Guete Morgä,

Lula, bis jetzt hemer nanig mit vilne gredet das chunt jetzt alles i de nöchste 3 Wuche, mer wettet vorallem das es eusi eltere wüsset bevor mers gross offiziell machet, und da mirs beidne eltere glichziitig wei sägä und mir nid gad us em gliche egge chömet (Ich chume urspränglich us em TG und er us em LU, wo mir au wohnet) hend mir de termin mit eusne eltere erst am 21giste. Bis den wettet mer alli gfragt ha wo i euses Hochzigsteam söttet :)

Ich han mich lang schwer tue mit de Wahl vo minere Trauzüging. Mir hend es tolls Päärli als Tätschmeister womer wettet frage, und si isch eigentlich mini best kollegin. Ich han leider kei gschwüschterti und han drum e schwöschter vo mim fründ welle Frage, chan mich aber nid so recht entscheide, ich han jetzt denkt, dass ich beidi wett ibezieh... eini fürs zivile und eini fürs festliche (die hani scho gfraget und die het sich mega gfreut). ich weiss aber nid ob das würklich schlau isch mit 2ne... :s

Ich werde die Liste gern usfülle, allerdings simer nanig so wiit das ich würklich vil chönt usfülle, sobal mal alles chli fix isch, werdi das mache :) isch sehr interessant.

Sue, ich hans au so denkt, mit de gladne gest, ich wett öpis Originells mache, also kais chärtli, aber erlichgsait bini nid so kreativ... (typisch buchhalter :))

Guets Mörgeli!

@Lela: Wiukomme! Mir schicke ou nur de gladne Gest es STD, dr Grund isch dass ig finge, wenn ig säuber e STD Charte würd becho (wasi no nie ha ), würd ig drvo usgah, dass ig de as ganze Fescht iglade bi u weni de när nur e Apéroiladig bechäm, fändi d STD vorus irgendwie übertriebe. Aber das gseh vielech angeri Lüt ganz angers. Mir mache statt Chärtli so STD-Fotomagnetli. Itz überlegi mir no chli, wieme de die originell chönnt verpacke, eifach bloss ines Couvert stecke findi ke gueti Lösig

Übrigens hei mir ou je zwöi TZ, es si 2 Päärli (i ha es paar Site witer vore genauer erklärt, wie das isch cho). I bi eigentlech sehr zfriede mit dere Wahl und je lenger je meh überzügt, dasses guet isch eso. Me entlastet die einzelni Person eso o chli und 4 Chöpf hei meh Idee as 2 Und i dänke, dass die beide Päärli üs o chli vo verschiedene Site kenne. Mit de einte teile mer vielech meh eis Hobby, mit de angere es angers, wo die erste vielech gar nid so kenne vo üs. Aber i cha de vielech ines paar Monet, wemer chli witer si ir Planig, meh vrzeue wie üsi Erfahrige si

@Malinchen: Ja das bini o scho ga aluege, aber i verlange de äuä glich mau e konkreti Offerte, ds Törtli obedruf müesst me ja o no ikalkuliere und vor auem Transport etc. I nime a, dass die scho no einiges choschtet, aber sie maches haut o soooo schön !

@kleinefeder: Ig ha dini Gschicht nid ganz vo Afang a mitbecho, was isch de genau ds Problem mit dere Tante? Het sie Vorbehalte oder wieso isches sones Problem, ihre vo eurer Verlobig zvrzeue? Bi da gad nid so druscho, aber i hoffe ganz fescht für di, dass sech aus guet cha kläre und du di när so richtig und ohni Ischränkige chasch freue und id Planig stürze !

@lela: Willkomme bi üs!!! Mir hei d STD-Charte o de Apéro-Gescht verteilt, aber das hei mir meh so gmacht, wöus gilchzytig d Info isch gsi, dass mir scho das Jahr zivil hei ghürate und i eim Jahr de ds grosse chirchlechä Fescht isch. Süsch würdis äuä ou nur de gladne Gescht schicke. Und wägä de TZ hei mir ou es OK bestehend jewils usem Brüetsch vo GG u mir und de bestä Kolleginne. Mir hei üs ou nid chönne entscheide und drum aui 4 gfragt. Jetz organisierä sie zämä und si gloub es super Team. Bim Standesamt hei d Brüetschä unterschriebe wöu sie üs halt doch no e biz länger kennä als d Kolleginne.

@Taeboyana: Ja, i dänkä es isch sicher nid die günstigsti Variante... Aber i finges eifach super und mir spare scho a anderä Orte u mache viel sälber. Drum wei mir üs die leischtä. I finge es passt ou mega guet zurä Candy-Bar. De cha sich jede eifach bedienä und me cha halt ou gäbig verschiedeni Sorte unterbringe, de isch sicher für jedä öpis drbi woner gärn het.

@kleineFeder: oh cool, dass die Tante ändlech informiert isch! Bi de gspannt wie das Gspräch louft mit ihre... Muesch de unbedingt verzellä! Drücke dir uf all Fäll d Düme...

hallo lela bezüglich homepage chan ich dir gern eusi zeige wend wetsch. mir hend sie im april ufgschalte womer iladige verschickt hend. hürate düemer ja im januar i de lenzerheid und all hend müese hotelbueche bis afangs juni. drum so früeh... schick mer doch e pn wend sie gseh wetsch. isch passwortgschützt.

Zuletzt bearbeitet am 02.07.13 09:14

@lela, mir hei scho ize e homepage www.sue-nicu.info wo der nicu selber macht und aktualisiert
machet dir eini?

@nisliker, ou chaschmer dini hompage ou nomal per PN schicke...?

@malinchen, weisch de wiviu dases gsamthaft öppe choschtet d cupcake-affair variante?? i liebe drum ou cupcake-affair

PS ha gad e Word-Witerbildig und es isch langwilig

nisliker, isch igstellt, sorry :)

Sue, danke für e link gseht ufs erste mega guet us (muss de ner mal chli gnauer luege), mir hend vor eini z mache, wüsset aber nid so gnau ab wenn uf schalte (mit STD oder mit Iladig :))