@Taeboyana ja muesch du selber wüsse.. ha scho 2 mal gwechslet und es het nie öper e referenz vo min aktuelle gscheft wele. sie hend mir au immer gseit ich söll alüte nöd das min arbetgeber was merkt. das het nüd mit hinderga ztue oder so... aber er isch nachher eifach entüscht und evtl beleidiget. das isch so... du bisch wege dem nöd unerlich! ich ha bi minere letschte bewerbig mini lehrmeister age! das lit scho 3 Jahr zurg! aber ich ha ihnen nomal aglüte und gseit das ich mich bewerbe und sie age ha.... ich denk würkli nöd das sie vo dir de aktuelli arbetgeber erwartet. aber ebe muesch du wüsse hoff es chund guet. und jetzt widmermer eus wieder a eusne hochzite

@Lula: Ja genau, ds Stelleinserat. Wil är wott wüsse uf was si Wärt lege, drmitr das chli cha hervorhebe und so.

@ Sue: Wow, schöni Gschänk! Mini einti TZ het äbe nid mau Ohrelöchli
I fänd e Guetschin für Hamam/Solbad oder e Brunch o immer guet, de chame das när gad zäme mache zum Bispiu. Aber bide Manne wirds de scho schwieriger... Bi üs im Hotel wo mir sehr wahrschinlech sFescht mache, hätts no e Loveroom, das wär sicher o öpis für die Päärli Was mir ihne uf jede Fau wärde zahle, isch d Übernachtig im Hotel nachem Fescht, das hei bis itz die Hochitspaar wo ig bi TZ gsi mir o gschänkt. Je nachdäm wiemer de im Budget si wett ig de Froue ou ds Frisiere und Schminke schänke für ds chirchleche, aber das isch no offe.

Hey Ladies & Samu ;)

Sorry zäme, bin momentan so fest ibunde im Job und privat vil los, dassi nedso zum schribe chume.. probiere aber glich mol rasch alles durezläse und z’antowrte..

Danke für öichi feedbacks finde also au, dass das mini entscheidig isch und dassi mi ned für die muess rächtfertige!!

@malinchen: oh jo de spruch über fröndschafte häd definitiv vil wohrs!! Hey gäl übermorn isches jo scho so wit bi dir mitem zivile?? Uiuiu bisch scho nervös? Händer alles zäme? :) wie isch öiche polterobig gsi? =) dänke dänn a di morn ;)))

@daenu: jo gäl fröndschafte veränderet sich halt im lauf vom läbe.. wie häd si dänn reagiert, dass si nur zo de apérogäst ghört? Häd si das so chönne hinäh? Findi sehr starch vo dir, bisch zo dir sälber gstande und dir sälbergägenüber ehrlich gsi und machsch das, wo für dich stimmt!

@lula: ich würd götti und gotti au eifach a apéro ilade.. si sölet dänn sälber luege ob si cho wänd du häsch aber din teil gmacht.. aber chunt natürli au chli drufa waser so für es verhältnis gha händ..

@taeboyana: wäg de verwandtschaft: mir ladet au nur die verwandte as fescht i wo mir au regelmässig kontakt händ - die andere eifach a apéro und fertig.. stimmt so zimli für öis.. bi mir isches au so dassi mit de verwandte vom mami vil meh kontakt han (sind aber au vil weniger..) und mit dene vom papi (sind 5 tantene (plus partner) und 15 cousins/cousine und d’hälfti devo häd sälber scho chind also s’wär gar ned machbar gsi.. daher sind die eifach alli nur a apéro iglade.. wäg dim vorstelligsgspröch hanis leider erst jetzt gseh ;) fröitmi isches guet gloffe! ich schaffe jo im HR und sitze drum amigs am andere ändi vom tisch ;) finde als bewerber muesch di eifach wohl fühle i de chleider, klar gepflegt und je nach job eher elegant chunt halt ganz ufe job drufa – wennd nacher overdressed bisch fühlsch di jo au ned wohl – dass d’händ pflegt sind findi amigs no wichtig aber was für en frisur findi ned soo relevant.. s’isch d’gsamterschinig wo zellt, isch öber fröndlich oder ned etc.. gratulation bisch en rundi witer! =) hmmm bisch sicher dassd dim chef devo verzelle wetsch? Wie isch öiches verhältnis? Wenns ned klappt isches aber sicher unagnähm will er genau weiss, dassd am sueche bisch.. und wägem referenz ihole gebi de nisliker rächt… ich bin sowiso nedso fan vo referenz ihole wilmer jo sowiso nur die agit, wo eh super über eim redet also chamers teilwis grad loh si – je nach job natürli…hetsch ev. sust en vertrauensperson im gschäft, wod chöntsch agäh anstatt de direkti vorgsetzti? Vo wäge ehrlichkeit und so bin au für offeheit, ehrlichkeit und direktheit, aber d’gschäftswält isch eifach leider knallhert und brutal egoistigsch daher würd ich das jetzt eher ned empfehle.. du schribsch zwar ihr händ es super arbeitsverhältnis und schinbar isch das au scho mol thema gsi.. aber es isch eifach insofern en heisse, dassd wennd ned hüt und morn en nöie job hetsch, witerhin muesch det schaffe und er weiss, dassd am sueche bisch weisch wieni meine? ned unbedingt wägem ersetzt werde sondern eifach so vom arbeitsklima her meini.. sicher komisch ned? Und us irgend emene grund schribtmer jo inere bewerbig meistens wemer in unkündigter stellig isch, dassmer d’bewerbig vertraulich söl behandle ;)

@fringilla: hani das richtig verstande: di chef erwartet, dass ihr ihm s inserat schicket vonere potenziell nöie stell? Goht jo wohl gaaar ned oder? Das goht ihn überhaupt nüt a findi..

@lilmonkeyme: ui das dönt rächt asträngend mit dine schwigereltere in spe! Nei muess säge bi öis ret zum glück niemer gross dri.. (bis jetzt…) si interessieret sich zwar und fröiet sich, wämer chli verzellet aber si lönds klar bi öis das findi super :) findes chli en frächheit, dass ihr lüt „müend“ ilade as apéro vilicht ok… aber as fescht??! Findi goht eigentli gar ned… wäge dine hoor: hmm wännd en gueti erfahrig in ängland gmacht häsch und eh öfters det bisch dänn chöntsch würkli det mol froge :) aber müesstisch jo dänn glich öber i de schwiz ha wos macht.. aber s’git doch sicher für alli hoor öbis passends..

@cathie: willkomme und gratulation zur verlobig! =) mir werdet wahrschindli au scho am morge fötele usem gliche grund wie d’luna…

@daenu: ich fänd d’idee mitem bus no cool! Git sicher no cooli fotis! =) klar wänner total überfüllt isch, ischs ev. nedso cool aber sust hettis ev. würkli no style! =)

teil 2 folgt grad..

@laprincipessa: Merci viumau für dini Sicht vor angere Site vom Tisch, isch no spannend! I ha itz no mitere sehr guete Arbeitskollegin (woni absoluts Vrtroue ha, dasses bi ihre guet ufghobe isch) drüber gredt und sie het mir o drvo abgrate und kennt ja mi Chef o guet. I ha itz 2ne ehemalige Vorgsetzte gschriebe und se fürne Referänz agfragt, aber no ke Rückmäudig... aber het ja no chli Zit. Faus eini vo dene nüt wär, hätti no as Notlösig e gueti Kollegin wo bis im März bi üs ir Firma isch gsi und sehr äng mit mir het zämegschaffet, azfrage. Sie isch mir nid diräkt vorgsetzt gsi, aber e Stuefe höcher as ig gsi. Das gieng notfaus scho, oder? So, jetz lani nech i Rueh mit däm Thema und mäude mi de wieder, weni weiss obs öpis wird oder nid...

@malinchen: Und, aus parat und fröisch di uf morn? I bi scho jetz gspannt uf di Bricht und Föteli!

@Sue: uf di Pouterabe-Bricht bini natürlech o sehr gwundrig! hesch e Ahnig, was planet isch (oder hesches cho gschriebe...? Sorry!)

@abnäh: Isch bi mir nid würklech so es Thema, i trage Chleidergrössi 34/36... aber i wett natürlech de am Hochzit scho i Topform si Da ig aber sehr viu Sport mache, sött das nid so es Problem si. Aber für die wo das es Ziel isch: i würd mir überlege, ob das nur wägem Hochzit wosch oder obs dir o süsch wichtig wär. Wüu i mein dä Ma wo du hüratisch, kennt di ja so und wott di o so. Aber wenn dus für di säuber wosch und di wöhler füusch, chanis guet verstah.

@taeboyana: jo klar wenn desi 2 referenze allefalls nüt wäret chöntsch würkli no die ex-arbeitskollegin afroge! drück dir de dume dass au die 2. rundi guet lauft! ;)) und wie gseit, das referenz ihole isch ned soooo massgebend emel bi mir ned wänn ich mini gspröch mache..

@sue: hihi ich hoffes dasser fröid häd aber glaube doch scho ;)) obwohl er nedso gärn überraschige häd ;)) bin au gspannt uf din bricht dänn vom polterobig :)