@Fringilla: Wieso blibt de Di GG so stur wäg am ne Fotograf? Isch doch schad, wenns kenner Fotis git?! Ha mau es Prkti bim ne Fotograf gmacht, isch aber scho ewigs här, faht ah bim Wiisabglich u hört bi de rote Ouge uf... Oder ja nach je was Dir de ebe aus weit bearbeitet ha. Isch aber scho ne nit zu unterschätzendi Arbeit.
Was hesch de Du für nes Projekt, dass de nit mau meh Wucheändi hesch?
@morelia: Heit ja super Wätter gha fürs Greenfield! Dini Planig tönt aber guet...
Chli aus, Tomate, es Nektarineböumli wos erschte Jahr dusse isch, es Öpfuböumli, aso ämu dr Versuech... (hei e Öpfu gno, wo usgschlage het u denn itopfet, u jtzt mau gugge was chunnt) närne si mir ab Beet vorbereite, mir wetti no Zucchetti, Himbeeri, u süsch no chli was Gmüesigs, wüsse aber no nit rächt was Närne hani es Chrüterbeet, Geranium, Orleander, Rose, e Palme, u no diverses Chlichrüsch Hesch Du ou Garte? Oder eifach chli Balkon?
@Taeboyana: Spiut doch kei Rolle, gugge ou sit am Früehlig für nes paar farbigi Schueh. Hesch es Foti?
@me: Heit Dir aui es gmeinsams Konto, oder wie machet ihr das mit am überweisene Gäld? Ha das geschter no mit GG drüber gha, wäge üsere Wunschliste. U eigentli isch bis jtzt für üs beidi klar gsi, das mir es gmeinsams Konto mache, u geschter het er gmeint, mir gäbe Dis Sparkonto ah, u gugge de nach am Hochzyt...
mir hend es gmeinsahms konto womer spared. uf eusere hochzitswebsite chammer eus en wunsch erfülle (zum bispil i de flitterwuche es romantisches dinner am strand) und denn wird de schenker bete s'geld züberwise oder em fäst mitzbringe... ich wür aber uf jede fall en grund age für was das geld isch. das hani scho a vielne orte gläse das mer nöd eifach söll sege schenked geld und nöd sege für was. isch au gstande das mer nöd söll sege dases für unchöste vo de hochzit isch...
@nisliker: Mir machet online e Wunschliste; mir wette ändli mau einheitlechs Gschirr, nöii Velo wäri nache, e guete Grill, e Metalldedektor, e nöiie Louf für GG "Balernia", es Sofa, Panzerfahrt, Spiegelreflekkamera, Nähmaschine evtl. Tisch & Stüehl, es Bett - bi denne Sache hie, müesse mir ebe no gugge Aso si wüsse scho für was, u si chöis de ou gad gezielt gäh, Ateilsmässig oder ganz Bi mir no gad am Überlege, ob is Gschirr einzel (aso 14 Teller, 14 Suppeteller, etc) dritue, oder aus zämä usrechne, u denne eifach dr fertig Betrag.
I schänke drum ou nit gärn Gäld u weiss nit für was...
@Lula: Cool, das tönt ja nachme schöne Gärtli. Mir hei nume es chlis, aber immerhin es Zwätschgeböimli (wo zwar bis itz immer nur ca. 3 Zwätschge het gha ), viiiiiu Himbeeri u Meertrübeli, chli Chrütli, Zitronemelisse und paar Blüemli für ds Gmüet
I ha äbe o gfunge, i nähm itz die Schueh, we sie mer scho gfaue, bequem si und usserdäm so günstig, süsch närvi mi de imne Jahr, weni vrgiftet nach genau settige sueche u nüt finde. Mues de dehei luege, obi es Foto cha ufelade.
Mir hei ou es gmeinsams Konto, wo mir o für ds Hochzit gäud spare. De würde mir äuä o dert druf de d Biiträg a üsi Flitterwuche la überwiese. Das wägem genau säge für was asme ds Gäud wünscht, gsehni o so, aber das isch ja mitem Wunschbüechli, wo sie die bestimmte "Bousteine" vor Reis drin gseh, tiptop glöst.
@lula: das tönt de super. mir hei leider nur chli baukon.... cherrytomatä, hortensiä, margritli u so chläterpflanzä.
was si Peeptoes?? weiss nüm wärs gschribä het, aber das hani scho ä paar mau gläsä.
@thema fotograf: mir hei planet, das mi brüetsch d vorbereitin vom gg fötelet und ä kolleg vo üs d vorbereitig vo mir u vor tz (si si beidi partyfotograf, das bechömä diä scho härä ). vor chiuchä ah übernimmt d hz-fotografin. nach dr troouig churz äs paar familiäfotis und ds apero fötelä. nachem apero geits zur location vomer am see äs churzes paarshooting machä während d gescht ir location itrudlä, ihrä platz findä usw. när geit d fotografin und fürä räschtlech abä übernimmt de kolleg. ihm machemer ä lischtä, wasmer aues gfötelet wei. z.b. deko, turtä, redänä, spili, 1 tanz.... üsi fotografin het gmeint uf 6-7 stund fötälä brucht si ca. 8 stund bearbeitigsziit.
merci viu mau für d vorschleg fürä text i üses wunschbüechli.
@thama haar: bi längä, dickä, schwäärä haar finfä i persönlech ä hochsteckfrisur nid so praktisch. müglech zum machä isches sicher scho. aber i merkes aubä scho extrem weni ä höchä rossschwanz machä. das gwichtet haut scho no. und am hz-tag när äckäweh und chopfweh weti nid. ä kollegin vo mir isch coiffeuse und si het gmeint, mir düä de mau probä bisi mini troumfrisur gfundä ha. und när muessi ä tag mit derä umäloufä dasmer gseh obs het und ushautbar und praktisch isch ä so haub hochgateckt und dr räscht offä würdi mir no gfauä. villech so chli zöpflet.
thema haar: also mini haar gönd bis oberhalb em po, sind schwer und dick. aber jede kennt mich mit dene lange haar und ich möcht gern e hochsteckfrisur.... ich suech mer öper womer das mache cha und susch schnidis es bizli. halb offe hani ebe no kei frisur gseh wo mir gfallt. möchts uu gern ufe stecke...
@ konto: im momänt sparemer no seperat uf d hz. mir wei aber äs gmeinsams konto eröffnä für d hz-wunschlischtä womer när speter aus gmeinsams konto chöi bruchä.
@morelia: I bi das gsi mit de Peeptoes Das si so hauboffni Schueh wo äbe vore d Zäihe useluege z.B. so: http://www.zalando.ch/lotus-sarenna-pump...11a00m-305.html Die woni ha kouft hei praktisch genau die Form, nur si sie rot u nid glänzig.
Die 1. Frisur hani o uf Pinterest gseh u würd zu mine Haar (we sie de lenger si ) gloub no guet passe. Ds Problem bi mine isch chli, dass sie mi irgendwenn meistens närve, weni se offe oder haub offe ha u sie vor auem im Summer eifach viiiiiiu z'warm gäbe! Zöpfli findi o sehr schön u machi mer i säuber viu so schreg übere Chopf.
@Taeboyana: Mir isch es ebe bau zchli, würdi gärn no chli meh mache, oder nöime e gschützti Egge mit am ne gmüetleche Sessel oder so... Aber ebe, gits de viellech mau no Guet, üses Nektarineböumli isch ou no nit ärnteriif, het zwar ganz viu Früchtli dranne, aber das zerschte Jahr dusse isch, wirds äuä nit so ertragsriich. Aber öiches Gärtli tönt ämu ou wunderschön!! Machsch denn Konfi?
Mir hei ebe dKärtli nit so sträng trennt, daher
Aber so nes Wunschbuech isch doch ou super, mir wäri eifach dr Ufwand zgross, aber schön si si immer!
Das Problem, dass eim dHaar närve kenni nur zu guet. Wie hesch se de Du aube? Wüu i ha dNärve iwie aube nit so, zumau müesse si, wenn si zämäbunde si, schön glatt hinderebunde si, u ja kenner hügeli dinne ha, bi da sehr heikel...
@Morelia: Hortensi hätti mir eigentli ou, zämägfasst unter de Blüemli, aber üsi si am igah... Aber Margritili wäre ou no ne Idee...
Anmelden
), viiiiiu Himbeeri u Meertrübeli, chli Chrütli, Zitronemelisse und paar Blüemli für ds Gmüet 
