| Bräute 2014 |
|
|
1 .. 129 .. 255 256 257 258 259 .. 628 .. 997
|
|
|
|
|
10.07.13 11:07
Taeboyana 
|
Re: Bräute 2014
@chlini: Bi üs isch das nid sone Frag wüu mir ds Apéro gad näb dr Chile hei und vo dert zum Hotel am Abe fahrt me nume ca. 10 min. Bi üs wärde d Gescht drum säuber fahre, je nachdäm müesse sie sech aber de organisiere, wüu z.B. mini Eutere hei gar kes Outo und mini ehemaligi Gaschtfamilie vo Oustralie wird o kes ha. Aber da miete mini Eutere de eifach eis. Bi de Büssli hesch würklech ds Problem, dass de när d Lüt aui zäme ufbräche. I finde 20min fahre ke Sach, das chame de Gescht sicher zuemuete. Isch bi dene beidne Hochzite woni bi TZ gsi mindestens o sone Strecki und für niemer es Problem gsi. We d Gescht vorhär informiert guet informiert wärde, chöi sie sech ja organisiere u je nachdäm chöi ja d TZ Fahrgmeinschafte koordiniere, wenn öper kes Outo het.
@malinchen: vo welne Fotografe hesch no Offerte ighout? Sie si us dr Region Bärn? Hesch Fotos vo dene Chleider bzw. vo dim Troumchleid?? Bi gad gwundrig! I weiss afa o ziemli konkret, was mir würd gfaue und ha scho paar Markene, wo zu mine Favorite ghöre. Aber es cha de glich guet si, dasses de när glich ganz es angers wird!
Ds Shooting isch würklech cool gsi und d Rahmebedingige hätte nid besser chönne si. Itz hoffi eifach, mir gsäche de o no einigermasse guet us druffe 
|
|
|
|
|
|
10.07.13 11:42
Taeboyana
|
Re: Bräute 2014
@malinchen: Die erste 2 Fotografe kenni nid, aber d Jeanine Linder isch e Kollegin vo mire Fotografin, mini isch bi ihre mau 2nd shooter gsi und de im Septämber o wieder  U mini Arbeitskollegin het o d Jeanine Linder as Hochzitsfotografin gha. Sie isch aber nid ganz biuig, bisch scho uf ihrere HP gsi? Dert het sie Priise druf. I mache aber a dere Steu gärn no Wärbig für üsi: www.andrearufener.com Sie het sicher no nid ganz soviu Erfahrig, aber i finde sie machts geniau, und haut o zumne super Priis.
Wow, das Chleid isch würklech toll! Würd sicher zu dir und euem Thema passe. Aber scho nid ganz günstig (dr AUD isch ja praktisch 1:1 zum CHF). Mi GG fänds dr Hammer, weme no chli Bei würd gseh, im gfaut das mega. Aber i finde, i ha zweni schöni Bei  Lege scho gärn churzi Röckli a u so, aber i ha so wissi Bei u när no so doofi Bäserisser... nid schön.
|
|
|
|
|
|
|
|
10.07.13 13:11
lela85
|
Re: Bräute 2014
Nisliker, mir werdet bim zivile kai fotograf ha, will mer das ime sehr chline rahme halte werdend, au ohni apero und so :) mer wettets defür ganz nöch ufenand.
taeboyana, ja ich find au das er sich nachli ziit het chöne lah, vorallem weg dere erfahrig mit de andere, aber es isch scho klar gsi, dass es de wenner eini wird ha, sehr schnell würd goh. ich weiss au nid obs eifach gad gsi isch wil si es grosses geburi fescht gha het. und ob si vorher scho drüber gredet hend, k.a.
fringilla, ich hoffe jetzt eifach das si wenn im 2014 erst ab juni würdet. :) und ja euses datum hemer duregeh, er wird ja wohl au nid welle das es z nöch zämä isch.
Transport, ich finde d lüüt söttet das selber chli chöne luege, ev. chamer ja de na e taxinummere bekannt geh oder so?
Fotograf, wow dir hend ja recht vergliche ect ich gseh amel die underschide bi de föteli nid so... mir werdet öpert us em bekanntechreis frage. Ich han es ehemalig Hütichind wo im 3. Lehrjahr isch für Fotifach, ich hoffe si seit de zue.
|
|
|
|
10.07.13 14:30
Taeboyana
|
Re: Bräute 2014
So, i bi zrügg vom aujährleche Zahnarztbsuech  Zum Glück isch aus guet, i wott doch mis Gäud fürs Hochzit spare u nid no süsch müesse usgäh
@malinchen: Ja genau, mir hei d Andrea. Cha sie würklech nur wermstens empfähle. Priise het sie soviel ig weiss nid uf dr HP, am beste schicksch ihre grad diräkt e Afrag, sie antwortet sicher schnäu.
@nisliker: Mit dr Biudbearbeitig kenni mi leider gar nid us, drum chani das nid beurteile... Aber da gits sicher grossi Ungerschiede. I findes fasch wichtiger, was d Fotografin für es Oug het, wie sie e spezielle Momänt cha ifah u d Lüt trifft, u da bini mit üsere extrem happy.
@Lela: Ja da kenni es paar, wo zGfüu hei, sie müesse pressiere... Mir si da haut ganz angers. O wenn das überhoupt ke Garantie isch, dass d Ehe de häbt, stimmts eso für üs u mir wärde üs nie müesse vorwärfe, mir heige irgendöpis überstürzt.
|
|
|
|
10.07.13 14:45
chliini22
|
Re: Bräute 2014
hallihallo
Danke für eui Meinige wegem Transport.. mir zerbreched eus scho lang de chopf weg däm.. isch halt immer so e sach alk und fahre.. dän dänk ich wieder es isch jede gnueg alt und cha luege wie er das löst.. ich glaube i fröge male dete es taxiundernehme a was es taxi vo a nach b chostet..
ich denke eis oder zwei büssli zorganisiere wo eus umefahre wür wer nöd so es problem..aber ha eifach würkli angst devor dass dän wenn die erst person wür welle ga (vermuetlich grosmami vom GG) dass dän gad es paar glegeheit nutzed.. so han ichs ebe male amene hochzit erlebt.. ich bi erst a eim Hochzit gsii und wen das mis fest gsii wer, dä hett ich nachher glaub en hülchrampf gha.. dlüüt sind scho uf dä startlöcher gsesse hend eigentlich nur na tuurte abgwartet..chum isch das verbi gsii sinds gange und dän ebe so ein ratteschwanz.. oh sbüssli gaht..also gönd mir au.. tja am schluss simmer na öppe 10tä höch dete gsii well all andere hei sind und das irgendwie na vor em 12fi.. und sie hend bewilligung bis am 3 gha.. :-S
aber glaub ich luege male weg dä hotels rundume und schrieb die male aa.. aber schön dass ihr au so denked..
|
|
|
|
10.07.13 14:55
daenu16
|
Re: Bräute 2014
oder wie wär Nez rouge? die fahred dLüüt mitem eigete Auto hei wenns nüm chönd fahre (ich weiss natürlich nöd wie wiit dini Gäscht müend).
Ich bin mal TZ gsi und mir hend das so organisiert
|
|
|
|
|
|
1 .. 129 .. 255 256 257 258 259 .. 628 .. 997
|
Anmelden
