@Taeboyna: Scho ja, zumau i ebe nit nit nume Berndütschi Wörter dinne ha. I schribe ou nie Bärn, sondern immer Bern.

Hey, gratuliere!!! Fröit mi sehr für Di! Wenn chasch afah?

@cathie: ä's hei mir nit würkli dinne. Nume gad bi März , gäbe u härzlech

@dänu: Isch haut dGeneration vor üs, aber isch im fau no interesannt, muess mr de äuä ou mau eis leiste.
Bi üs wirds ou verschiedeni Dialekte ha, u mini Stiefmuetter wird äuä Müeh ha mit am Läse, aber da si üs aui verstöh...

@Lula: Merci! Äuä ( DAS Bärndütsche Wort!) ersch uf 1. November, wüus chli knapp wird bis am Friti z'chünde, zumau mi Chef ab morn öpe 10 Tag im Usland isch. Sie hei gfunge, dä eint Monet spiu für sie o nid sone Roue u es sig wichtiger, dassi hie o guet cha abschliesse. I gloub hüt Abe muesi eine ga näh, jupiiii...!

Dr Text uf üsne Iladigschartene wird äuä hochdütsch, da mir bi üs ir Vrwandtschaft Basler, Thurgauer u aus mögleche hei plus no mini ehemaligi Gastfamilie vo Oustralie, womer no paar uf Änglisch müesse mache.

Mir wärde d iladige äuä o hochdütsch mache.. Da mir üs süsch sowiso mid chöi einigä öb walliserdütsch odr bärndütsch.. U walliserdütsch wotti nid riskiere, süsch vrschteit d heufti eh nüt!

Ds letschte wo mir hei becho isch uf Bärndütsch und Züridütsch gsi, jewils dr gich Text uf beidi Dialäkte...

So guet :)

Ich ha mir au scho überleit ob mirs wänd uf Züritütsch schriibä, min GG fänds na witzig. Fürd Engländer isch natürli scho uf Englisch, aber beides näbetenand weri no cool. De wird Pocketfold extra dick

Wer macht scho wieder alles Pocketfold?

@Bärndütsch, aso ich verstahn oies gschriebnä sehr guet. Aber vilich hani mi halt scho so sehr dra gwöhnt. Und bi "Äuä" chunt mir immer de Massimo Rocchi in sin.

Falls öpert noch chli Inspriatione für Iladige brucht: www.weddingpaperdivas.com - ich bin süchtig nach dere Siite!