Ahaaa so, das muessi mr zersch vrdienä! Dämfau muessi flissig mitschribä!

@cathie: ou no vo mir härzlech willkomme!!! Cool, ä Walliser-Brut isch ja hennä exotisch i däm Forum!

@Gäscht ilade: Jaa, i finde ou dasme eifach die sött ilade wo me gärn drbi hät - ömu am Abe. Aber i merkä säuber ou, dass ig när mängisch Mitleid ha. Ir Familie vo mim Mami wonis ja eigetlech guet ha mit aunä gits eifach eis schwarzes Schaf. Er isch hennä komisch u mega kompliziert und mängisch ischs eifach u schwär zum nachevollzieh wie er sich verhaltet. Er isch säuber mega asozial u geit minä Elterä die ganz zyt ufd närve. Aber irgendwie bringis nid übers Härz ihn als einzige vo derä Familie nid ads Fescht izlade... I weis dass sich aui anderä wärdä ufregä ab ihm, u GG isch ou drägä. Aber jaaaa, i ha z Gfüeu dä het eifach ä Schade u da chaner ja eigetlech nid so viu drfür. Det isch när mini soziali Aderä eifach z strach usprägt.

Drfür hani mega Müeh mit eirä wo wahrschinlech as Apéro wird cho. GG duet Juniore trainierä im Schutte und die wärdä sicher cho Spalierstah. Und da die no hennä chli si (6-7 Jährig) chömä sicher ou paar Elterä mit. Und er hets mega guet mit deunä Elterä, de wärdes sicher die si. ABER die einti vo denä isch mini Usbilderin gsi ir Lehr und die isch när entlah wordä wöu sie 1. Gäld het hinterzoge, 2. mit allnä Typä vor Firma is Bett isch (trotz Familie), 3. ihri MA und v.a. die Lernende (mi) huerä scheisse het behandlet. Aber i gange de derä eifach uswäg. Sie weis gloub ou gar nid, dass ig die Zuekünftigi bi vo mim GG. Die wird no blöd luegä...

@Samu: cooool, gäu das duet guet wemä die erschtä Sache fix het?! Wo fiiret dir de nöimä? *gwunder*

@me: i ha no 1 Prüeffig to go morn, jetz chani langsam chli abefahre... =D Am Samstig hei mir üsä mini-Polterabe. Mir göh eifach mit üsnä ängschtä Fründä ga brätlä ad Aare. Zum Glück ischs schön, i üserä Wohnig hät me nüt chönnä mache wägä denä doofe Tröchnigrät.

Was steit bi öich so a ir nächschte Zyt?

@samu: und wie isch zGfüehl? Dr Hammer, oder?

@malinchen: De ganz viu Glück morn, u ne wunderbare Samschtig! Och dAare, wie igs zWasser hie vermiesse, isch haut scho nüt gäge Seeland...

@cathie: jep, das verstahni, geit aso nit nume Dir so.
Uf grund vo Zyt Problem, da mir doch ou öbis vom Apero u vo de Aperogäscht wetti ha, fötele mir zu 99% am Vormittag. Zytplan steit scho, aber GG muess sech no chli afründe drmit, bevor mir de im Herbst ou mau ar Fotografin es ungfähre Zytplan schicke..

@me: I ha hüet Nami mau no dKartene kläbt, muess jtzte morn no 3 Stück nachemache, u de hei mirs, morn müesse mir üs für ne online Wunschliste entscheide, u afe dr Zuegnag ha, wüu am Fritig obe göh mir lah ga Texte drucke, u de isch de scho bau guet.
Hüet im ne Monet wird di erschti Karte abgäh... U morn i 9 Mönet hei mir dr Ziviler...
U de müesse mir de ändli mau no gugge, wie das isch mit üsne TZ, was mir wei, was si söue / dörfe, was mir üs würde wünsche / u was gar nit geit...


So, i wünsche euch no ne wunderschöne Obe, bis morn