si gmeint, müesses mir wüsse, ou bi de Nachbare, wo mir üs nit si sicher gsi.
U mi Vater kennt eh fasch niemert, u het gmeint, dass müesse mir wüsse, u wenn mir sini Schwo, wo mir würk nit Kontakt hei, nit ilade, isch das scho ok.

Wieso hesch Di de nit drfür das dire SchwieMu zsäge? U wenn Din GG mit sire Muetter u Du mit Dire Muetter redisch?

@Fringilla: Aber i Dim Fall, würdi siner Gottelüüt uselah, oder wenn denn nume sGotti.
Oder wie isch sVerhältnis aus Kind gsi. Aso wenn denn fürs Apero.
Bi üs isch es im fau gad umgekehrt, wo sire Site chöme viu meh, ou närne am Obe, isch aber ja ou nit tragisch.
Gugge das ihr mit dr Gàstelist zfride sit, u guet isch.