@Blueme: I finde Rose oder Hortensie so schön. Mi GG steit total uf roti Rose... Git de irgend ä Kompromis, mit am zivile roti Rose u am kirchleche Hortensie u wiisi Rosene, evtl süsch no was dinne, ha vo WeddingStyle dBluemeübersicht deheime. Danke Morelia, finde Dini Ranukle no so schön...
@Morelia: Tönt guet, Dini Whynachtsdeko. Gits da Föteli? *gwunderbin* Cha mir di Zytigszahle nit gad so vorstelle, aber dIdee tönt guet.
@Venus: Das heiss bi mir giengs äuä no gad, im März. Oder isch das ou scho fasch zspät.
@VringillaVigo: Sukkulenten si doch so was Kaktus Artigs, oder het Onkel Goole nit recht? Chönntisch die ja süsch aus Tischdeko bruche. Meinsch nit die brchunsch sganze Jahr über? Tönt guet, mit am Konzept. I welli Richtig geits? Wenn hürotet ihr gnau? Sorry. Bi Dine Eutere findis total ok, wenn Dir mau uf se zue göht, u se druf asprecht, u mit ne gugget, wenn si zGäud überwiese, da ihr wetti plane, inkl. Budget. (Darf me frage, wie viu Dir vo Dine Eutere brchömet, rein us Neugier. GG het scho gmeint, vo sim Mami gits sicher nüt. U wies bi mire Familie usgseht, weiss i nit. Mir rächne aber mit nüt.) U wenn Dir bi sinere Eutere eifach mau so näbebi übers Hochzyt redet. Viellech chunnt denn öbis. Wenn nüme chunnt, würdi nit frage. Isch ja ou nach am Hochzyt e schöni Geste, oder wenns nit im Budget iplanet isch. Somit erloubt sechs ja de, no iwo e Poste ufzstocke, oder chli meh Freiheit zha.
Jep, Sukkulente so sozsäge Kaktee ohni Stachle. Finge die no schön, weni se aube i Bluemestrüss gseh und glaube au, as die ging zha si. Hortensie si a üsm Datum (09.08.14) glaubs oh Saison und Orchidee gobs sicher oh immer. Bi Gerbera bini mr nonig sicher, muess nomau google.
Mit Konzept meini eifach Farbe und Stil. Mir würde ebe Pfauefädere us öpis, wo überall widr uftaucht no gfalle und dert würd dunkelviolett (GGs Lieblingsfarb) no guet drzuepasse. Mini Lieblingsfarb (Petrol) ebe oh, aber ig glaub do isches nid so eifach, Bänder, Blueme, Papier etc zfinge im gliche Ton. Darum wirds vilich Dunkelblau, aber das isch de vilich zu viel Dunkel. Chönnts mir no mit wiss oder hellgrüen kombiniert vorstelle, aber das wird de vilich zu bunt. Ig hänke mau zwoi Bilder a:
Ig bi übrigens grad am Cake Pops mache (ha se jetzt e Stung im Chüehlschrank), wil e Kollegin und ig gfunge hei, das wär no es witzigs Dessert für am Silvester und jetzt macht si ei Sorte u ig eini. Isch im Fau mega eifach zum mache und nid so ufwändig, wie ig dänkt hätt. Aso wär mim Gedanke spilt sorigi für nes Candy Buffet sälber zmache: Ig hätt es gäbigs Rezäpt gfunge
ha leider im momänt nid d müglechkeit d fotis ufä pc ds due, drum gits leider kener fotis...
wägä dä bluemä: kenä mi äbä mit bluemä wen saison u so nid so us, drum hanis mau gogglet. so hani usägfundä dass im mai pfingstrosä, ranunkeli u maiglöggli saison si. nelkä u rosä bechunnt mä ds ganzä jahr. nelkä gfauä mir gar nid u maiglöggli si chli tüür. pfingstrosä gits gloub nid i violett. aber i ha dänkt, am gschidstä gani disä mai vo bluemägschäft zu bluemägschäft ga luegä. de gsehni am beschtä was gad saison isch
das mit dä pfauäfädärä isch ja dr hammer!!! gfaut mir extrem guet, mega elegant u wunderschön.
wägem budget: mir bechömä o chli öbis drazaut. mi vater git nis 5000.-, mi stifvater zaut dr wii (!!!!) und d euterä vo mim gg hei o scho öbis atönt.
hei, scho gli chöi mir sägä, nächscht jahr hüratä mit
@FringillaVigo: Schön si si, das isch e so, u sehr praktisch, da ohni Stachlene... Aber im ne Struus ine ha ni se jtzt no nie gseh. Pfauefädere si wunderschön, ämu dr Blauton dinne... U wenn de de no nes Biege, oder Grau dribringsch fürs ganze chli zberuihge, wüu i denne Farbe fändisch sicher ou Papetrie Artikel. Gits vo denne Cake Pops ou es Bild? Übers Rezept würdi mi sehr fröiie!
@Morelia: Wieso chasch de Du kenner Fotis uechelade? Wow, grosszügig öichi Familiene.
@Saison vo de Bluemene: Im Weedingstyle hets mau aus Bilag so ne Saisonkalender gha, ha mir jtzt dr zwöit mit am Planer no gad bstellt. So aus Info, viellech wäris ja ou für öich öbis.
@ Pfauenfederfarbkonzept: ich bin auch der Meinung, dass sich dunkelviolett und petrol sehr, sehr gut kombinieren lassen. Wie Lula vorschlägt würde ich auch noch einen neutralen Farbton dazu nehmen. Wenn es das ganze offiziell machen soll, dann vielleicht so ein antrazith oder perlendes, dunkles graus (weisst Du so eine schimmernde Farbe, die gibt es auch in Papierform...) und wenn Du es lieber etwas auffrischen möchtest und dem ganzen etwas Schwere nehmen willst, dann eher ein creme oder hellbeige. Mit den Pfauenfedern würde das sicher ganz toll aussehen... Finde ich überhaupt eine ganz tolle Idee :D Schick dann Bilder, wenn Du fertig bist, ja... Biiiiiiiiiite...
i cha kener fotis ufäladä, wüu i ds pc kabel vrnuschet ha, u d fotos nid uf ds laptop chöi
bi geschter chli endtüscht wordä. bi ga nä bluemestruss choufä für mis zuekünftigä schwigermami u ha gad d chancä ergriffä, d floristin chli uszquetschä. ändi mai isch di einzigi violetti bluemä dr flider. dä schmöckt eifach ds starch für aus tischdeko. auso wirds glich nüd mit violett. its hani d variantä blau oder rosa. rosa pfingstrosä würdä mir o mega gfauä. ha eifach angscht, dases ds weni zeichnet. pink weti gar nid...
drfür hani vo dä euterä vo mim schatzi ds hochzitsbüechli becho. mit aunä unterlagä, wunschlistä, buechigsufträg, chärtli und hochzitszitig. mega härzig
@morelia: Juhui... bi üs geits no 436 Täg bis zum Zivile... Ah ok, ha gmeint es liegt am Forum. Wieso het de Di Schwiegermami es Strüssli brcho? *gwunderbin* Wäg de violette Blueme, gugg mau bir Sheilyn, si het e wunderschöne Struss mit violette Blueme gha, u gloubs ebe ou aus Tischdeko. U si het ja im Juni ghürote. http://www.heiraten.ch/forum/board/anlaesse/hochzeitstag/sheilyn-s-grosser-tag-4_415_1.html
Was für nes Hochzytsbüechli? Tönt aber herzig.
@all: Sit dr guet grütscht? Usglasse gfiiret u hüet Kater oders eifach gmüetlech gha?
He Morelia... Hesch d Florischtin au gfrogt wäge Blueme färbä? Oder wetsch das gar nöd? Also vill Blueme z. B. Rose (chönti mir das mit wisse Pfingschtrose au vorstelle) chamer sehr guet ifärbe... So wie das Experiment, womer amigs in Bio oder Chemie macht mit dä wisse Tulpe imene Tintewasser. De wird die Blau... Wäri das nüt? Ich weiss leider nöd genau, mit welne Blueme das goht aber das chönitsch sicher usefinde. D sheylin hät das a ihrem Hochzit glaub au so gmacht, aber ich glaub sie hät Rose gno... Chasch jo bi ere mol frogen...
Anmelden
