@Taeboyana: Das mit am verteile isch durchus so, u vorauem chasch so ganz aktiv Porto spare. Tüe mir ou, verteile wär mir gad gseh (Grillfeschtli), am nächste Tag e Dorffrundgang, u de dr Räschte no uf Post.

Aber mir wärde würk di meiste gad denn verteile. (Eis scho afangs Juli, wüus derte nit anders geit, u eis oder zwöi ou scho ne Tag vor am Grillfest, da die evtl nit drbi si, u de no eis 3 Tag später...) Aber ebe, bis uf eis, aus innerhalb vore Wuche.
Fändi süsch chli komisch. Mir hei das aber ou disskutiert, da mir vo de Aperogäscht dAmeldig ebe nit scho so früech brüchti, aber findes schöner, aui mitenand izlade.

Bir SBB müesse si dFerie iwie scho 1,5 Jahr vorher igäh, GG het dFerie bis mitti Jahr igäh. Dr Räscht wird er dde näh, wies für üs gäbig wäri u mit am Betrieb ufgeit. Aber es isch, gad bi grosse Betriebe scho so, dass sis viu scho ändi Vorjahr müesse wüsse.

Es isch itz würklech ds Parkhotel Oberhofe worde

Mir wetted eigentlich etz im Juli d'Iladigskarte verschicke. Mol luege ob mir das etz no schaffed will mir jo sEngagementshooting händ müese verschiebe. Im Juli het sie nurno 1 Termin wo üs goht
Hoffe es klapped irgendwie. mir wänd ebe scho so früeh will mir im April 14 jo genau ide Früehligsferie hürated.

@Taeboyana: Gseht ja TRAUMHAFT us uf de Föteli im Internet! Gueti Wahl!

Me: Mir hend scho
- Gästelischte
- Trauort/Apero-Ort (grad scho dRechnig becho...fascht chli frech oder?)
- Diakon
- Pianistin (Kollegin)
- Sängerin (Fründin vom Tätschmeister)
- Catering (au scho besproche was)
- Schifffahrt reserviert
- Fotografin
- Abiglocation (2.Apero + Menu vorbesprochen)
- Transportmittel Bus
- Termin im Brautmode Meier SG (LILUCA) abgmacht für de Juli

Isch scho fascht chli übertriebe für das mir sit Ende April erscht verlobt sind...

@daenu: Merci I bi o happy und i gloube es stimmt dert eifach für üs... freumi scho uf d Bestätigung per Poscht

Wow dir heit würklech scho mega viu plant, für dass dir no gar nid lang vrlobt sit! Das chunnt super. Und wow, jetz scho d Rächnige? E Azahlig fändi ja völlig ir Ornig, aber die ganzi Rächnig? Normalerwis wott me ja eigentlech zersch e Leischtig becho, bevor me zaut... Mir hei bir Fotografin e Azahlig gmacht und bi de Ringe, d Chile wird nis ersch nachem Hochzit i Rächnig gsteut. Bim Resti und Apéro wei mir wenn möglech o e Azahlig mache, aber das isch jetz no zfrüeh.

Mir hoffe o uf guets Wätter, entweder dä Samstig oder de o einisch im Juli. Biüs pressierts ja nid, aber i cha doch eifach gar nid warte Möcht am liebste scho jetz die Magnetli bsteue!

Ooooh i freue mi ja o scho so fescht weni darf ga Brutchleider aprobiere Bi de mega gspannt wemer hie die erschte Chleiderfötelis gseh.