Hei heart härzlech wiukomme!
Jaa i hoffe o gaanz fescht das dr nächscht mai chli schöner u wermer wird si aus das jahr!

Hie isch ja viu gangä... Ha spätdienst gha u bi drum itz ersch drzue cho aues nachezläsä!

Aso punkto blueme wetti eigetlech aues mit wiseblueme machä... Da mir ja im wallis hürate, fingi das passt no guet! U finges o mega schön u natürlech, sött o guet passä da ig wahrschinlech o nid sones wahnsinnig pompöses chleid wirde ha.. D haar wetti igendwie chli izöpflet.. Und de isch de aues ehner so chli natürlech..

Schminke tuet mi wahrschinlech ä visagistin.. Äs isch ä kollegin vore guete fründin vo mir u si het vous vrtroue i si u ig drum o... Mache aber sicher mau ä probetermin ab..

Wäge wunschlischte hani mr o scho viu gedanke gmacht.. Äs wunschbüechli weimr ehner nid.. Ha eigetlech sone homepage wöue abr mir mache äbä d hochzitsreis wahrschinlech in skandinavie u wärde mitm camper vo mine eutere ga.. Drum heimr o nid so fixi pünkt wo mr üs chöi la schänkä.. Itz weissi äbä o nonid so gnau wimr das de wei machä..

Wäg dä iladigscharte hani mr nonid so gedanke gmacht.. Mir tüe äuä ehner nid ungerschribe...

Malinchen: fingi vou süss hesch du für d mädels o es strüssli bschteut, und ranunkle si sowiso super! Bi dir geits ja würklech nümm lang!!! So kuul!

So itz wünschi aune ä gueti nacht!

@aui: Guete Morge! I bi irgendwie mega müed, es isch eifach zheiss zum guet schlafe...

@Heart: Härzlech wiukomme! Das tönt ja schön mitem Atrag bi dir. Bi üs wüsses mittlerwile die meischte. Er Familie hei mirs as 1. gseit u när de TZ, guete Fründe etc. Inzwüsche wüsses o die meiste Arbeitskollege, ämu die womer wichtig si. Das isch aber so nadisna cho, i has nid grad überau a die grossi Glocke wöue hänke...

@me: Üsi Ringe si schints fertig!! Itz müesse mir de mau luege, wenn asmer se chöi ga aprobiere *riesigfreu*. Bi ja so gpannt! Aber i gloub mir lö se de när grad bim Juwelier im Safe, dert si sie sicherer u graviert wärde müesse sie ja o no.

Usserdäm si mir am Offerte ihole für ds Apéro. Isch no ziemli früeh drfür, aber mir müesse gli mau entscheide, ob mers ir Pfrundschüür näb dr Chile wei mache mit me Caterer u de die no drzue müesste miete oder im Restaurant wo grad näb dr Chile isch. Restaurant wär zwar äuä tüürer, aber d müesste mer die Pfrundschüür nid miete und meh müesst äbe de o no usewüsche etc. (ke Ahnig wär de das söu mache?)

Bim Parkhotel Oberhofe weimer o no e Offerte afrage, hoffe mir chöme de die Wuche no drzue.

Am 1. Ougust hei mir üsi 4 TZ iglade zum Burehof-Brunch i däm Dorf wo d Chile isch. De gömer när no zäme d Chile ga aluege und mache de e 1. Sitzig womer so chli generell wei feschtlege, wasmer üs öpe vorsteue und was gar nid geit.

Am Sunntig wär üses Engagement shooting - sofern schöns Wätter isch. U de chas scho gli losgah mit the STD-Magnetli

@Taeboyada, ou schön mede Ringe!! gäu es fägt mega wenme nöime e Schritt witer chunnt....i freue mi emu über jedes Ding wome neu definitiv weiss;O)
ou dasch e super idee megem 1. August - Brunch.....wo si die eigentlich aube usgschribe die 1. August brunche??

@Heart: Willkomme oh vo mir!

@cathie: Mou, do chasch doch sicher oh öpis drus mache, wed gärn e Wunschlischte hättsch. ZB choitr nech Kilometer oder Benzinliter lo schänke oder dr Fähre-Transfer oder es "Notfallpackage" mit Ersatzreife und so (ig meine, we dr das scho heit, bruchts jo niemer zwüsse) oder es Znacht oder wenn euch glich no öpis a Usrüschtig fählt, choitr das druf due ooooder... jo kei Ahnig, aber wenn dr d Reis am zämestelle sit, chunnt nech sicher vil i Simm, wo sich als Wunschlischte-Itrag würd abiete. würd mi emu vor Online-Wusnchlischte nonig grad verabschiede

@Taaeboyana: Cool mit de Ringe! Gibts vilich es Foto? Wägm Usewüsche: vilich macht das jo dr Caterer (evtl gäg ne chline Ufpris) oder wed zB e Verein am Apero hesch, chönntsch ja dert oh mau schüch froge?

Iladigschärtli ungerschriebe
Ig würd eigentlich scho sälber ungerschriebe, usser es si so Foto-Chärtli. vorallem isch ja das Papier oh nid grad geignet zum drufschriebe (so glänzig aube, oder?). Aber ig dänke eigenlich nid, as ds einte oder ds angere besser isch, isch doch bedes okay.

Zuletzt bearbeitet am 19.06.13 09:32

@Lula: Mir hei d Ringe scho, wüu ig ar MariNatal im Februar (woni no nid mau vrlobt bi gsi ) e Guetschin vo Dia'doro ha gwunne für 20%. Dä isch aber nur bis Ändi Mai gültig gsi. Mir hei gseit mir luege eifach mau, ob mir dert öpis würde finde wo üs gfaut und hei uf Ahieb Ringe chönne zämesteue, wo üs beidne gfaue hei. Drum

Dr Caterer wär o mini Idee, dass dä vielech gschwing dürewüscht (mues nur "besenrein" si, aber glich). Süsch möchti das niemerem zuemuete. Mis Mami het gad gester vrzeut, dass e gueti Kollegin vo ihre no nachträglech doch isch iglade worde zumne Hochzit mit dr Begründig (heisi würklech offe so gseit!), sie bruchi drum no öper zum abwäsche. Isch doch die puri Frächheit ?? U die Brut kenni de no relativ guet... Drum, so louft das bi üs uf ke Fau.

Mit de 4 TZ isch das bi üs eso: Würklech Trouzüge wo ungerschriebe het me ja eigentlech nur 2. Das si mini "beschti Fründin" woni kenne sit ig 4i bi gsi und ig ou bi ihre bi TZ gsi, und ihre Ma. Die hei aber scho 2 Ching und da hani gfunge, wärs eifach e mega Stress für sie (i weiss ja us eigner Erfahrig, wieviu ases z'tüe git, o wes es mega schöns Amt isch!). Drum heimer no es 2. sehr guet befründets Päärli drzuegno, woni äbe o u gärn im Team drbi ha wöue. Sozsäge sies eigentlech 2 TZ, aui 4 si aber Tätschmeister, aber i due da aube nid gross ungerscheide mit de Title, wüu sie für mi aui e glich bedütende Job hei I gloub die 4 ergänze sech super und freue sech o, bi sehr happy mit dere Zämesetzig.

@Taeboyana: Ah ok. Ja guet, das rendiert denn scho.
Nee, usert Caterer oder ebe, öbert vor Kirche, aso dSigristin oder so, würdi jtzt ou niemert frage, fändi aso sehr fräch.

Bi de gspannt, wies bi üsne TZ isch.



@all: Froue, gugget mau, ha das hüet Morge gläse, u doch sehr müesse schmunzle...
http://www.lieschen-heiratet.de/lieschen...aschonganzbald/