@malinchen: aues gueti för dini Prüefig !!!
Ond häbed e schönPouterabe!!!

@malinchen: viel Glück bide Prüefig. Das packsch du sicher und gnüss oiä polterabig :)

@samu: Gratulation zu all dene coolä sache :)

@lula (glaub?... Sorry): ja min GG isch recht iigschüchteret vo sinre Muetter und sie hät sehr gern d'kontrollä über ihn. Ich hoffe dasi ide Familie Ferie irgendswie cha es guets gspröch finde. Mit minre Muetter weissi wie umgah. Ich glaub si het Angst gha dasi sie nöd wet mitneh zum Chleider Probierä. Sit ich sie gfrögt ha, isch si chli ruhiger worde.

@Me: Oises TZ-Team staht definitiv bi mega happy. Ez suechä mir lüüt für d'Deko und Bluemä. Oisi Pfärrer hämmer au, und d'Band fürd Chilä staht au halbwegs. Dh. schlagzüüg und gsang isch deckt, und eine vode Sänger chöntisch au sehr guet Piano spiilä, falls oise Pianist favorit nöd chönti. Ez wartet mir no uf Antwort vom e-Gitarrist undem Bassist, und münd no en a-Gitarrist gfinde.

Oisi Fotografin isch schwanger, was für sie genial isch, aber mir münd si ez fröge, ob sie oisi Hochziit chönti mache, da s'Chliini den erst so ein Monet alt weri.

Ou und oisi Hochziitsturtä chönt e Kollegin mache
Und für de Apéro simmer chli im Gspröch.
Ich bruuche langsam e liste was mer suscht no alles mun plane.
Mir sind letst Wuche im Kuoni Reisebüro gsi wäg oisne Flittis zum Info holä, das isch au super gsi und s'chunt viellicht günstiger als denkt.

So das wer's vo minre siitä, ez dörf ich den de ganz Tag go chunde-Problem alosä. Ich wür so gern au chönd durde Tag schriibe aber mit all 10-15min en noiä chund voreim ischs nöd so gäbig.

LaMariee: Da freut mi für eu dases eu gfalle het und ihr usem regnerische Wetter do hend chönne entflieh. Und etz wo ihr zrugg sind isches ja do au endlich schön!

Weg de Iladige: Ich denke, dass alli vo eu die wetted ilade wo IHR wänd, aber mengmol isches ebe nöd so eifach und mer macht sich uuuh viel Gedanke wer was chönnti denke….
Oder….und uf das warti no….d’Eltere misched sich ii oder setzed eim sogar unter Druck!
Ich lade mis Gotti (sie isch au mini Tante) nöd i will ich eifach nix mit ihre ztue han….ich gseh sie scho au mal (eimal im Jahr) bi minere Oma oder so, aber ich ha echt kein Bezug zu ihre.
Leider han ich nöd e riese Familie und es wird au uffalle, dass sie nöd mit debi isch, aber ebe…ich glaub mer chans nie allne recht mache…

Fringilla: Vlt chömed sie denn schono chli is HZ-Fieber wenns denn chli nöcher rückt.

Malinchen: Ich finds guet dass ihr vo Afang a gseit händ das ihr am Apero grosszügig iladed und am Fescht di engste. I find da loht eim viel Freiheite.
Und das mitem Mittleid verstohni guet….ich bi au immer mega hin und hergrisse

Cathie: Willkomme! Jeee verstärchig im April
Mir tüend au am Vormittag fötele. Und ich find de Gedanke total schön, dass dFotografin denn de ERSCHTI BLICK direkt mit de Kamera chan ifange und dass de intimi Moment denn ganz üs ghört.

Samu: Ihr händ jo grad en riese Schritt gmacht! Was stoht als nächschts a?

Lilmonkey: Wow, ihr sind jo au grad vollgas dra! Das mit de Fotografin passt etz grad nöd so in Ziiitplan hmmm…
Das mit de Lischte isch sehr hilfriiich. GG isch sehr organisiert und lischtet alles immer brav uf

Me: Geschter i 10 Mönet isch scho s’kirchliche!!!!
Mir versueched grad es Problem z’löse mit Parkplätz bide Kirche. Nachteil vonere Stadthochziit…es het kei Parkplätz. De Bus haltet aber direkt vor de Kirche. Findet ihr das schlimm, wenn dLüüt mitem Bus müend cho? Und noher nachem Apero wieder mitem Bus abe id Altstadt.
Ich bi mir ebe am überlegge, denn au in Bus iz’stiege, find s’het no Style wenn sBrutpaar au mitem Stadtbus mitgoht. Und für 6km e Limo oder so z’miete isch au chli für dFüchs oder?

Morge ihr Liebe

@samu: Jep scho i 9 Mönet! März, bi aber froh, geits nüm so lang, wies scho gange isch
Isch irgendwie scho mega gli...

@lil: Isch doch kei Problem, gscheh nüt schlimmers
Isch de mau öbis passiert, oder isch er eifach so erzoge worde?
Gseh das drum bi mim GG ou, gägeüber sire Schwo cha er sich fasch gar nit wehre, u wenn denn ou nume, wüu ig Druck mache, u sire Muetter chaner ou nume sehr säute dMeinig säge. Was er zweni het, hani definitiv zviu...
Ah ok, het si dr de das nit eifach chönne säge, resp chönne frage.

Aso Floriste, etc?

Online gits im fau ganz viu Checklistene, viellech wäri ja das ou was.

@Taebayana: Ja, das isch ou e schöne Moment. Finde aber ou dä jtzte ganz schön...
Gloube so August, September u Oktober si so di typische Usverkouf Mönet. U süsch lüüt doch mau i denne Gschäft ah, wo de wettisch ga gugge, u frag nache. U viellech findisch ou uf dr HP was.

@dänu: Gits de nit nöime ir Nöchi Parkplätz wo ihr chönnet nutze? Bi üs isch es ähnlich, het aber es Füürwehrmagazin ir nöchi vor Kirche, u de söu si derte oder gad scho bim Apero ga parke, u de di 10 Minute loufe. U mir hei de zOuto äuä scho bir Kirche, wie ou dFotografin, u de loufi de mit dr TZ u ar Fotografin di paar Minute zur Kirche abe, am Samschtig am 5 vor haubi 2...
Aber für nume 6km isch e Limo scho chli komisch. Aber Bus fahre wetti aso ou nit, sorry.

@malinchen: Mache de närne mi eiget Thread, geit ja "nume" no 9 Mönet, u de tueni de es Bildli dri...
Aber ja, di stehende si mir ou lieber, zErlach bim Campingplatz isch e wunderschöne Platz am Bielersee... Oder ou mau uf Murte, oder ou so ganz chlini Seeli... Aber es isch haut glich schön, eifach ar Aare zhocke u ihre di ganze Sorge u dr Ärger mitzgäh...

@Lula: Cool, jetz heschs de gli gschafft mit dinä Chärtli! Die si sicher wunderschön wordä... Hihi, ja i liebä d Aare! Aber stehendi Gwässer si mir generell lieber... Bi chline Angschthaas. Mi lieblings-Aareabschnitt isch drum ds Radelfinge - ä Troum!

@Transport zur Chille: Jaa, bi üs ischs ou so dass direkt bir Chille nur wenigi Parkplätz si und gar kei ÖV verbindig. Vor Apérolocation sis ca. 15 Min. zum loufe u es geit rächt steil ufä. Drum hani mir überleit, dass mir de öper engagierä wo d Gäst det abfaht und ihnä seit, dassme obe nid sötti parkierä. De chöi ja d Fahrer glich schnäll ufe, ga die anderä ablade und zrug ga parkierä. När wärdä mir ja ei oder zwe VW-Bus ha, und de hani dänkt, dass mir die zumnä Shuttle-Bus chönntä umfunktionierä wo när die Gäst ufe fahrt, wo nid chöi oder wei loufe.

@Dänu: ja, i würds ömu ou no luschtig finge, wenn dir ou mit ÖV würdet gah! Das git sicher cooli Föteli und mega luschtigi Reaktione vo de Passante...

@Cathie: Mir hürate am 21.6., das Jahr zivil und i eim Jahr de chirchlech.

@cathie: Gugg mau hie, http://www.heiraten.ch/forum/board/personenkreise/braut-braeutigamtalk/gwundernasenliste-braeute-2014-12_237_3.html#23
mir hei e Gwundernaseliste

@dänu: ja das verstahni, isch aso de gar nit bös gmeint gsi!