Aso wägm Pris chunnts druf a, wo as es losch lo drucke. Wil oft sid Prise jo gstafflet so dass dr Stückpris chliner wird je meh Stück as hesch. Wenn d Druckerei jetzt fingt mit 2 verschidne Texte fange si widr vo vore afo zähle, de wirds tüürer, we si eifachs total vo allne Charte nä, egal ob uf allne s gliche isch oder nid, de chunnt glich tüür. Glaube zB bi Kartenkaiser spilts kei Rolle ob 100 glichi Charte hesch oder 100 verschidni.

Wow, da louft ja hüet richtig viu...

@lela: Ah ok, de hani Di lätz verstande. Aber hei, es geit nume no 19 Täg...
U wenn de de eifach Dini beschti Kollegin doch aus TZ nimmsch, u sini Schwo aus Tätschmeistere?

Wäg am StD, (weiss leider nüme wär) ei Brut macht Muffins, oder wie wäris mit are Torte? Oder e Brunch, Grillobe, etc?

Mir hei eifach online e Wunschliste, u di isch ufgschalte aber no nit richtig fertig. Isch aber ou so vermerkt, da di erschte Kärtli di Wuche dr Bsitzer wächsle.

@Taeboyana: Wenn de de zure Lösig bisch cho, nähmti mi de Wunder! Wetti doch fürs Zivile so Fotomagnetli mache, aber ebe, di meiste wärde mir scho verteile, aber chli schön verpackt dörfe si scho si

Nee, isch überhoupt nit schlimm, gugg mau bi mir...

Wäg de Kärtli, mir hei e EZ u MZ Version fürs Apero u e EZ u MZ Version fürs Fest. Finde das schöner so.

@nisliker: Dörfti dHomepagedate äch ou no mau?

@malinchen: Spilt gloubs kei Rolle, ob Päärli oder nit. GGs TZ het e Fründin, daher isch er mit ihre drbi, mini TZ isch kurz vo dr Trennig, daher isch sie als Single drbi. Aber i hoffe es stört si beidi nit, mini TZ gseh ni di Wuche sicher, mit am TZ gugge mir obs müglich isch.

@Fringilla: Das verstahni, gseh das bi mim GG, dä gseht dArbeit ou no nit so
U dr Tanzkurs eh nit so...

@lil: Mir hei ja mit 100 Kärtli grächnet, da mir no nit e gnaui Gästeliste hei gha, wo mir hei afah vorbereite mit de Kärtli, u de hei mir haut ou no chli usegstriche, isch aber nit schlimm, chani bruche für Dankeskärtli. Bi de Ilageblätter hani mir enormst verzellt, daher unnötigi Köste...
Cha aber Zueschnitte vo de Kärtli gad bruche für dAstecker u dNäme uf de Gastgschänk
dStempel wärde mir 2 vo 3 umi verkoufe, wüu di bruchts ja eigentli nüme. dBänder wo mir no zviu hei, chani ou gad bruche für dGastgschenkli


dKöste si wie folgt, isch aber ou würkli aus dinne, auso ou dr Kläber, etc...

Fr. 285.15 Bastelmaterial und Porto (ausgenommen Einladungs Porto Australien)
Fr. 431.00 Kartene, Namensastecker und Tischkärtli/Gastgschänknäme (hei aber ou 6 verschidene Format u 9 verschiedeni Textene)
Fr. 716.15 isch zTotal

ergit je Karte, inkl. Couvert: Fr. 10.25 ohni Zyt, aber mit auem . Ha aber ebe viu zviu Ilageblätter, wäri süsch sicher 2-3 Franke je Karte günstiger... es ärgeret eim fascht nüt... Aber GG isch ganz härzig gsi, er het gmeint, es segi nit so schlimm, cha ja mau passiere

@stella: Ou schön, ou e Bastlere, fröie mi scho uf dFöteli!

@Lula: ja, gäu hüt geits rund (ig bi ebe rächt unmotiviert hie im Büro)
Finges emu nid schlimm wed Wunschlischte nonig fertig isch wed Charte usegöh, wil die meischte Gäscht wärde jo wohl nid jetzt scho grad los zieh unds Gschänk go chaufe oder s Gäld überwise.
Ah jo, das mit EZ und MZ fingeni oh schöner wenns getrennt isch u nid "Dich/Euch" oder so steit. Finge das machts extrem unpersönlich. De brüchts bi üs jo de glich 2 Versione vor Hauptcharte Uh, ig gseh grad mit mine 4 Fränkli pro Charte chumeni jo i däm Fall nid sehr wit Muessi däm Fall nomau aluege...

@munggi: Cooli chärtli, chunnt guet! U d Namenschildli si oh no härzig grad mit de umdrähite Farbe. Bim Tischchärtli würd ig persönlich d Schrift wäglo. Es isch ja oh grads Gaschtgschänk, odr? Wil us Gascht wett ig emu nid när deheime es Cherzli ufstelle, wos Hochzitsdatum vo öper angerem druffe steit. Oh nid wes öper isch wo mir nöchsteit.

Zuletzt bearbeitet am 02.07.13 16:45

hey zäme!
isch scho öper in Mauritius gsie? ich bi am flitterwuche use sueche und ha jetzt es guets agebot fürs hotel La Pirogue übercho... ha übrigens en nette kontakt bi honeymoontravel. isch es dütsches reisebüro mit ere filiale i de schwiz. macht gueti agebot. aber bi nöd sicher ob mauritius srichtig isch... und denn no im januar...

grüessli nisliker

FringillaVigo jo irgend wie hetmer öppis gfäut :) aber es isch scho ned das wahre! aber hesch rächd wens nachane do heime isch.... jo uf e schmätterling würi gloubs de name vom gast schribe..
mi chane jo nachane dräie oder ganz wäg lo ! ud cherze glas chame ou dräie de bast ganz is täuerli ine..

chumä chum meh drzue aues nachä ds läsä, mir si mitlerwilä so viu hiä....
gibemer glich müä, uf aui thema i ds gah, o weni nüm gnau weis, wär was gfragt het....

STD:
machemer nid, aber i würd iz o eher sägä, nur dä gladenä gescht.

EINLADUNGSKARTEN:
mir si am baschtlä. ds gröbschtä heimr scho. priislech hei mir für 55 chartänä ca.350.- zaut, ohni briefmarkä. mir schickä aunä di glichi chartä, aber ä anderi iilag für jedä, wo drufä steit ob nur zum apero oder fürs ganzä fescht. mir machä o verschideni ob "wir laden dich" oder "wir laden euch". findi chli persönlecher aus wir laden dich/euch.

TRAUZEUGEN:
da hei mir äs päärli. het mi persönlech iz praktischer dünkt, aus 2 wosech chum kennä u niä gseh. aber jeder winer wot. bi üs isches mini schwöschter mit ihrem fründ. tätschmeischter isch gg s bescht kolleg u mini beschti kollegin. bi ca. 150-170 aperogescht u insgesamt 3 location heimer dänkt, 2 tätschmeischter si wahrschinlech nid übertribä...

@MUNGGI:
schön hesch baschtlet.

@LELA:
härzlech wiukommä im forum und gratulation zur verlobig.

24.MAI 2014:
no 326 täg

@ME:
mir hei am wuchäänd feschtgsteut, das üsi ursprünglechi aperolocation ds chli isch (pfrundschüür gad vis a vis chiuchä). bi gad mega ines züg inächo.
scheibenkleister, was wei mir iz???
chiuchä u abä-location isch reserviert, iz müessemer haut eifach öbis näh, egau was. u gg s mami seit no, ja id turnhauä oder id mehrzwäck hauä. so öbis woti doch nid. isch mir eifach ds weni originell u i findes o chli stiulos.
hüt ufem bügu seit mr ä arbeitskollegin, si sigi am samstig arä hz gsi wo ds apero irä höibühni hei ka vomänä buurehuus. sig mega schön gsi, teils im gartä, teils ir höibühni.
was hani am fiirabä gmacht?? homepage gsuecht vo derä höibühni, begeischteret gsi, aglütä, a üsem grossä tag isch no frei, gad provisorisch reserviert und i 3 wuchä chöi mers ga besichtigä.

besser chas doch chum ga?? isch ersch rächt no viu schöner aus d pfrundschüür u ganz i der nöchi (ca. 10-15 minute vor chiuchä us und öbä glich wit für id location)

süsch gits bi mir nid viu nöis ds berichtä. äs nimmt langsam gschtaut a....