Hallihallo zäme!

Chume leider immernonig würkli zum läse / schribe aber wenigstens sinds dasmol nur 4 site zum noläse und nüme 10 ;)

@daenu: gäl sind schöni fotis? :) bis jetzt hani leider no kei antwort vom fotograf.. mol luege inwiefern si öis mitem pris entgäge chömed.. vode band hani jetzt en offerte becho: 2‘500.- :/ def. z’vil :( so cools wär.. han mol no gfrogt obmer ned au nur es trio / quartett chönt loh cho will bruchet jo ned en band mit 6 persone.. jetzt warti ebefalls wider uf d’antwort..

@lula: och weiss doch au ned :( mir merket eifach (oder vorallem ich :p) wie mer z’höchi asprüch händ.. und irgendwie isch dänn eifach alles wichtig :/ probierets natürli scho aber isch no schwirig will bi vilne pünkt hämer gar ned vil igrächnet (chleid / azug / ringe / deko) aber die 2 hauptpöste (trauiig & apéro sowie obiglocation) sind halt mega tüür und do chamer halt nüt mitem pris mache..

@s’frösch vermählte malinchen ;): schön händer so schöni mini moons gha hehe ;) und wie fühlsch di so frösch verhürotet? :) danke jo ich finds ebe au de hammer aber daher halt au de pris gäl.. jo du seisches isch immer am beste so spontan und live ;) aber ebe isch leider z’tüür mit 2‘500.- oder was meinet ihr? Si würdet entweder 3x 30 min oder 2x 45 spile also insgesamt 90 min.. und ebe 2500.-plus verpflegig was jo au ned grad günstig isch nomol für 6 persone!! Wär def. z’vil – apropos @all: wie mached ihr das – fotografe / musiker und so die bechömed jo au ässe – aber die händ jo ned zyt zum es 5 gang menu z’ässe – sprich – bechömed die eifach 1 hauptgang oder wie mached ihr das? will pro person nomol 100.- plus getränk isch dänn scho vil… wie gedenket ihr das z’mache?

@munggi: puh jo mir händ ebe au mega lang gha bismer de fotograf gha händ! chunt halt ganz drufa wasd für vorstellige häsch!

@sue: woow din polterobig dönt jo meeega cool hey do händ sich dini fraue jo richtig is zügs gleit hihi so schön! =) <3

@kleinefeder: schön geht’s etwas vorwärts.. ich würde wenn ich dich wäre mal klartext reden mit seiner tante – sie bevormundet ihn ja total, was meiner meinung nach gar nicht geht :/

@lela85: welcome & gratulation zur verlobig! :) ich han au en TZ & 2 bridemaids und mi GG en TZ & 2 bestman (oder tätschmeister oder wiemers wänd nenne ;) mer chan jo aber au no meh lüt mit ibezieh das isch sehr individuell findi :) mir möchtet öis au gli mol ad iladige & homepage mache genau wie wüssemer aber nonig.. finde de nisliker ihri homepage aber meeega schön =) netterwis hani döfe drigüxle ;) so öbis i dem stil wird’s bi öis au si..

@morelia: hey cool hehe mängisch bruchts so zuefäll cool hoffe die nöi apérolocation gfallt öich live au so guet toitoitoi :)

Tanzkurs:
was für tänz machet ihr dänn? :) do ich salsa tanze und mi schatz sich aber nur es halbs jöhrli e kurs gmacht häd müesstemer do vo vore afange was nedso eifach wär und er vorallem glaub nedso bock druf häd.. aber ich probier ne z überzüge, dassmer en bachata kurs wenigstens machet – so chömer en schöne bachata hochzytstanz zäme mache (findi ebe mega lideschaftlich :) und faaaalls mir d’latino live band hettet wärs natürli hammer aber mol luege ob das klappt ;)

no en anderi frog: häd öber es cools hotel z'empfehle eigentli egal wo hauptsach nöimets womer fuul öbe 10 täg chan am strand ligge und eifach nüt mache ;) (kanare, südtürkei, griecheland, tunesie etc..) sind zimli offe aber möchtet ändli mol bueche i de negste täg - s'hotel womer händ welle isch jetzt scho usbuecht bez. d'flüg voll müehsam wet ned 100x umstige für uf antalya z.bsp.. also falls öber gueti hotelempfehlige chan abgäh wäri sehr dankbar :)

@nisliker: has irgendwie überläse, aber ig würd süsch euchi HP oh mega gärn gseh, wenn ig dürf

@pricipessa: I üsm Kurs chöme Walzer, Tango, Disco Fox, Jive, Rumba u süsch no paar dra. Isch eifach e Standard-Tanz-Kurs, aber halt genau was mir hei wöue.

Das mit de Asprüch chunnt mir bekannt vor mittlerwile hani 2 Budgetplän gmacht: eine mit em notwändige, wo eifach muess si wie Restaurant, Chleider etc und eine mit Nice to have Sache, wo nume denn dürfe ufe richtig Budgetplan rütsche, wenn öpis vo dert unerwartet günschtiger worde isch. Dert si de so Sache wie Stuelhusse und Candybuffet druffe.

E Band hätte mr am afang oh wöue, aber ebe nomau 5 Lüt meh wo ässe plus was si choschte, isch eifach zu viel. Klar, wärs dr Hammer, aber ig ha mir när alli Vorteile vomne DJ vor Auge gfüehrt, wie zB asr es viel grössers Repertoire het und oh Musik-Wünsch cha erfülle, as me de nid nume eifach ei Stil het, sondern ebe alles mögliche und halt oh asr dr ganz Obe cha spile, aso oh Hingergrundmusig bim Ässe u nid nur e Stung odr zwe. Das fingi ebe glich alles wichtig.

Wäge de Musiker und so wo mitässe: Ig hätt jetzt üsm DJ emu sganze Menu vorgsetzt. Usser är fingt de, asr kei Zit drfür het. Wägem trinke würdi mr kei Gedanke mache, wil die Lüt si jo im Grund am schaffe und wärde äue nid so vil Alkohol wie ne normale Gascht trinke, drum fallt das doch eh nid is Gwicht.

hi sue87
mir möchtet 2 wuche ga. vorher no 2 tag dubai wer no kuul...

haha, i gloub i ha die glichi Suchtproblematik wie Taeboyana...

Wow, da laufts ja richtig :)

danke allne für die nett begrüässig.

chärtli, mir werdet sicher verschideni mache und GG's Brüäder het es eigets gschäft für sotigs vo demher wird das nid so es problem si.

homepage, mir wärdet sich eini mache, da euse potenzielli TZ informatiker vo pruäf isch, wird das de nid so en sach... de chömer au d wunschliste ect mache

lula, de tusch mit TZ und Tätschmeister wer nid so klever... will mini TZ (zukünftig Schwögerin) nid so es organisationstalent isch :) und eusi Tätschmeister (kollege Päärli) die ideal bsetig sind, ich bin mir jetzt am überlege ob ich bi einere trauzügin wett blibe und defür die anderi zukünftig schwögerin eifach so wet ibezieh, si isch ja au s mami vo de blueme chind... aber irgendwie chani mi da nanig so entscheide, und will na alles gheim isch chanis au nid so recht mit anderne diskutiere... finds eifach doof wenn ich 3 han und GG nur 2.

me, mir sind jetzt nachli am datum drane, aber wenn de letscht punkt stimmt wirds de 17.5.14 *jupii* de pfarrer und d location hettet mer den scho. Da mir bi schönem wetter dusse wettet hürote hemer fürs s schlecht wätter denkt e kappele z neh, die hettet mer au scho gfunde, allerdings weissi nid so recht, wie das de sell gah, weg em absäge bi schönem wetter :)

budget, hend ihr das mit em budget vo dere site berechnet oder wie isch das bi euch so? mir hei drum nanig so is detail planet und sind afig am "grobkonzept"

@ Chärtli: mir mache i däm Fau äuä o 4 Versione, aber zersch müesse mir de no usefinde, WAS genau.

@Ässe für Dienstleister: Da üsi Fotografin e Kollegin isch und eh iglade wär, darf si o wiene normale Gascht mittässe Je nachdäm ob mir aber no e Band oder e DJ wärde ha, wärde die de äuä eifach e Houptgang becho und am Dessertbuffet dörfte sie sech o bediene. Aber mir wärde scho 4 oder wahrschinlech 5 Gäng ha und das fändi de chli übertriebe. I gloub nid, dass das fräch isch oder?

@Budget: I finde das Tool uf dere Sitze o nid sooo hiufrich. I würd o us Vorlage wod im Internet findsch eini zämesteue, wo für euch passt. Hani o so gmacht.

@Tanzkurs: mir wette o eine mache, aber nur so ganz e churze. Ir Migros-Klubschuu gits eine à 2 Äbe wo eifach so d Basics abdeckt und vor auem sehr günstig isch. Da mir itz nid d Ober-Tanzfüdlis si, möchte mir für das nid viu Gäud usgäh. Aber enang uf de Schueh umetschaupe o nid

@malinchen: Weimer e Säubsthiufegruppe gründe?