@morelia: so cool! Heit ja oh suuper Festival-Wätter! Gniesses emu

@malinchen: Ui, scho nägscht Wuche isches so wit Tönt schön, was dir planet heit und as de no sone Überraschig uf euch wartet isch oh mega cool! Bi scho wäuz ufe Bricht gspannt! Und *hinthint* uf Fotos
Es Strüssli würd bi dim Chledi emu no härzig usgseh, vilich sogar öpis sälberpflückts? Uh oder weisch wie cool, wed zB Rose i dire Gürtel-Farb hättsch

@nisliker: Dini Planig tönt ja mega stress-frei, wed alles so vo langer Hand organisiert isch. Fingi super! Mh, mit so lange Haar gits sicher e mega schöni Ufesteckfrisur Was hesch de so für Vorstellige? Hesch öpis für dri? Es isch mir so, als hättisch du mau e Schleier kauft, wod aber när widr verchauft hesch. Oder bisch das nid du gsi? Sorry, ha dr Überblick nüm so...
Dis Zivilchleid isch oh so schön, mir gfallt vor allem dr Ungerteil mega guet!

Haare
Ig ha ja oh rächt langi Haar, bis zur Mitti vom Rücke, aber leider si si nid so wahnsinnig dick und wenn ig se ufestecke, "verschwinde" si ging e chli. Mau luege, ob mini Coiffeuse das de "voluminöser" härebechunnt. Aber mim Halt an sich hani eigentlich nie Problem. Due aube chli Schuum dri, Haarspray druf und paar gueti Haarklammere bruche, de hebt das dr ganz Tag.

Etsy
Ig has oh ging no vor dert zbstelle. Het soo schöni Sache Aber vilmaus gluschtets mi ebe de glich, das Zügs woni wett bstelle, grad sälber zmache. smeischte, wo ig mir aluege si drum eh sälber gmachti Sache und ig bi ebe scho chli dr Baschtler, aber wes de ufs Hochzig zue geit, gits de immer wie meh züg, wo me sälber eifach nid eso schön häre bechunnt und de loni dert wahschinlich de oh chli Gäld lo lige

Fotograf
Mir hei keine. GG blibt stur Aber ebe, mir hätte öper im witere Kollegekreis, wo das chönnt übernäh, nur gfrogt heimr nonig... S Album wetti ganz es altmodischs mit ikläbte Fotis und vor allem wettis sälber mache. Machi drum mit de "normale" Fotos oh und es macht mir eh no Spass. Usserdäm hani mau ar Mari Natal i dene professionelle Albe blätteret und das isch halt eifach würklich nid mi Fall gsi. Nume ums "bearbeite" machi mir chli Gedanke. glaube nid, as üse Kolleg das würd mache und GG und ig kenne üs do zwenig us. cha mir ehrlich gseit oh nid so vorstelle, was dert alles müesst gmacht si, ussert zB ufhelle oder verdunkle, wed Liechtverhältnis nid so guet gsi si. Weiss do grad öper besser Bscheid?

Wucheändi
Was isch das scho widr? Läck, bin ig froh, wenn das Projekt hinger mir ligt und ig widr gregleti Arbeitszite ha (und vor allem oh widr mau öpis fürs HZ cha mache)

Zuletzt bearbeitet am 15.06.13 14:32

hallo liebi mit-brütlis

ds greenfield isch guet gsi. mi höhepunkt isch eidütig rammstein gsi. äs isch wahrschiinlech vorerscht ds letschtä greenfield gsi für üs i nächschter ziit. nächschts jahr simer den idä flittis und im 2015 simer hoffentlech ds 3

@ lilmonkeyme: wi isch ds konzärt gsi?

@ lula: hesch ä grossä gartä? bluemä und/oder gmües?

@malinchen: du hesch ja scho gli ds zivilä. so kuhl. bisch scho närvös? muesch no viu machä? d fotis vo dim mini-polter si super. sit äs megä härzigs päärli.

@nisliker und fringilla: ha öbä glich längi haar wi dir das beschribet. aber miner si mega dick u schwär, drum geit bi mir ä hochsteckfrisur äuä nid. löters vorä coifeuse la machä?


zu üs:
i muess ersch am mittwuch uf d nachtwach u bis denn hani frei. gründlech hushautig machä und wunschbüechli baschtlä steit ufem plan.
mir wei biudli ir reihävoug vo üserä flitti-routä (z.B. geld an flug, geld für benzin, geld für frühstück in L.A. usw) vo tag 1 bis tag 30, verschidä grossi gäudbeträg.

am afang wei mir ds sprüchli:

Man lädt nicht zu einem Hochzeitsfest,
damit man sich beschenken lässt.
Wollt ihr es trotzdem, weil‘s so Sitte,
dann haben wir nur eine Bitte:
unser Hausrat ist komplett,
auch die Wohnung ist ganz nett.
Darum sei‘s erwähnt, aber nur so am Rand;
schenkt uns etwas Geld zum Reisen ins Amiland.

mir eröffnä äs gmeinsams konto und ganz hinder im büechli si iizahligsschiinä. mä cha aber o nid izahlä us ar hz id card/money-box tue.

iz mini frag:
was schribemer am afang aus erklärig? i meinä wiä erklärä dasmer iizahligsschiinä hei u so.
z.B: liebi hochziitsgescht, ?????? bis bald eure morelia und lampro
das drzwüschä fäut u i bi total ifauslos. bi so schlächt im formulierä......

hiiiiilllfeeeeeeeeeeee


ig wünschä aunä ä guetä wuchästrart

Guete Morge Zäme

ha gseh das bilder bearbeite es thema gsie isch. ich bin glernti polygrafin und ein teil vo minere abret isch bilder bearbeite. es sind viel fotografe au so tür will das sehr viel zit in aspruch nimmt!!! en guete fotograf duet nöd nur helligkeit apasse! de investiert ganz viel zit is bearbeite vo de bilder! de pris isch scho grechtgertiget wenn mer gseht wie viel zit er brucht zum bearbeite. selber chammer das chum mache ussert mer isch nöd so aspruchsvoll....

wünsch eu ganz en schöne, sunnige Tag

nisliker

@malinchen: Merci füre Bricht ud Fotos! Tönt nach emne würklich coole Polterobe, wo dir gha heit. Isch super, wenn mes mau nid ganz "klassisch" nach Gschlächter trennt u eifach mitnang e gueti Zit verbringt.

Haare

Ig dänke aso oh, as me mit fasch allne Haardickine e Ufsteckfrisur cha mache. Wied Taeboyana scho gschriebe het: gnueg Haarnadle u de hebts! Ig los uf all Fäll vo mire Coiffeuse mache, wil ig sälber sichr zu närvös bi u de chunnts nid guet use. Usserdäm sälber ufestecke chani se mir jede Tag. Und es gibt ja oh vil Ufesteckfrisure, wo me eifach nid a sich sälber härebechunnt und die Glägeheit wetti aso scho mau nütze, e professionelli Frisur gmacht zbecho

Fotos bearbeiten/Fotograf

@malinchen: ig ha jo ging no d Hoffnig as de üse Kolleg chäm cho fötele, dä het drum mau bimne Fotograf gschaffet und oh HZe gfötelet, wär also nid eifach so Hobby-mässig. GG wett ebe niemert, wonr nid kennt. Är loht sich scho nid gärn vo Kollege lo fötele, geschweige denn vo Frömde und ar HZ Mäss heimr mit paarne Fotografe gred und är isch nid so warm worde mitne, darum gibts wohl keine. Aber isch oh ok, so ischs Budget füre DJ drfür chli gstige

@nisliker: glaube du hesch mi falsch verstande: es geit mir nid drum, as ig finge bearbeite sig nid zitufwändig und dürf darum oh nüt choschte. Sondern würklich drum as ig kei Ahnig ha, was do alles gmacht wird unds mi halt wunger nimmt. Und ebe, da mir einewäg kei professionelle Fotograf hei, stellt sich die Frog oh gar nid, ob mir ne ztür finge oder nid. Do isch ebe de d Frog eher: was muess gmacht wärde und bechöme mirs sälber ane oder müesse mr für öper luege?

Zuletzt bearbeitet am 17.06.13 09:49