@principessa: Nei, das isch ja mega blöd wägä dr Airline!!! Frächheit... Das mache sie eifach mängisch, wenn sie dr Flüger nid voll bechömä, hei ds Kopenhagen es älters Ehepaar troffe us England wo das passiert isch.

@Chind: Also wenn's es Baby isch womä no mues Stillä oder Abpumpe oder so verstahni völlig, dass me die nid cha dehei lah. Das würdi ou nid verlange. Aber i üsem Fall si d Ching bim HZ 1.5 und 3 Jährig. Da findi, sött das nid sones Problem si...

@Stella: hmm, die mit de Präsentations-Chind si mir ou die liebschtä...

@Sue: jep, es isch eso ne Frogeboge wo mer ganz verschidnigs Zügs het müesse usfülle, Schuegrössi, aber oh Tipps as Paar und luter so Zügs. Ha mir doch nüt drbi dänkt bim Gwicht! und de hei si plötzlich paar Zettel zoge und die hei ufd Woog müesse go stoh, vor allne Lüt! Si hei zwar s Gwicht nid gseit aber wie vil mer dernäbe gläge isch und was me jetzt muess zahle. Isch rächt pinlich gsi. Die räschtliche Sache wo me het müesse agäh, hei si de für gar nix bruucht Darum: bi üs gits nüt, wo d Gäscht nid vo afang a wüsse um was es geit und nüt, wo "Plficht" isch (ussers Gäschtebuech signiere)
Loh di nid vo dire Schwigermueter lo abezieh! Dis Chleid isch super schön und ganz egal was du a DIM Hochzig wottsch alege, es muess nume dir und dim GG gfalle. Muesches so gseh: Als Brut chame gar nid over oder underdressed si, als Gascht allerdings scho, also sött si sich besser guet überlege, wie si chunnt!

Torte
Für die wos vilich oh würd interessiere: Ig ha jetzt chli googlet, wäge dr Chäs-Mängi: wenns es Buffet wie bim Apero isch rächnet me 100 g pro Person, wenns es Dessert isch 50-80 g und wenns e "deftige Brotzeit" sich 200-300 g. Bi üs wärs ja es zuesätzlichs Dessert bzw e Mitternachtsimbiss, wo sicher nüm alli so möge, drum dänki mir si mit maximal 100 g pP guet drbi. Mi dunkts aso eigentlich günschtiger als e normali Turte. Wo me sowas cha bstelle, hani kei Ahnig. Mini Idee wär eifach ire Chäsi paar Chäs-Liber zbstelle und sälber ufnang zbige und z dekoriere. Aber vilich stell ig mir das jetzt oh grad chli zeifach vor? Muess mau mini Tante froge, was si meint, die schaffet drum ire Chäsi

@lela: ou das isch ja würklich blöd gange! Aber gniesset euchi Akündigung glich, isch ja wäge däm nüt weniger tolls! Und es wärde sich alli genau so für euch freue, wie wenn dir die einzige wäret! Hoffe, si plane de ihri Hochzig nid ir gliche zit wie euchi! Aber wenn sis sälber nonig wüsse, passe si sich jo de vilich euch a, im Sinn vo, laaang nach euch

@pricipessa: Brutentfüehrig isch glaubs eher e dütsche Bruch. Dert nähme d Kollege d Brut mit und mache e Beize-Tour, dr Brütigam muess se go sueche und i jeder Beiz wo si gsi si, muessr d Rächnig zahle. Aber es gibts oh as si nume a ei Ort gö und dr Brütigam zB es Spili muess mache, drmit d Brut widr frei wird. Finges ganz e dumme Bruch für nes Hochzig, wil de verschwindet eifach e Teil vor Gsellschaft inkl Haupt-Persone für ne langi Zit und dr Räschte hocket ume und wartet, bis si ihre "Spass" gha hei.

Ä sunnigs Grüessli i dRundi

@Hert: Mir wei ebe ou es Dessertbuffet, drum wetti dTorte am Zivile. Viellech wäri das ja ou für öich öbis?


@lela: Wieso verzellt euch denn si Brüetsch das nit selber? Aber dass es en Schlag is Gsicht isch gsi, gloub i dr sofort. Inwiefern geit de so Gheimniskrämerei schnäller vrbi?
Ging üs doch aune so, mir hei ou zwöi Päärli im Kollegeskreis, wo äuä 14 oder 15 de chönnte hürote...
Wäg dr SchwieMu, das mit dr Gluggere hani am Wucheändi ou gad gseit... Aso vo mire!


@Sue: Wäg dr Torte, i wetti se am zivile, de muessi denn nit säuber no backe, oder nomau i ne Torte investiere. GG hätti se aber lieber am kirchleche, eifach wüus drzue ghört...

Ou so schön!! Es nachet ihm i riise Schritte bi Dir, scho chli nervös?
Isch ja logisch, Di GG isch ou kenner 9ni meh, sondern e erwachsnige Maa, wo sech säuber e Familie ufbout.

Weiss nit obs Dir hiuft, aber bi üs interessiere sech weder mini no sini Familie fürs Hochzyt...

Es isch doch Dini, resp. Öichi Entscheidig wie ihr hürotet, u für was ihr wieviu investieret! Wieso muesch DU ufhöre roucke, wenn ihr ghürote sit? Bisch ja nit gad outomatisch schwanger... Isch ja Di Körper u Dini Entscheidi, ob u wieviu Du roucksch! U ob u wenn Du ufhörsch geit ja Dini SchwieMu nüt ah.

Ghört doch ou drzue, si mir nit aui mängisch chli am jammere?!


@Taeboyana: Oh jöö, so ne SchwieMu isch ja super!!
U se de würkli vorbereite u igfrüüre, u haut gugge, ob de Hiuf brchunsch, vo dr TZ u süsch Kollegine oder ou begabte Kollege
Genau us däm Grund, wei mir am Obe kenner Kind, aber bis u mit Apero si si ou bi üs willkomme


@cathie: Und hesch e Kuchi gfunde?


@malinchen: Hei mir üs ou nit... Aber es isch ja üses Hochzyt, resp. öiches, daher isch es ja ou öichi Entscheidig, ob ihr am Obe Kind drbi weit ha oder ebe ou nit. Mir hei im fau ou es Päärli, wo mir nit sicher si, ob si chöme, oder ob nume eis chunnt, genau wüu mir kenner Kind drbi wei am Obe. Zwöite isch denn ca 6 Mönet aut, u bim erschte sisi scho ender umi wäg, jänu mir wärdes gseh...


@Stella: Das si doch di beschte Eltere, Kind ha für Präsentationszwäcke, läck si di mir aube sympathisch...


@Chliini: Süsch isch es ja viellech ou für Di e Option, zgugge ob Torte nit am Zivile e Option wäri?!


@Kind: So wie bir Cathie findis sehr schlimm. Hoffe bi üs wärde dEltere zTaktgfühel ha u us dr Kirche gah! Bi üs sis aktuell zwöi Päärli mit je zwöi Kind, ha aber absolut kei Lust gha, e Kindertisch oder gar es Kinderprogramm zarangiere, verstöht mi bitte nit falsch, mir liebe Kind über aues, aber a däm Obe wetti kei Rücksicht müesse näh uf Kiddis...
z'einte Elterepaar het gad vo säuber gfragt, u z'andere isch de gar nit begeisteret gsi... Aber ir hei haut ou scho gseh, wies aube süsch so louft, u dass wette mir am Hochzyt vermiede. Zumau vo beidne Päärli je eis Groselterepaar am Apero wird drbi si, daher isch nit mau da es Problem... Mir wärdes gseh


@all: Schribe aso a däm Text scho sit iwie am haubi zwöufi ume... Hoffe aso me chunnt nache, u i ha niemert vergässe

Ching
Aso ig verstoh die, wo keini Ching derbi wei ha, vollkomme. DStimmig isch eifach e anderi, wil d Eltere sich um die ganz Chline müsse kümmere, wil si früech hei müesse oder wil d Ching outomatisch im Mittelpunkt stöh, aso oh positiv, wil si härzig si oder so. Aber wenn me das als Brutpaar nid wett, fingis emu guet, wenn me seit, me möcht ohni Ching fiiere.
Bi üs isches so, as die meischte Ching vo Uslandgäscht si und die choi jo niemer organisiere, wo se gschwing chäm cho hole nachm Apero und grad ganz deheime loh wetti eigentlich de oh nid verlange, wils jo ebe nid nur um ei Obe geit sondern mindischtens um nes Wucheändi. Darum wird bi üs die Generation am Obe eifach oh drbi si. Es si aber hauptsächlich 8-13Jährigi, wenn igs richtig im Chopf ha, also gibts eh keis Gschrei, härzig si si oh nüm () und we si mau nid all zu früech is Bett müesse hei si eh nume Freud. S einzige, wo ig mir de muess überlege, isch obs e Chinder-Tisch gibt oder nid. Wil mit 12i zu de Chliine zellt zwärde, fingt me glaubs nüm so cool. cha natürlich die jünegere separiere und die grössere zu de Erwachsne hocke, aber wo zieht me do dGränze? Und isch ja de oh dumm, wenns einte Gschwüschterti hie unds andere dert isch und si süsch niemert kenne. Aber mau luege, isch ja nonig grad aktuell.

Ech ha mol no ganz en anderi frog a euch bzw. a alli wo för d'iiladige extra föteli mached: was choschtet eigentli sones shooting ongfähr?
Ech ha mech jo entschede d'chärtli selber zbastle ond wört eifach mol gern en choschtevergliich mache.