@Lula: I ha sehr Fröid a üsem Gärtli, obwous würklech nur mini isch Aber me cha o so scho rächt viu mache! D Beeri si aui no vo üsne Vormieter drin und spriesse jedes Jahr meh... d Himbeeri hani letscht Jahr igfrore und de aube für Dessert brucht, aber i hoffe das Jahr gäbs gnue für Confi.
Platz zum sii heimer in Form vore Rattan-Lounge uf dr Dachterrasse

I ha no e Frag zu däm Wunschbuech (wemes i dere Form macht): Das git me ja de de Lüt ume, oder? Isch da nid d Gfahr, dasses bi de einte lang ligebliebt und nid zügig witergäh wird? Das wär itz mini Sorg, aber abgseh drvo isches natürlech scho sehr schön!

Haar: Letscht Summer hani se churz gha (aso scho no gad über d Ohre) u das het mer o no gfaue, aber da mini Haar äbe überhoupt nid grad si, isches e RIESE Ufwand wüu me se immer mega mues frisiere. Jetz chani se wieder guet zämenäh, si knapp schulterlang. Ha meistens e Sitescheitu und uf dere Site, wo meh Haar si, äbe es gflochtnigs Zöpfli oder e Strähne trädelet oder süsch irgendwie hingeregspängelet u dr Räscht entweder offe oder imne Schwänzli. Im Momänt äbe eher ds 2. wes so warm isch... itz hani morn es Vorstelligsgspräch (i weiss das ghört itz nid würklech i das Forum) und bi mir meeega am Gedanke mache, wasi fürne schöni Frisur chönnt mache, woni nid verloufe drmit, wüu es Schwänzli findi nid so passend... geschweige denn wasi söu alege - aber das isch es angers Thema.

@Taeboyana: Ou so schön. Hmmm... Dachterasse... Das fählt hie, aber es müessti nit mau e Lounge si, mir würdi e Einzelsässu länge, oder ou so nes Duo, eifach zum chli sii, Läse, quatsche oder so...

Fändi so öbis ebe ou no cool...






Wäg am Wunschbuech; süsch chasch ja ne Adressliste mache, u gad mit Datum versehe, wenn das mes setti witerschicke, oder du lahsch es immer umi zu Dir / de TZ lah cho u schribsch es Briefli mit, dass de froh wärisch, wenns innert 10 Täg umi hättisch

Datei-Anhänge

	Selfmade Gartebank.jpg Mime-Type: image/jpeg, 141 kB
	Paletten und Ikea Matratzen.jpg Mime-Type: image/jpeg, 133 kB

@Lula: oh dasch härzig, i bi froh hani das gschwing chönne loswärde I ha dänkt so beigi Chino-hose und es häublau gstreiflets Blusli (isch nid durchsichtig ). Jüpli hätti scho es chics schwarzes, aber isch so synthetisch u gloub da si d Chinohose no fasch luftiger bi 33 Grad ...
Ds Zöpfli isch scho fasch gsetzt, aber wes geit wetti d Haar lieber offela. Mit Schwänzli gsehni aube no gad 5 Jahr jünger us as mini rife 30 u me schetzt mi drum scho so uf 22...

Die Idee fürnes Outdoorsofa oder e Lounge si super! Mues ja aube nid weiss nid was si. I ha mir mini vor emne Monet uf Deindeal ergatteret, wos mau es super Agebot het gä mit emne 2er-Sofa, 2 einzelne Sässle, emne Tischli und Sunneschirm I hoffe es git dä Summer no viu schöni Sunnestunde zum dobe gniesse.

@sue: welcome back du hüratisch ja o scho dises jahr zivil wi ds malinchen... so kuhl

@lula: so nä ussä sitzgruppä wetti unbedingt mau wemer äs huus hei. mega schön. u mä chas ja relativ günstig machä mit denä ballet.

@thema wunschbüechli:
üsi trouzügä dües vrwautä, sobaud d iiladigä dussä si. di wärdä sicher rücksprach näh wes lang bi öberem isch. schliesslech wei ja no anderi luegä.

@make-up:
heit ier im sinn ä visagistin la ds cho für d hz? heiter ä gueti adrässä?
mini haubschwoscht isch kosmetikerin u het gseit si schminki mi de. aber si het haut eifach nur iri eigeti schminki u machts nid proffesionell. ussert dr grungusbiudig het si ke erfshrig u üebig. i machemer haut chli sorgä dases de nid so toll usgseht. si het gmeint si bruch de mis make-up und nämi no ihri schminki mit. aber äs hz-make-up isch ja scho chli spezieuer. äs git ja z.b. äxtra make-up wäg dä fotis und äs söt ja o aues wasserfescht si. i wet lieber, dasmi ä visagistin schminkt. aber wi sägi das mirä haubschwoscht?

Fotos
Jo, mau luege, vilich fingt sich jo de öper, wo das cha und süsch isch eigentlich oh nid so tragisch. Mir si do nid so aspruchsvoll.

Garte
Tönt ja mega schön bi euch allne! Mir hei "nur" Chrüter i grosse Töpf und paar Blueme im Fänschter. Üse Sitzplatz isch ebe nid so gäbig für meh druffe zha und Garteateil heimr bim Izug nid wöue und jetzt heid Vermieter dr Garte umbaut, de hätts eh nüt meh für üs fürig. Aber ir nächschte Wohnig isches de vilich oh angersch.

Konto
Mir hei nis no nid gross Gedanke drüber gmacht, vo wäge de Gäldgschänk und so. Hei no nid mau jetzt es "normals" gmeinsams Konto. Das wär aber eh de mau ir nächschte Zit planet u de choimr jo de grad das näh. Ufz Hochzit spare mr jetzt emu oh grad no separat.

Frisure und Schminke
Ou jo das mim "Frisure-Chopfweh" kenni oh. Ig cha oh keini Haarreife länger als paar Stung träge. Drum gibts de bi mir kei strängi akurati Frisur, sondern öpis eher lockers mit nid all zu vil Schmuck drin. Die zwoit Frisur, wo d nisliker inegstellt het, hani mau im Frisurethread gseh und emu oh grad abgspicheret Halb offe und ganz offe fingi zwar oh no schön, gieng aber bi mir gar nid: egal wie vil Spray ig druf mache, so schöni Wälle oder Locke hebe nie dr ganz Tag und am Obe wäri e voguschüüchi
Wägm Schminke hanis no eifach mini Coiffeuse macht das oh und wes no professioneller söu si, hätt ihri Schwoscht im gliche Hus e Kosmetiksalon.
@morelia: chasch nid mau es "probeschminke" mache mit dire Halbschwoscht? vilich überzügts di jo glich. Süsch würdi ihre ganz ehrlich säge, as du nid a ihrne Fähigkeite zwiflisch, aber as du halt gärn mit professionellem Make-Up würdisch gschminkt wärde, wils jo dr ganz Tag söu perfekt blibe, wil du denn äue die meischtgfotografierti Person wirsch si und du darum euchere eigete Schminki nid so übere Wäg trausch. Meinsch das versteit si nid?

Wunschbuech
Do frogi mi oh ging echli wie das söu funktioniere. Schicke das d Lüt sälber witr und de gibt ne e Reihefolg vor? De muess jo jede 7-9.- franke Porto zahle. Und wenn mes jedem 10 täg gibt, muess mes jo fasch es Jahr vorhär i Umlauf bringe wil bis ei Monet vorem HZ setts doch de jede mau gha ha und wenn me rund 60 Lüt het, gits emu scho öpe 20-30 "Grüppli". Und isch das nid mühsam fürd Gäscht, we si müesse warte und lang nid wüsse, was sichs Paar wünscht? Aso verstöht mi nid falsch: ig finge die Büecher immer mega cool und ig würd sofort oh sälber eis mache, isch halt oh schön persönlich und so, aber organisatorisch dunkts mi ebe scho no ne Ufwand. Mir si mau noime iglade gsi, wo si jedem Gascht eis gschickt hei, aber das isch "nur" es usdruckts Wordfile mit Bostich gsi, das gfallt mr de oh nid so. Aber wil ig ebe oh finge, je genauer d Gäscht wüsse, für was as s Gäld isch, um so besser. Darum wett ig eigentlich oh nid eifach schriebe, mir wünsche üs Gäld ad Hochzitsreis, sondern oh sowas detailierts mache, äue i däm Fall de online.

@Taeboyana: Ui, viel Glück de bim Vorstelligsgspräch! Zöpfli tönt doch guet, wil wes so heiss isch het me aube d Hoor nid gärn im Äcke und die choi ja i dim Läbenslauf nacheläse, wie alt as bisch

Zuletzt bearbeitet am 17.06.13 16:21

Also mir werdet au es Büechli in Unlauf geh wo mer Ateil ad Flitterwuche zahle chan. Es wird eifach gad i de gliche Grössi sie wie en Izahlogsschie. Den hemmer es Blatt wo links es Bild isch (z.B. vonere Tankstelle fürs Benzin) und ruchts devo staht "Benzin für Mietauto 500 CHF" und hine isch jewils gad de Izahligsschie. Den chönds öpis ussueche und gad useneh damitses wiiterschicke chönd.