Hoi mitenand!

Per Zuefall bini uf das Forum gstosse und melde mich ezt au bi de "Bräute 2014" ah

Euses Datum isch de 11.07.2014.

12 Site i 5 Tage.... ok zersch mou noche läse, antworte aber de wou ersch morn wider weni nochegläse han.
gn8 lütlis

@cathie: cooooooool!!! Viu Spass bim Chleider probierä... Bi de gspannt was de z verzellä hesch!

@bellavita: Härzlech willkomme!!! Dir hüratet morn imnä Jahr, so schön! Wosch chli verzellä vo dim Atrag (wenns einä het gäh?), was dir scho planet heit etc? Bi ä mega Gwundernase...

@me: i ha irgendwie gad chline Flaute... mah gad nid so HZ Sache mache, wenn's scho mal so schön u warm isch.

@cathie: Oh schön, uf dä Momänt vom probiere freui mi o scho! I wele Lade göht dir zThun? I wett drum de o i Tessa & Thomi und vielech iz Brutparadies, wär aso gspannt uf Brichte

@malinchen: hesch doch rächt, das Wätter mues me ja itz o gniesse! Und dir sit ja super im Timing. Es chöme de no schnäu gnue wieder die dunkle, chaute Täg wome de super cha bruche für Vorbereitige

@me: Üsi Fotografin (Kollegin vo mir) isch so härzig. Mir hei ja am Sunntig ds Shooting gha und am Mänti het sie mir gschriebe, das sig eis vo ihrne beschte Shootings gsi bis itz. Gester Morge, nachdäm sie d Fotos churz het düregluegt gha, schriebt sie wieder, sie müess ihri Ussag revidiere: Es sig DAS beschte Shooting gsi bis jetz Es het eifach aus gstumme, Location (Gurte), Liecht... Sie mues aber zersch no d Föteli vomne Hochzit wosi letscht Wuche het gha bearbeite, bevor üsi drachöme. Het aber versproche, dasses nid lenger as 2 Wuche geit. I bi soooooo gwundrig!!

@Schwiegermami: Ja i chami würklech glücklech schetze, sie isch ganz es liebs. Bringt mer o immer vo ihrne Ferie uuuu viu Züg mit (Chleider u so), fasch meh as mim Schatz U wüu är dr erscht isch i sire Familie wo hüratet und mir haut o scho rächt lang zämesi, freut sie sich gloub würklech u fescht für üs. Bi sim Papi isch das chli angers (sini Eutere si scho lang gschiede), dä isch gloub 2 Mau verhüratet gsi und steit itz dr Ehe chli skeptisch gägenüber... Het o immer gfunge, GG sig no viiiiiiiiiiiiiiiiiiu zjung zum hürate und i ha nume dänkt "red ihm doch nid no so Züg i... " Aber i gloub wes de sowit isch, freut o är sich für üs.

@Lela: Hm, das isch ja o no spezieu mit däm Brüetsch vo dim GG. Isch ja no guet het är die denn nid ghürate, wes eh usenang isch. Aber äbe, de wärs vielech o nid schlächt, sech bim "2. Alouf" o chli meh Zit z'lah... isch mini persönlechi Meinig, aber das mues jede säuber wüsse. U vor auem we eh no überhoupt nüt klar isch bi ihne, wär weiss. Vielech wirds de am Änd glich nüt? Freu di ab euchem Fescht und super heiter itz de aus scho definitiv buechet! Mir warte no uf d Bestätigung vom Hotel, die sig ungerwägs

Guete Moorgä

So i het male e frag wie ihr das lösed.. mir hüratet nur zivil uf em schloss rapperswil und möched döte den en apero und am abig isch s'fest in schänis (öppe 20min autofahrt vo rappi)

jetzt simmer na am hi und her werweise wie mer das mit em transport mached.. öb all selber müend luege oder öb mer irgend was wend organisiere. also die wo nur an apero iglade sind bini de meinig müend selber luege.

bi dä anderne simmer am werweise öb mer zwei büssli wend miete und 2 freiwilligi fahrer sueched wo dän die würed uflade uf rappi chauffiere und vo rappi uf schänis und dän hettet mer eifach 2 sammeltaxis vo schänis dän irgendwenn wieder hei.
i ha eifach chli schiss dass wänn dän dä erst hei wott, dän dhelfti vo dä gsellschaft gad mit wetti well ja dän fahrt ja sbüssli gad..!? und das wür ich dän doch au schad finde..

zerst hemmer dänkt mir sägäd dä lüüt sie sölled in schänis parkiere, dass mir en bus organisiered uf rappi und wieder zrugg.. aber schänis het kei hotel also müessteds uf niederurne und dän bruchsch au wieder es taxi udn am morge wieder eis zrug.. ach das liit mer chli uf em mage.. am liebste würi eifach sege müend all selber luege aber irgendwie au nöd so das wahre..!?

oder wie händ ihr das glöst?

@chliini: Aso verstoh ig das richtig, dir geits drum as niemert a däm Tag no irgendwohäre muess fahre? Wil süsch fändi die Lösig as jede sälber luegt wienr zur Obelocation chunnt und vo dert zum Apero und widr zrugg gfahre wird emu nid leid. De cha jede individuell hei, wil süsch chas de würklich si, as wenn eine geit sich vil angeri aschliesse... Aber ehrlich gseit fingis emu nid schlimm, wenn me de Lüt gar keis Taxi organisiert für zum hei oder is Hotel zcho. Klar, choi de nid alli trinke, aber Astosse ligt ja wohl glich drin und bimne Hochzitsmenu hesch oh gnueg Bode für nes Gläsli meh. Gseh do emu kes Problem. Bi üs müesse si vor Chile zum Apero 10 Minute fahre, vom Apero zum Restaurant 3/4 Stung und zum Teil hei si när e Heiwäg vo 50 Minute, aber ig ha keini Skrupel, das de Lüt zuezmuete. Ig würd emu oh nid erwarte, as me mi heibringt und wenn ig de gar nid wett fahre, würdi vo mir us luege asi es Taxi oder es Hotelzimmer cha näh. Guet, has mer oh scho überleit, entweder für Chile-Apero oder Apero-Restaurant e Tranfer zorganisiere, aber bi 120 bze 70 Lüt, wird das de scho no happig tüür....

Zuletzt bearbeitet am 10.07.13 10:55