hey zäme

ha eu nur churz vo mine erfahrige mit de flitterwuche wele verzelle. ich ha fürs gliche agebot vo verschiedene reiseabüter prise übercho. es fangt a bi 7000.- bi let's go, denn 6525.- bi honeymoon travel, 6400.- bi kuoni und schlussendlich 6000.- bi rolf meier reisen! es lohnt isch also zvergliche ;)

@Nisliker: ah cool, da hesch ja einiges chönne ispare! Wo geits jetz härä? Gäu, die Erfahrig hani ou scho gmacht... Ou je nach däm bi welerä Fluggsellschaft das me buechet oder wemä amnä anderä Flughafe umstigt macht teilwiis mehreri hundert Franke Unterschiid für schlussendlech ds glichä Ziel ds erreiche.

@coool!!! Ja, irgendwo mues me halt chli spare... Aber dir müesst de unbedingt sägä, dass dir uf dr hochzytsreis sit, i ha scho vo paarne ghört wo när si upgradet wordä bim Flug. U de wärs ja sicher ou mit Air France nid übel...

@Taeboyana: Wiis und Rotgold, wüu Kombi Grau und Rotgold nimmt er nit ah...
Ha dänkt i probieres mau mit 14 Diamäntli, has aber de uf füfi achereduzuert, u de bini je nach Version uf 3'400-3'600 u haut no so chli was quetschts. Wetti se aber haut nit glänzig. Woher hesch de Du dr Guetschiin?
Wo ni de am Obig mim GG verzellt ha, hets ihn fasch zu de Socke usgstrählet...
Er het gemint, 1'000 längi aso fürig, er brüchi nit meh wie 1 mm Guet er het si Ring ou säute ahne, aber ig trage mine täglich!!
Ha ihm de Vorgschlage mir chönnti ja uf Wädenswil ga gugge, wie dNisliker het vorgschlage.

Wäg de Flittis, i hoffe mir göh nach am Hochzyt paar Täg ga Welnesse oder so, u närne so ufe September i dFlittis. Aber mau gugge, viellech wirds de ou früecher, nimmes aber nit ah.

@Nisliker: Hoffe mi GG stimmt zue, u mir göh uf Wädi ga gugge.
Oh super, sogar bi de Troumflittis chönne spare!

@morelia: Dämfau würdi aber eifach säge, es segi gmietet, du hesch keis wöue koufe, u heigsch Di i das verliebt! Aber das es gmietets isch, dörfe sis ja nit zerstöre!
Es isch doch öiches Hochzyt, u so viu no go's heit dr ja nit, daher steit doch am ne lustige Obe nüt im Weg. U het de nit jedes Brutpaar sini no go's?
Mach nume, für das isch ja zForum da!

@malinchen: Nur wiisgold? Kei Ahnig.

@all: Wärdet Dir dHochzytsversicherig vo Zürich abschliesse u wenn ja wenn?

Ungerhaltig
Dä mit de Fotoalbe fingi no guet. Bi ebe nid so dr Fan vo Dia Shows. E Photobooth oder öpis wo emu i die Richtig geit, hätti no gärn. Muess aber erscht mau no luege, ob mer überhaupt Platz hätte. Wenigschtens aber wetti e Polaroidkeamera fürs Gäschtebuech (Aber kei goldige grosse Bilderrahme) Schön fingi eigentlich oh Redene, we si nid zu lang si und ebe glich wie bi de Fotos nid druf abziele, ds Brutpaar lächerlich zmache oder dure Dräck zzieh. Oder gärn oh churzi Darbietige vo de Gäscht. ZB mi eint Unkle het bire Cousine vo mir Alphorn gspilt, das fändi emu schön. Und ebe, we vil tanzt wurdi, fändi das ebe oh ganz toll. Usserdäm gibts es guets, mehr gängigs Ässe und das füllt doch de dr Obe eigentlich eh scho langsam us. Do bruchts kes Wadli-Erkennigs-Spiel und kei anderi Kindergarte-Spili meh

Flitterwuche
@nisliker: so cool! Das macht jo grad mega vil us, hätti nid dänkt! Wenn und wie lang goitr eigentlich? (Sorry, vilich hanis überläse)
Ig wett entweder unmittelbar nachem Hochzit es verlängerets Wucheändi wäg go und de drfür es halbs Johr spötr i die "richtige" Flitterwuche go oder süsch so innerhalb vomne Monet nachem Fescht. Am liebschte noime ane wos warm und schön isch

Hochzitsversicherig
Weisses nid, muess mau GG froge, wasr meint. Unger was für Bedingige düe si scho nume zahle?

@Lula: has glaubs vergässe zschriebe: aber jo, genau dä hani oh gmeint! Isch ganz es praktischs Ding

@frangilla mir gönd jetzt 12 nächt inklusive halb pension. mir isch uu wichtig gsie grad nachher chöne zga will das honeymoon gfühl nachher nüme sgliche isch...

@versicherig mir hend sie gmacht. im ahang sind all agbs

Datei-Anhänge

AVB_Hochzeitsversicherung.pdf (13x) Mime-Type: application/x-download, 166 kB