@sue87 mir hend ring vo 123gold.ch (acredo Trauringlounge). Dwerbig im Radio isch uu doof ich weis aber ich chans nur empfele. Bin a paar Ort go luege und det isches eifach HAMMER! Du chasch dir en Ring ussueche und so abändere wie du wilsch! Chani nur empfele! Und es het i jedere Prisklass Sache.

Hellooouu allersits!

Puh scho wider en Wuche um aber ich bin leider wider ned eher zum schribe und vorallem läse cho – eifach z’vil z’tue bim Schaffe..

@malinchen: so cool bin grad go noläse dönt jo meeega gmüetlich öiche gmeinsami polterobig hihi super sach :)
super häsch scho abgnoh hey paar cm isch jo mega vil! :) bi mir sinds bis jetzt 3 kg bini eigentli scho rächt zfride jetzt no öbe 5 je nachdem aber han jo no bitz zyt :) maches au ned nur wägem hochzyt sondern wili scho immer mol einisch i mim läbe han welle mini traumfigur ha :p mol luege obis schaffe..
heeey jetzt hani grad din post über öiches zivile gläse hihi sooo schön hey dönt jo ächt nach emene hammer glungnige tag mit so schöne überraschige hammer hey und ihr gsehnd au total glücklich us uf de fotis =) jöö jetzt bisch scho unter de hube hehe und imene johr dänn no s chirchliche so schön =) <3 gnüsset öichi mini moons!

@lula: danke hihi hoffe er häd fröid :) duet öis glaub guet widermol öbis schöns zäme z’unternäh – am sonntig gömer bi dem tolle wätter (!!) wider mol is sole uno (thermalbad) fröimi jetz scho :)

@daenu16: ah dänn isch jo guet, wennsi so guet reagiert häd! Häd sicher muet brucht! Hihi danke vilmol :) brichte öich dänn wiener reagiert häd :) er chan leider sehr wahrschindli ned frei näh dänn sust hetti no i de apérolocation reserviert, aber das längt glaub ned au no.. lieber s’einte richtig gnüsse ;) hey findi emel super häsch imene johr 11 kilo abgnoh! Wämers nämli langsam abnimmt isches doch vil gsünder, als so crash diäte.. hey de apéro dönt jo mega guet mhhh :) und en hammer pris hey! Mir zahlet öbe s dopplete :/ und schön usgseh duets au hey hammer :) woow ihr händ jo würkli scho meeega vil super hey! :)

@lilmonkeyme: hey chapeau, dassd de absprung us dem ganze gschafft häsch – das isch echt en mega leistig wod chasch stolz si druf! Und jo ned wider i so öbis inerütsche das isches ächt ned wert!!

@cathie: danke dir vilmol :)

@taeboyana: hmm verstohni, dass di das chli stresst isch nedso taktvoll gsi.. aber vilicht isch si au eifach sehr ziilstrebig und wöt öich scho vil abäh? :) so cool sinder genau 1 johr vor öichem hochzytstag amene hochzytsapéro so härzig :) heey und gratuliere zo dim nöie job so cool fröitmi! =)

@nisliker: ooh ganz en schöne ring so schön hihi :)

@novia_mayo: wooow so schöni STD charte hammer hey! =) finde au die erste 2 am schönschte :) ich stuune immer wider ab öichere kreativität!! :)

@munggi: härzlich willkomme! :) ich finde s’schloss hallwil mega schön det chamer standesamtlich hürote! :) sindmer öis ebe au am überlegge fürs zivile :) oder genau s’schloss weiher sig schins au mega schön! was für es „zügli“ meinsch dänn? Bin eigentli vo luzärn aber das seit mir jetzt gar nüt??

@chriesi: danke für de link – echt no en cooli site! :)

@sue: oh scho gli polterobig hihi uiui bini dänn au gspannt :) gnüsses! =)

iladige:
mir händ mol gseit im sommer das johr d’iladige verschicke öbe es johr vorher – jetzt wird’s aber dänk glich herbst.. aber s’datum hämer jo sowiso scho länger kommuniziert daher .. und im herbst sindmer jo au no gnueg früeh.. STD machemer keini


me:
juhuu mir sind es schrittli witer! Händ öise foto- und videograf mol reserviert! http://www.hochzeitfotovideo.ch/ <--- si isch super nätt gsi und si chömed öis ev. sogar no chli mitem pris entgäge mega cool =) muess säge bin echt begeisteret vo ihrne fotis und vorallem filme! Was meinet ihr dezue?? Ah und am fritig bini mit de kollegin z zofige i de altstadt go ässe und han mi währendem ässe fast nüme ufem stuehl chönne hebe will soooo en geili salsa band gspilt häd! Echt meeega hammer gsi! =) han mi grad verliebt :p wär jo sooo geil so en band z’ha am obig! Bin grad go afroge und warte jetzt uf en offerte :) do si kei eigeni homepage händ, chani mir no vorstelle, dass si so semiprofessionals sind und ned sooo tüür aber lömer öis überrasche! Wär echt de hammer! =)

so schöne obig öich allne! :)

@Sue: Ohje, hoffe Din GG wird morn umi fit si u cha sin Polterobig gniesse!

@principessa: Och, das isch doch mega. U isch doch ou schön, wenns no chli drirägnet, muess ja denn nit hammer Wätter si!

Wes öichi Gäscht scho wüsse, wärde si sech das wohl gmerkt han, u ebe ca 9 Mönet isch ja ou guet.

Gseht guet us, öiche Fotograf! Dir heit dämfau Fotis und Video? Dr ganz Obe oder eifach Trouig, aso zVideo? Wie viel zahlsch jtzt drfür?

Ja e Band isch sicher wunderbar! Oder süsch eifach am Apero?



So, i ga ga dKärtli unterschribe, wünsche euch no ne wunderschöne Obe

Hey mini liebe....


....ha mi nur schneu wöue melde bi gad mega nervös megem Polterabig morn....i HASSE
überraschige......und das wird ize so richtig uskostet.....

wünsche öich e schöne Tag!!