@Heart: I würdi eifach mau nachefrage. Wüu si vermiete ja di normale Poschis ou, ou di alte, daher dänki, hesch gueti Chancene... Frag doch mau Onkel Google
@heart: danke :) hey so cool mier hüratet gnau glich, am 16.5. zivil und am 24.5. kirchlich :) das mit de muffins isch en mega herzigi idee, findi super!
@lula: nei mier hend eus noni würkli entschide. abem sunntig gömer 2 wuche id ferie, denn nimmis mit und chas immer wider chli aluege und denn chömer eus entscheide :)
Wow das geit ja ab hie!! I weiss gad nid obi a aus dänke...
@Malinchen: Sooo schön dis Brichtli, mues würklech e wunderschöne Tag gsi si, freut mi für euch! Und ds Parkhotel Gunte isch haut o wunderschön (mi Brüetsch het dert ghürate)! Gniesset euche Minimoon, i finde Kopenhagen e super Stadt.
@Lula: Dr Ma vor TZ isch o üse TZ u är isch scho a 2ne Hochzite TZ gsi, vo dämhär het är o Erfahrig. I weiss o nid gnau, i ha ersch hingedri gmerkt, dass es mi eigentlech chli möge het. Mir isches so inecho, as würde sie üs das Ganze nid so zuetroue oder dass mir d Organisation nid im Griff heige. Drbi ha ig sehr wou o e Ahnig, wases aus ztüe git. Mi hets eifach o gad chli möge wüu i so Fröid ha gha a üsere Idee mitem Brunch as offizielle Start id Planig und anstatt sich richtig mitzfröie, chöme när so Kommentär. Mir luege itz mau, wie sechs witer entwicklet, aber we mir merke dass no meh so Üsserige chöme, wei mir ganz klar säge, dass mir üs nid wei la stresse. Mir hei würklech meh as gnue Zit und nei, mir hürate sogar ersch im Ouguscht 2014 (weiss gad nümm wär gfragt het...)! Zivil wenn möglech im Juni 2014, aber dert müesse sie eh nüt gross organisiere.
Nei, ds Shooting hei mir leider müesse vrschiebe d Fotografin het gfunge, es sigi schad wes so grau in grau sig, sie wetti gärn das schöne Abeliecht usnütze wo me i de letschte schöne Tage het gha. Itz probiere mirs de am Samsti, hoffentlech wotts denn besser.
@novia: Das wärde super STD-Chartene! Bi de gspannt wie eui Version usgseht.
@Heart: So cooli Idee mit de Muffins. I liebe sowieso Muffins und Cupcakes...sött wieder mau chli Zit näh zum bache bzw. e Alass drfür ha, i liebes nämlech! Mi Troum wär ja e Cupcakes-Hochzitstorte, so i däm Stil: http://www.cupcake-affair.ch/de/events-u.../bildergalerie/ Aber ds Problem isch, dassme i vielne Restis mues Täuergäud zahle, weme d Torte säuber mitnimmt Hamer o scho überleit, sone Cupcake-Torte bim Apéro hiztue. Fändet dir das sehr blöd?
Lilmonkey: Muetig dass du so offe drüber redsch. Also für mich het sich dErnährigsberotig sehr glohnt (und das isch nöd in Kilo gmesse) ich han viel meh profitiert als nur abgnoh.
Sue: ich han kei Zöliakie. Nur Allergie uf Weize, nöd generell uf Gluten. Drum chani guet uf Dinkel uswieche (was für Persone mit Zöliakie nöd goht). Ja säg nix, es goht so richtig vorwärts
Taeboyana: Ihr sind sicher gnueg früh dra! Ich weiss natürlich nöd wie sie’s gmeint het…ich bin jo nöd debi gsi und kenn sie ja au nöd…ich denk sie meints nur guet und wett sich eifach scho früeh ibringe. Das isch sicher besser als wemme bide TZ immer müest stresse und stupse das endlich was goht, oder?
Nisliker: so kuul dass ihr scho dRing händ. Mir wänds au scho bald go ussueche!
Malinchen: Gratulation !!! Alles Guete und viel Spass ide Mini-Moons. Din Bricht hani gspannt verfolgt und findes toll das ihr sooo en tolle Tag mit vielne Überraschige gha hend.
Munggi: Willkomme! Und Gratulation zur Verlobig! Munggi het mal es Meersöili vo mir gheisse, hihi! Isch min absolute Liebling gsi
Lula: Mir hürated am 12.April 2014 in SH. Ja nur Weizeallergie. Die wo sCatering übernämed sind 2 Schwöstere, und sie bached alles selber, drum sind sie sehr flexibel und chönd so au bi vielne Sache statt Weizemehl eifach Dinkelmehl neh. Mir hend: Bagel verschieden gefüllt Herzkranzbrote verschieden gefüllt Diverse Blätterteighäppchen: z.b. gefüllte Herzli, Pastetli, Krönli mit Erbsenmousse usw. Anti Pastispiesse Pouletspiesse mit Chilisauce Cornets mit Lachs / Rohschinken oder Käserosetten Ofenküchlein mit Thonmousse Tockenpatisserie Früchtekugel Preis: 17.- / pro Person
Me: Am Samstig isch no am GG sin 30te Geburi gsi und er het denn no allne (wos nonig wüssed) gseit das mir hüroted. Denn hend mir grad no usegfunde, dass sini Tante (und die mag ich sooooo guet) vor 25 Jahr am gliche Datum ghürated het! Ich doch en MEGA ZUEFALL. Leider müemer sFotoshooting morn absägä. sWetter isch gruusig und ich han so e doofi Gripp oder öppis mit Fieber und allem und mues hüt zerscht zum Arzt.
@daenu: Oh nei, gueti Besserig! Aber es wär o vom Wätter här schad, eso ds Shooting zmache. I hoffe, es geit dir gli besser.
Wow, das Apéro tönt de fein! Mir hei itz o scho Offertene ighout für ds Apéro nach dr Chile und hei gloub e guete Abieter gfunde. Üses wird aber äuä ziemli unspektakulär mit chalte Plattene, Schinkegipfeli, Chäschüechli, Gmüesdipp, Früchtespiessli und gfüllte Baguette, Züpfe und Brötli. Und äbe vielech so Cupcakes Je nach Budget.
Wäge de TZ: I dänke o, dass sie's nur guet meine und sie si haut sehr organisiert. Das isch ja es guets Zeiche. Vielech hanis o chli zu emotionau ufgfasst, aber es het mi chli unglücklech formuliert dünkt. I bi sicher, es chunnt de scho guet!
@novia: Ou schön! Wo hie göht Dir? Oder hesch es scho mau gschribe?
@Taeboyana: Ah ok. Aber i weiss, was de meinsch, isch sehr müehsam wenn eim Sache eifach nit zuetrout wärde... U ihre de mau alüte? Viellech het sis ja ou nit so gmeint, sondern si hei würkli eifach gad mega Stress. Aber ebe, Dir heit no 14 Mönet Zyt! Mir hei morn üses erste TZ Träff u hürote im März.
Momou, chunnt sicher guet, am Samschtig wei si ja de umi schön Wätter...
Wäg dr Torte, Apero isch doch super!! Hätti mir ou chönne vorstelle, aber GG gar nit. Was i ou scho gläse ha, isch, dass zBsp TZ söue alüte, u säge e Gast wetti öich di Torte schänke, er chönni aber aber nit Torte u nos Gabelgeld zahle, obs da evtl e Müglechkeit gäbi... I fändis ou schön, se am Ziviler scho zha.
@Dänu: Ah de isch ja super! Tönt fein öiches Apero! U dr Pris isch aso ou super. (het mi eifach Wunder gno, wäg üsem Apero)
Isch aber en mega schöne Zuefall!
Hoffe es chunnt nüt schlimms use bim Arzt, isch doh gad so ne blödi Summergrippe ume
Anmelden
u är isch scho a 2ne Hochzite TZ gsi, vo dämhär het är o Erfahrig. I weiss o nid gnau, i ha ersch hingedri gmerkt, dass es mi eigentlech chli möge het. Mir isches so inecho, as würde sie üs das Ganze nid so zuetroue oder dass mir d Organisation nid im Griff heige. Drbi ha ig sehr wou o e Ahnig, wases aus ztüe git. Mi hets eifach o gad chli möge wüu i so Fröid ha gha a üsere Idee mitem Brunch as offizielle Start id Planig und anstatt sich richtig mitzfröie, chöme när so Kommentär. Mir luege itz mau, wie sechs witer entwicklet, aber we mir merke dass no meh so Üsserige chöme, wei mir ganz klar säge, dass mir üs nid wei la stresse. Mir hei würklech meh as gnue Zit und nei, mir hürate sogar ersch im Ouguscht 2014 (weiss gad nümm wär gfragt het...)! Zivil wenn möglech im Juni 2014, aber dert müesse sie eh nüt gross organisiere.
d Fotografin het gfunge, es sigi schad wes so grau in grau sig, sie wetti gärn das schöne Abeliecht usnütze wo me i de letschte schöne Tage het gha. Itz probiere mirs de am Samsti, hoffentlech wotts denn besser.
Hamer o scho überleit, sone Cupcake-Torte bim Apéro hiztue. Fändet dir das sehr blöd?
