Huii, dir sit ja mega fliissig gsi... I mah gar nümme nache mit läsä!

@Heart: welcome bi üs!!!

@Taeboyana: I finge du chasch di Chef fragä. So wie du schribsch, hesch det ja eh nid so viel Perspektive. Und du chaschs ja begründe, dass du die Stell per Zuefall hesch gseh und sie di würd intressierä, aber du ou nid umbedingt grad wettisch künde und's nid so isch, dasses dir überhoupt nid gfallt bim aktuellä Arbeitgäber. Wägä däm dörfe sie di nid entlah, das isch kei Kündigungsgrund. Usserdäm ischs dis Rächt jederzyt entweder es Arbeitszügnis z verlange oder Referenzä für Externi. Usserdäm chas für di jetzig AG ou es Zeichä si, dass du viellecht gfragter bisch, als er dänkt und de überleit er sich's villecht ou no mal anders, obs nid sinnvoll wär i di z investierä.

@Fringilla: ih ja, das fingi ou chli quer, dass di Chef d Inserat vode Stellä wot gseh?!

@Sue: Mir hei ja üses OK bestehend us beidnä Brüetsch und beidnä bestä Kolleginnä. Mir hei lang nid rächt gwüsst, wär dass de söu unterschribä ufem Standesamt, also die "offiziellä" Trauzüge si. Mir hei üs schlussändlech fürd Brüetschä unterschriebä, wöu halt Family irgendwie glich no "nöcher" isch. Drum hani när gfundä, dass mir dä Ladies chönntä es Strüssli gäh, dass me sie trotzdäm ou als OK-Mitglied erkennt. Und halt ou wöu mir wüsse, dass sie Fröid wärdä ha dranne.

Wägem Gschänkli ad TZ isch no schwierig. Mir wärdä üsnä äuä ersch nachem HZ de öpis Schänke. Aber ha äbä ou no ke cooli Idee gha.

oh cool, hesch ou scho di Polterabe!!! gniesses de ganz fescht und fröiä mi natürlech ou scho ufä Bricht!

@cathie: Mir hei beschlosse, d Ringe ersch bim chirchlechä usztuschä. Mir hei bis jetz Partnerringe gha, und die träge mir jetz eifach no bis denn.

@"Dienstpersonal" amnä HZ: so Sache wie das vor Abwäscherin oder Sue als Serviererin fingi ou mega drnäbä!!! E Bekannti vo mir hüratet ou demnächscht, mir hei paar gmeinsami Kollegä, aber sälber eigetlech nid viel zämä z düe. Jetz hani eifach so näbädürä vernoh, dass sie es mega chliises Budget hei, hürate aber imnä Schloss und mit allem drum u dra. De hani scho dänkt, wie die das ächt mache... Jetz hani äbä ou erfahre, dass sie mega viel Kollegä hei "iglade" wo när müessä hälfe Servierä oder Choche oder was sie halt ou immer grad guet chöi. So chames ou mache, möcht ig aber uf gar kei Fall!!!

@StellaBlack: hihi, ha die Frag gad vor churzem dr any beantwortet. Lueg hie: http://www.heiraten.ch/forum/board/versc...5_226_3.html#24

@Principessa: jöööh, merci! I ha es brichtli über Polterabe i mim Thread gmacht: http://www.heiraten.ch/forum/board/versc...s-15_226_2.html I hoffe mir hei alls für morn, bi scho langsam chli nervös.

@Abnäh: Jaaa, i bi ou immer no am Abnäh. I ha ufghört mi wiegä und due nur no Mässe. Ha fang paar cm gschafft u bide Chleider merkis ou. Aber es fählt definitiv no einiges bis zu minä Troummass. I has jetz ir letschti mit Prüeffigä und süsch Stress chli lah schliiffä, nach de Feriä wotti de no mau chli disziplinierter drhinder. Bi mir isch das scho länger es Thema, i maches defnitiv nid nur wägem HZ. Das isch eher no ä zuesätzlechä asporn... I ha als Teenie Leistigssport gmacht, ha när aber wägerä Verletzig müessä ufhörä u ha us frust lang gar nüt meh gmacht und mega zuegnoh. Bisi das realisiert ha ischs ou no es zytli gange und jetz binis nah dis nah wieder am wägtrainierä...

@me: jaaa, i bi langsam scho chli nervös für morn! Eigentlech hättä mir no wöuä mit Kollegä eis ga zieh, aber GG isch chli am chränkle, drum löh mir das gschider. Jetz bini chli ir Wohnig am umesürmlä, vori hani chli putzt und ufgrumt zum mi ablänke, jetz wotti de no chli wellness- und beautyprogramm mache etc. Fröiä mi ou scho druf, wenni öich de cha brichtä vo mim Tag! Bi säuber gspannt wies wird... Vor isch no mi Brüetsch verbi cho, er fröit sich uf jedä Fall ou scho mega. Sini Fründin isch sogar extra no zum Coiffeur hüt und isch offäbar scho mega im Stress wege ihrem Outfit. So härzig...

malinchen:

---

@Fringilla: ih ja, das fingi ou chli quer, dass di Chef d Inserat vode Stellä wot gseh?!

@principessa: Das mit am pre Wedding day tönt doch wunderschön!!
Hoffe es klappet mit dr Überraschig.
Ja das mit am abnäh isch gäng so e Punkt, dä cheibe inner Schweinehund...!

@malinchen: I wünsche Dir morn e wunderschöne u unvergässleche Tag!!

Hey isch ja wiedermol recht vil posted worde.

@abneh, ich ha mit rännä agfange, en ernährigsberater weris echt wert. Ich muns gsund agho, da ich e chronischi essstörig ha. Ide letste 3 Jahr hani nüt gha, was genial isch. Ich wet nöd unbedingt abneh per se, aber chli tone. Eifach willi ide letste 3 Jahr mini Kurve gmacht ha (zue gno durs richtige esse, und ez hets iipändlet), aber ha recht Respekt vordem ganze, wet nüm i das ganze inegheiä.

Drum ma chli mit Sport afoh, und normal wiiter esse isch mis ziil

malinchen ich wünsch der ganz ganz ganz en schöne tag morn!!! gnüss es!!!!

@ heart: finge dini idee fürd iladigschärtli kuul, vorauem dr spruch fingi super!
I la mini haar äbä o la wachsä..im moment sisi no zimlech churz, abr hoffe si wachsä no ä chli i dä nächschtä 11 monet! wett äbä o öppis mitemnä zöpfli machä! Schiint ja gd vou beliebt z si!

@principessa: fingi ä super idee di überraschig für di GG! Är wird sicher fröid ha! Und genau es jahr vorher, seehr romantisch!

Bi mir louft im moment o nid so viu, ussert dasi siti i däm forum bi a nüt angers meh dänkä aus a hochzit!! mi GG het scho gmeint äs sigi super dasi das hochzit so im griff heigi, da ig immer wider mit nöie sache achume woni hie gläsä ha und mit ideeä woni vo hie ha...

@malinchen: aues guete für morn! Hoffe du chasch guet schlafe! Gniessets morn ganz fescht u bi o schonfescht gspannt uf di bricht!