@aui: Merci fürs Düme drücke, dir dörft itz losla Es isch gloub rächt guet gange! I ha ämu uf aui Frage e gueti Antwort gwüsst Itz muesi mi bis Ändi Wuche mäude, obi mirs chönnt vorsteue u de gäbts es 2. Gspräch... het auso würklech sehr interessant tönt das Ganze...

Bi mir im Büro isches heiss... ha jetz dr Ventilator installiert, so geits scho besser. Phu!

@malinchen: I liebe Ranukle!! So blöd dasses die im Ougust nümm git, fändi die wunderschön. Aber Dahlie wäre vielech o no härzig.

@malinchen, wow gseht schön us die ranunkle - ha gad müesse go google wie die usgseh
und für wen alles hesch die bstellt? bi meeeeeeeeega gspannt uf di Bricht und natürlich Bildli;O)

@Lula und @morelia, ou jaaaaaaaaaaaa i würdi chli use weni öich wäri...nöime ines schatteplätzli....ha bis ize das jahr no nid so wespi gseh...??

@morelia: nei das hesch nid überläse, hani no gar nid gschriebe. Koordination/Organisation (Bürojob). Ähnlech wasi jetz o mache, aber no chli abwächligsricher und äuä no chli meh Useforderig - und meh Lohn aber i darf mir nid zgrossi Hoffnige mache, es het schints viu Mitbewärber...

Hallo Zäme, i chume ou umemau drzuä zschribe... zum glück chani immer chli mitläse

Wunschbüechli:
Auso mir wie de äuä ä Homepage mache mit Wunschbüechli. Mir wette üs de ou dHochzytsreis la finanziere so u de chöi dGest när uswähle was si gnau wette zahle.. Hotel, öpis a Flug, äs zNacht oder so...

Mir hei aus Trouzüge aber mau dr Uftrag gha zWunschbüechli zverwalte. Mir hei när ä Brief drzuä ta womr hei gschribe si söues so schnäu wiä müglech zrug schicke.. äs het auso wük super guet klappet. Aber chostet haut ou chli öpis wemes immer wieder muess verschicke... aber ä Homepage isch ja meistens ou nid gratis.


Blumen:
Auso i wetti de gärn Sunneblueme ar Hochzyt

Schminken:
I wirde das äuä vo mire Kollegin la mache wo dVisagistin het glehrt.. si machts mega schön


@Teaboyana: schön isch dis Gspräch guet gange hoffe du überchunsch dStell wed sä wetsch..

@Lula: da mir no nid wüsse wasmr de fürnes Kärtli hei, weissi das no nid.. dänke wemr eis tüä la drucke (mit Foto drucke u allem) de würdi äuä nid ungerschribe. u wemr eis bastle de würdi äuä ungerschribe...

Hallo zäme
Be scho mängisch uf dere site desumeghüeneret, aber die site (wo ech ja ou dezue ghöre) hani ersch etz gseh. so schön, euchi biiträg z läse. da chomeni no föu meh i stemmig.
Mier hürate am 16. Mai zivilisch und am 24. Mai kirchlech. und ech chas chuum erwarte... ech wetts etz scho i aune verzöue, aber mer wott sech ja d spannig chli erhaute...aber äbe. wäm heit diers scho gseit?
bi üs wösses afe d trouzüüge...
Liebe gruess

Ou schön, mier hoffe etz eifach, dass de Mai `14 andersch esch aus de im 13ni. aber werd so oder so üse schönsti tag.
Mier si set fast 7 1/2 Jahr zäme und hei scho lang öber s hürate gredt. aber wöu ech letscht jahr no e usbeldig abgschlosse ha,esch do echli blobe, bes mer amene hochziit gse send (nor ga spalier stah) und de eifach beidi z gfüel gha hei, s wäri etz die rechtig ziit för üs. mi schatz het sech denn öber datum informiert, und de hürataatrag esch denn nach Pfingste, woni vomene weekend met mine froue heicho be, be üs deheime cho. aso zerscht heimer s datum gha und de de aatrag....
ech freue mi so riiesig und wett am liebste,dases scho morn wär, obwou das met de räschtleche sache organisiere chli knapp wördi wärde
wie gsehts bi euch uus? was heit dier scho organisiert und planet?
liebe gruess