Guete Morge zäme

Hach isch das es wunderbars Wuchenänd gsi.. Am Samsti bini dr haub Tag im Marzili gläge u sogar ir Aare gsi bi 16°C När hets as Belohnig no e Glacé vor neue Gelateria di Berna Filiale (isch gad vis-à-vis vom Marzili!) gä Am Abe simer no uf Murte az Wake + Jam, herrlech gsi bi däm Wätter am See!

@Fringilla: Die Torte isch ja dr Hammer!! Gseht super us. Aber i dänke o nid, dass die günstiger wär as e süessi I ha o sehr gärn Chäs, aber äbe weniger zum Dessert.

@Chöschte Torte: 700.- wär mir irgendwie eifach scho zviu. I bi itz no Alternativene am abkläre, Cupcake Affair isch haut scho chli exklusiv... u i ha müesse säge, dass d Cupcakes vo ihne scho fein si, aber itz o nid die beschte, woni je ha gha. I mache o viu säuber Cupcakes und würd fasch wage zsäge, dass i z.T. scho feineri ha gmacht u o mit speziellerer Deko (tönt gad mega ibiudet ). Aber mau luege, wases süsch no für Möglechkeite git.

@me: Üses Engagement shooting geschter isch dr HAMMER gsi!!! Sooo schön, het richtig Spass gmacht! Mir si am Abe ufe Gurte und hei wunderschöni "sunflare" Photos chönne mache, wo d Sunne langsam abe isch u so zwüsche de Böim düregschune het Üsi Fotografin isch säuber völlig begeisteret gsi. Sie het o mega Fröid gha a üs, wüu sie am Friti gad ame Hochzit isch gsi, wo dr Brütigam uf praktisch kem Föteli het wöue lache u mir hei nattürlech vou ds Goudi gha I bi sooooooo gpsannt uf die Föteli!! Natürlech wirdi nech de gärn es paar Bispiu zeige, u hoffentlech o gli vo üsne Ringe!

Apropos Ringe: Mir hei äbe o e Teil so kreismatt poliert, üs gfaut das mega. Si nis aber o bewusst, dass das nid ewig wird ha. Aber irgendwie isches ja o schön, we sech d Ringe mit verändere, me bliebt ja säuber o nid ewigs glich (d Ringe wärde glatter u mir wärde drfür runzliger )

@chlini22: Wiukomme! Bisch du scho lenger bi üs am mitläse? Wenn hüratet dir u vo wo bisch?

guetä wuchästart öich aunä.

@turtä:
mit 10-15.- pro person rächnä, das isch so ds normalä. mir zahlä 300.- für ca. 90 personä, isch aber ä frünschaftspriis...

bi üs isch so einiges glofä am wuchäänd.

@musig chiuchä:
mir hei ä sängerin mit pianischt. fürä pianischt zahlä mir 600.- (isch ä profipianischt u chunt vo rapperswil uf thun...). d sägerin wet 200.- und das isch o dr frünschaftspriis.
mir hei folgendi lieder usä gläsä:
ineloufä: get here -oletta adams
wärend dr predig: vogu ohni flügu - peter reber, at last - etta james, to love somebody - michael bolton
useloufä: your song - elton john

@flittis:
üsä hiiflug isch buechet het üs üsi reiseplanerin gschribä

@hochzitswunschbüechli:
da simer im momant a dä guetschiinä am fielä. biudli si usgwäut, druckt u zuegschnittä.

äs nimmt gstaut a....

ih wünschä öich aunä ganz ä schönä summertag

@chliini: Hoi u härzlech Willkomme bi üs! Magsch chli öbis vo Dir verzelle?


@malinchen: Schnäu?! Tönt aber super!


@Fringilla: Wow, e riise Torte U de ne Chäsgang um Mitternacht?


@Taeboyana: U wenn de de säuber würdisch mache, aso derer Cupcakes? U de ne etagere miete, oder ou die gad säuber mache, eifach us aute Täller oder Plattene? Ggf ou mit Brocki Material.

Wow, tönt super, öiches Shooting!! Müesse gloub ou mau umi ufe Gurte, aber eifach so, chli ga sii.

Wäg de Ringe, miner Ringe hei ou Spure u Kratzer dinne, aber isch haut so, wenn me se gäng anne het...


@Morelia: So cool, Dir heit ja richtig Gas gäh! Dr Vogu ohni Flügu steit im fau ou bi üs gäng umi zur Debatte
Ou Dir e wunderschöne Summertag, gniess es!


@Torte: Da mir am kirchleche es Dessertbuffet wei, fändis cooler dTorte am zivile zha, zumau mir denn ou 12-14 Lüüt si, wenn aui chömi...
Drfür am kirchleche es Dessertbuffet u um Mitternacht e Käsplatte... Leider isch GG drvo no nit so überzügt, am kirchleche kei Torte zha, für ihn ghört das eifach drzue.
Mau gugge, me chönnti derte haut eifach scho enorm Gäud spare... Torte fändi so was dr Hammer
http://www.lienert.ch/content/e2/e49/index_ger.html oder so was http://www.lienert.ch/content/e2/e70/index_ger.html
i fändi bir zwöite haut di Treppe no schön... Aber Parfaitfüllig hätti haut o was, bis ufs Problem mit am fählende Platz ur Gfrüüri... Frigo chönnti me ja guet eine Miete

salutti

ihr sind ja fliessigi schrieber unglaublich :-)
hmm ne bi nanig so lang am mitlese.. aber muen mi langsam is füdli chlüble mit eusere hochzit :-)
ich weiss sitt em april dass mir hüratet und dä termin hemmer au.. am 11.1.14.. isch chli speziell. eigentlich hett ich nie und nimmer e winterhochziit welle, bin sowieso es brutals gfrührfüdli.. aber da mir am baue sind und mir dä gfunde hend dass mir alles i eimal chönd ändere alli adressänderig und und und chönted mer ja im dez oder januar hürate.. ich ha eifach definitiv nöd im 2013 welle well ich die zahl 13 gar nöd gern han.. und so het sichs ergä, dass mir am 11.1 hüratet und das isch gad na euse jahrestag und dän na dä 11. also gänd mir am 11. jahrestag am 11.1 s Ja-Wort.

Mir werdet nur zivil hürate mit apero und dän esse, eher chlinderi gsellschaft sind glaub höchstens 30 bim nachtesse..

mir händ immerhin scho dä ruum fürs esse, ruum für dä apero und catering hemmer au.. ring simmer au male chli go güggsle.. es chleid hetti au gange dä etzt namal mit em mami verbi.. und dj hettet mer au scho e zuesag.. iladigschärtli gönd die wuche in druck ja das wärs so ungfähr..

aber da mir na mitte im husbau sind lauft alles chli drunder und drüber.. und es wird so usecho dass mir zügled und keini 2 wuche spöter hüratet.. äh jooo suscht wärs ja langwillig :-)

tuuurte wüssed mer au nanig.. hend es dessertbuffet und evt. macht e kollegin vo eus eini.. da ich leider e glute- und laktoseintoleranz han machts ganze na viel schwieriger.. :-S

so ja das wärs vo mir so gschwind zämä gfasst..

lg

@chliini: Willkomme bi üs!!! Wow, dir heit würklech nümme lang zyt. Aber einiges heit dir ja ou scho gmacht, vo däm här sit dir ömu nid schlächt drinne...
Huus boue und Hochzyt plane isch uf jedä Fall stressig. Aber wird sicher mega schöön si, wenn dir i öiem eigetä Huus chöit izieh und när no grad hürate...

@Fringilla: hmm, i wüsst jetz da ou gad nid wie viu dasmä rächnet. Mir mache öppe die es Chääsplättli zum Dessert we mir Gäst hei. Aber i cha mir das mit em Gwicht immer so schlächt vorstellä u due meh nach Oug ichoufe.

Aber da findsch sicher öpis use, wie d Lula het gseit...

Lela: mier si ouscho im härzbärg gse metem gschäft, hei e füerig gha. hetmer sehr iidrock gmacht. get secher schöni fötteli ide härz enne und hürote chaschou det. im wald inne meeeeega schön,aber haut wätterabhängig.
PS: si hend de no e spezielle wyy de LIebeswyy
mier heis afang ide Familie, Trouzüüge (natürli) und i mine beste kolleginne gseit.mini eltere läbe scho lang nömm, und darum eschs be mier chli speziell gse. mier hei i dene lüüt gseit, dasmer nömm es gheimnis mache, aber sis gliich ned grad adie gross glogge söuge hänke, dases d kollege vo mim GG ned i fausch haus öberchöme, wärdes ehne benere guete glägeheit de ou säge. ja säg ou due ou ned gärn gheimnischrämere

ha vorig bi de confiserie Bachmann uf de Homepage gluegt, wieföu mer för sone torte muess rächen. s faht be ca 13.50 p.P. aa und stigt de wiiter ue. (ha nömm si gnau gluegt s wörd bi üs öber 700.- mache, de entscheidemer üs gloub doch eher förs dessertbuffet...

Zuletzt bearbeitet am 08.07.13 23:44