@Lela: Bi zersch o nid druscho wägem @, aber es geit im Fau nid so lang u plötzlech darfsches de o bruche.

I ha mau Magnetli gseh womi mega härzig dünke und o dr Priis findi super. Leider geit dr Link im Momänt nid, wüu sie d Homepage düe warte, aber muesches vielech i paar Tag nomau probiere: www.printerstudio.de. Es git se o hie, eifach einiges türer u mir gfaue die Designs weniger: http://www.vistaprint.ch/gallery/IFYAgQM...gn&xnid=895 Mi GG findet d Idee ou super. De chöi d Lüt dä nöime häretue, wosi ne immer gseh.

I findes gar nid schlimm, wes nid Päärli si as TZ. Bi üs isches relativ klar gsi, wüu mir mit dene o immer zviert öpis ungernähme u die einte si ghürate u die angere o scho lang zäme. Aber i bi ja 2x säuber TZ gsi, ds einte mau bi mim Brüetsch u mitem Brüetsch vor Schwägerin zäme, ds angere Mau eifach mitme Kolleg vo ihne. isch beides super gange.

Ui, wie fliessig dir widr am schriebe sit!

Afe mau willkomme @lela! Mh, mir hei äue kei StD und oh kei HP, aber wenni die coole Sache vo de angere ging gseh, gluschtets mi aube glich fasch echli Aber ebe, ig glaub bi üs brüchts bedes nid unbedingt.

@kleinefeder: so guet, as es d Tante jetzt weiss! Freue mi für di, as es nüm muesch verstecke und ig drücke dr d Düme, as eues Gspröch zdritt de guet usechunnt!

Bi üs stagnierts immer no, wil mr kei Zit (aber halt oh kei Druck) hei. Aber dr Tanzkurs womr wei mache rückt immer wie nöcher und uf das freue mir nis scho

Zuletzt bearbeitet am 02.07.13 11:08

@Lela, mir hend es riise OK und zwar 7. 4 inde Schwiiz und 3 in England. Bi ois Garth's so us:
Besti Fründin & Maa -> TZ/Chief Bridesmaid & TZ/TM/Usher
GG'Kolleg & Verlobti -> TM/Usher & TM/Bridesmaid
GG's Beste Fründ -> Best Man
GG's Schwöster -> Bridesmaid
Gueti Fründin vo mir -> Bridesmaid

Die hend alli ihri ufgabe, und mir hend gluegt das sie underenand chönd kommunizierä. Mini gueti Fründin won't in England aber isch ursprünglich vode Schwiiz und isch Bilingual, und im CH-Team redets grubdsätzlich au Englisch, die einte besser als die anderä, aber mir wend dases kei grossi missverständnis git ide Vorbereitig und am Tag sälber, da mir so chli en CH/UK Traditionä-Mix machet. Underschriibe tüend d'TZ da am GG sin best man fast kei Dütsch cha, und somit au nö dörf underschriibe. Ich glaub es wird recht witzig, und s'OK gfindet oisi Lösig au nöd schlecht. Die sind happy.
Mir händ d'STDs nur de Gladne Gäscht verschickt.

@alli wo pocketfolds machet/ gmacht hend, ich weiss ebä nö obi alles söll sälber bastle oder alles so bstellä dasis nu no mun zäme chläbe. Mit allem bstellä chostets ca. Fr. 500.- inkl. Liim/chläbstreife exkl. Druckerpatrone. Fü 80 Chärtli (damit mir no es Paar meh hend falls mir fehler machet).

Wieviel chostets oi, wenni dörf fröge?

Karten
Ich denke, ich werd sie bei cards and pockets bestellen, denn von Grund auf selber machen, trau ich mir, meiner Ausdauer und meinem Können nicht zu. Dort kostet eine "Roh-Karte" plus Couvert um 1 .- rum. Für den Druck setzen wir auf Vitamin B, genauso bei der Gestaltung, dann wären noch die Materialkosten für die Einlage-Karten, was je nach Papier vielleicht auch so 1-2.- wird und bei rund 60 Karten müssten wir auf maximal 180.- kommen. Müssten... Dann kommen wohl noch dekorative Elemente dazu wie Bänder oder so, aber wie teuer das wird, hab ich noch keine Ahnung. Ich hab die leise Hoffnung, dass im Schnitt jede Karte (also auch Dankes-Karten) nicht mehr als 4.- kosten wird. Aber an Leim etc hab ich jetzt noch gar nicht gedacht

@TZ: Bi üs hei sie eigentlech ou sehr guet reagiert. Sie kenne sech zwar afa nur so vom gseh, aber si aui unkomplizierti und i ha ke Angscht, dass sie nid zäme chönnte organisiere.

I ha no gad e generelli Frag zu de Chärtli: Machet dir grundsätzlech 2 verschiedeni Versione für Apéro- und Abegescht oder für d Abegescht eifach es zuesätzlechs Ilageblatt? I steue mir drum so eini im Querformat vor mit Föteli vo üs u de äbe vielech es Ilageblatt us transparentem Papier mit Zusatzinfos u das mitme schöne Bändeli ar Charte befestige. So hättme es Foto (oder mehreri) vo üs drin, was mir unbedingt wei, aber glich o no chli öpis Säubergmachts dranne. Aber bis jetz hani no nid DIE perfekti Lösig gfunge. Mues mir das bis im Herbscht no chli überlege... Ha drum o gad nid so dr Bezug zu irgendwelche Druckereie.

Geschter hani vore Arbeitskollegin wo letscht Jahr ghürate het ihri gseh. Sie hei separati gmacht für d Apérogescht und für die gladne. Bi de gladne isches e Fautcharte gsi, bi de Apérogescht nume e 1-sitigi (wiene Poschtcharte) und entsprächend natürlech o e ungerschiedleche Text. Das wär äuä o e gueti Variante - d Frag isch chli, was ufwändiger / türer isch? Isch aber äuä no schwierig z'säge.