@Chriesei: sorry, isch vilich e blödi Frog, aber isch mit "Benzin für Mietauto 500 CHF" gmeint as ei Gascht eilei sövu würd zahle? Oder choi si oh Teilbeträg a das gä? D Idee mit Izahligsschin-Grössi fingi no härzig! Aso das heisst es geit vo Gascht zu Gascht bi euch u chunnt nid zwüsch dure zrugg? Gäbet dr de ne Lischte mit Adrässe mit oder wie düetr luege as es alli bechöme?
Dir sit ja mega fliissig gsi! I bi dr ganz Tag ir Badi glägä... I hät eigetlech am Nami müessä Unterrichtä, aber denn hei sie mir aglütä, dass mir de Kids frei gäbä. Im Unterrichtsruum ischs über 34C wordä. So chöi die eh nüt meh ufnäh.
So, i hoffä i vergissä niemer, süsch duets mir also Leid!
@Taeboyana: viiiiiiiel Erfolg bi dim Vorstelligsgspräch morn!!! Dis Outfit tönt ömu guet... Da findsch sicher ou no ä passendi Frisur drzue. Das mit de nid ganz grade Haar kenni numä all zu guet. Me mues immer öpis dranne mache, dasses nid unpflegt usgseht.
@Wunschbüechli: I finge d Idee eigetlech ou mega cool. Aber i gloub bi üsnä Gescht würd das nid funktionierä und i würds ou nid rächtzytig fertig becho, für dasses längt. Wöu wie scho gseit wordä isch, das geit ja när rächt lang, biss das bi aunä dürä isch. Mir wärdä äuä ou ds Agebot vo Globetrotter i Aspruch näh. I finge die Reiseagebot wo sie hei sowieso mega cool und üsä Hushalt isch fürä Moment bestens usgstattet. Mir düe de eifach bidä Iladige e Charte bilegä wo mir druffe erkläre wies louft mir dr Homepage aber ou vermerkä, dass mir am HZ ä Cardbox wärdä ha, falls öper lieber wett persönlech ds Gschänk übergäh.
@Lula: sonä Lounge wär ou mal mi Troum! Finge das mega schön... När no ä Pool näbä dranne und i verlah dr Garte nümme.
@Fringilla: Ah ok, de würdet dir ja de glich paar Föteli ha wenns öiä Kolleg chönnti mache. I ha ou scho vermehrt ghört, dass ds Bearbeitä vodä Föteli fasch meh Zyt brucht aus ds Fotografierä säuber. Drum würds öich äuä mega viel choschtä, wenn dir das vo öperem würdet lah mache. Wenn dir überhoupt öpper findet... I dänkä aber es git inzwüschä viel Lüt wo mi Photoshop z düe hei im Job oder sich privat drmit beschäftige. Fraget doch mau chli ume im Bekanntekreis, de finget dir sicher öper wo das cha übernäh!
@Konto: Mir hei jetz ou fürs HZ es gmeinsams Sparkonto eröffnet. Finge das scho no cool... und i dänkä es wär doch für d Gäscht ou chli komisch wenn sie när ds Gäld eifach numä eirä Person ufs Konto überwiisä, nid?
@me: i ha jetz zum Glück nümme viel z düe bis am Fritig. Morn göh GG und ig no chli ga shopä, am Nami hani ä Termin fürd Fuesspfleg. Hüt morge hani glich no 3 Strüssli bstellt für mi und üsi 2 Froue im OK. Am Fritig morge machä mir es churzes Paarshooting mit GG's Schwo und när geits los. Fröiä mi ou scho druf weni öich de cha brichtä...
@nisliker, die frisure sind super. D'Zöpfli gfindi de Hammer.
@haar, ich han so doofi halb afro, locke, dicki, fiini gradi Haar. Ja, en riise Mix. Aber wet gern grossi Locke halb offä träge. Dh, haarglettä, und den lockä dreiä. Da Mini Haare über d'elbogä gönd, müsstis viellicht nochli wachsälah.
@flittikonto: mir wüsset nanig ob mir söllet e Website mache, oder es buech oder d'kuoni Hochziit Website näh. Drum au nanig ob mir es flittikonto wend mache. Sust Hämmer scho es gmeinsams konto.
Was würed ihr mache? Mir händ dütsch und englisch sprechendi gäst. Die meiste wohnet ide CH oder de UK, aber au gäst vo DE und de USA. Lüüt wo alt sind und s'internet nö kännet zB min Grossvater.
Mir wänd das lüüt ois en teil vode Flittis chönd schänke as Benzin etc, aber au es paar "richtigi" Sache, wie e GoPro und SpiegelReflexkamera, damit mir oisi Flittis chönd grächt dokumentierä, und d'Flittidoku düemer uf e website. Blogstyle.
@moriela, das foti isch genial. Wänn gönd ihr i oi Flittis und wo fanget ihr ah? Viellicht simmer den au detä
hihi, jööö, das Meitli isch ja mega härzig! Aber i cha mir vorstellä, dass die Haar nid grad eifach sind...
Hmm, bi dir ischs würklech chli schwierig wäge de Gschänkli. Da dir viel Gäscht usem Usland heit, wär ä Homepage sicher am praktischte. Aber viel älteri Lüt chömä da halt när würklech nid tschlag. Villecht chönntet dir bir Iladig so wienä Visitecharte vomnä "Help-Service" bilegä, wo sich die Lüt chöi mälde wos nid allei chöi. De cha villecht bim Grosspapi öper vo dirä Familie hälfe oder so?
FringallaVigo, isch nur es Biespiel gsi mit 500 CHF. Mached au chlineri Betreg drus. Nöd das zwunge sind so viel zahle. Ja mir dünd eifach e Liste mit Adresse mitgeh damits den witershicked. Mir sind nöd extrem viel Lüt 40-50 und devo mümmers öpe a 30 schicke (Huushaltsmässig). Das gaht scho. Die einte wohned au gad i de gliche Strass.
@thema wunschbüechli: d tz verwautes. d euterä vo gg u miner euterä wärdä häufä s i umlouf ds bringä. i nimä ah, das d lüt scho wärdä fragä wesisech amäudä, was das mä cha schänkä. de chöimer ad tz verwiisä.
@lilmonkeyme: hesch scho mau ä coiffeusä gfragt was bi dir passend wär? di cha dr sicher häufä, was dr am beschtä steit.
ig wet für mi i aunä berichä (make-up, frisur, chleid) eifach öbis typgrächts. wahrschiinlech steit mir das chleid woni im vorherein niä usgwäut hätti am beschtä. glich chas eim ja o mit dr frisur oder dr schminki ga. drum let mä sech ja o vo profis la beratä
@morelia, merci für de link. Muh ehrlich sägä, ich bi da siti 14 bi nüm zumne Coiffeure gangä, die hends da zumal eifach nöd so gha mit mine Haare. Ich bi mehrmals brüellend heicho, willses mir viiiill z'churz gschnitte hend, oder eimal sogar farb zlang dringlah händ, so dass mini Haare sogar usgfalle sind. Und has immer vorher gwarnt gha über alles erdenkliche. In England bini erst mit 21gi den s'erst ma zum Coiffeure, mit halber Paranoia, und die händ uf mich glost (und sus scho viel erfahrig gha) und das isch es sehr guets Erlebnis gsi. Aber da hani immerno Müeh, obwohl sich wohl einiges gänderet hät.
Anmelden
)
Das mit de nid ganz grade Haar kenni numä all zu guet. Me mues immer öpis dranne mache, dasses nid unpflegt usgseht. 
Fröiä mi ou scho druf weni öich de cha brichtä... 
s'zeinzig guete haar bild woni gfunde han)