Bräute 2014 (235) | Anlässe › Hochzeitstag

Sie finden uns neu unter HOCHZEIT.ch

Startseite Hochzeitsforum

Sie sind nicht angemeldet.

Anmelden

›

›

›

1 .. 118 .. 233 234 235 236 237 .. 617 .. 997

28.06.13 12:39 Lula	Re: Bräute 2014 @principessa: Nee, gar nit, wobi vori het bi üs rasch dSunne chli gschunne, aber ebe, Summer isch was anders... Ok, das würdi definitiv üses Budget spränge... Aber findes super, heot dr öber gfunde, wo r zfride sit drmit! @Sue: Ganz viu Spass u gniess es!! Wird sicher es super Wucheändi, Diner Froue kenne Di ja! Wie geits eigentli Dim GG? Isch er umi fit?
	Zitieren

28.06.13 13:09 Sue87	Re: Bräute 2014 @Lula, mi GG isch hüt emu wider go schaffe und eifach no mega erkältet und scho nid mega fit aber de trinkter hüt de es paar bierchen und isch wider fit und cha sich ja de Rescht vom weekend erhole
	Zitieren

28.06.13 13:10
Heart

Re: Bräute 2014

->taeboyana. mier hei etz ou Chele, Pfarrer, Aabelocation, Catering fürs Apero, Fotografin, so zemli simer nache. ha etz ou gmerkt, dass es eifach vo vorteil esch, wennmer chli gliner draa esch. aber du hesch rächt, ech mage ou chuum gwarte. das esch de weder e nachteil, aber vorfreude ist die schönste freude
Mi schatz het gester es telifon öbercho vo eme päärli wo vor üs hüratet. etz chöimer wahrschiindli met ehne de bluemeschmuck "teile" ide chele. esch doch super. si hätte um di gliich ziit wöue hürate und am gliichlige ort s apero mache und mier si schnöuer gse
->daenu, dier heit ja ächt gas gäh. mier hei ou scho föu, aber noned fest gleit wie z.b. s menu. am 9. Juli heimer no es shooting be de fotografin. us däm machemer de chärtli.
Mier töi am geburi vo mim schatz d fameli informiere und de die gledene Gäst, dass si sechs chöi vormerke, und de dänki schecke mer d chärtli för d aperogäst und för die gladne im sept/ okt ab.

Zitieren

28.06.13 13:15 Heart	Re: Bräute 2014 -> Sue 87. ech ha dänkt, dasi met Zuckerguss s datum druf schriibe. weiss aber ned öbi no es säubergmacht chärtli metgebe, dases ned vergässe geit ha de ziit, ha ferie die ander woche.
	Zitieren

28.06.13 13:28 laprincipessa	Re: Bräute 2014 @lula: öises budget sprengts au glaubmers :p alles wird viiil türer als plant naja.. mer hürotet jo nur eimol im läbe gäl ;)
	Zitieren

28.06.13 17:31
daenu16

Re: Bräute 2014

@Principessa: dFöteli vo dem Fotograf gsehnd sehr modern us und gfalled mir guet! Das mit de Salsaband isch denn SUPER! Juhuu hoffentlich macheds e gueti Offerte.
Isch scho unglaublich was mer zahlt...hoffentli chunnter eu no chli entgege. Isch halt eifach ide Nachbearbeitig sooo ufwendig

@Lula: Gohts dim GG besser?

@Sue: viel Spass am Polterobig!!!

@Heart: Ja das isch e mega gueti Idee am Geburtstag sDatum bekannt geh. Mir macheds grad genau glich mit de Föteli und dä Chärtli. Händ etz wahrschindli (willmers händ müese verschiebe) am 10.Juli sShooting. Das ihr chönd dBlueme teile isch denn guet! Hoffentli werded ihr eu mit de Farbe einig

Zitieren

29.06.13 15:10 Lula	Re: Bräute 2014 @principessa: Ok, de meinsch hesch zBudget übere hufe gworde, oder guggisch nöime anders zspare? @dänu: Mim GG isch bis geschter Mittag u hüet Nami super gange... Nime ah, Du hesch are Sue ihre GG gmeint? @all: was machet ihr bi däm super Wätter? Vorbereite fürs Hochzyt, oder gmüetlech uf am Sofa kuschle?
	Zitieren

29.06.13 20:26
malinchen

Re: Bräute 2014

@Munggi: härzlech willkomme bi üs!

@Taeboyana: cooool, du hesch dini Stell becho! Gratulierä!
I wett ou sonä cupcake-torte! GG u ig si eh süchtig nach cupcake-affair, drum hei mir das scho ziemlech fix im budget iplant.

@Lil: mir wettä ou pocketfolds mache. Aber ha no nid so ä schlaui Idee gha... Resp. die woni mal ha gha hani inzwüsche verworfe.

@principessa: wow, dä video-/fotograf isch ja hammer! Mega schöni Filme... ooooh, das wird sicher super!!! Und Salsaband wär ja mega toll wenn das würd klappe! Isch doch eh immer s bestä wemä so per Zuefall a öpis härälouft.

@sue: hihi, du bisch jetz äuä gar zmitz i dim Polterabig... dini Mädels hei sich sicher cooli Überaschige für di usdänkt! Bi de gspannt uf di Bricht.

@Heart: wow, mega cool dass dir chöit d Blueme teile mit de anderä... Da sparet dir sicher gad ziemlich viel i!

@me: Mir hei super mini Moons gha. Eifach genial... Heis mega gnosse u eifach gmüetlech gnoh, da mir d Stadt scho kennä hei mir ou ke Sightseeing-Stress gha und chli gwüsst wo dases gmüetlechi Restis het etc. Ei Tag hei mir no ä Usflug gmacht uf Koge, es Stedtli ca. 30min mitem Zug usserhalb vor Stadt am Strand - wuuuuunderschön gsi! I gloub mir müessä mal no mitem Outo dür Dänemark reise, het mir gad mega gfalle d Landschaft und natürlech ds Meer.

I wünsche öich allne no es schöns Weekend!

Zitieren

29.06.13 22:45 munggi87	Re: Bräute 2014 bi grad uf de suechi nach fotografä :) was no cheibe schwirig isch da mer no ned so genau chöi säge öbmerne 4 oder 6 h bruche .. heiter tipps was i aues sötti beachte?? ha 2 gse womer no würde basse...
	Zitieren

30.06.13 11:13 malinchen	Re: Bräute 2014 Hmm, mir hei üs ou no nid definitiv entschiedä. Aber mir hei ou 2 Favorite und jetz hei mir eifach mal vo beidnä ä Offertä lah erstellä. Mir wüsse scho, dass mir sie dr ganz Tag drbi wei ha (11h), aber villecht chasch ihne ja schribe, ob sie für beidi Optione chönne offeriere?
	Zitieren

1 .. 118 .. 233 234 235 236 237 .. 617 .. 997

würklich Janedoe Taeboyana squishy gspannt schaffe Hochziit würklech Hochzyt bearbeitet Zuletzt richtig Littlefoot Iladige Location Pfingstrose malinchen irgendwie bstellt Problem