@all: Merci für öii Tips!!! GG u i hei beschlossä, das mir üs nid wei lah stressä und die anderä Offerte wei abwarte. Irgendwie bini nid 100%ig überzügt und i möcht jetz nid ä überstürzti Entscheidig träffe...

@Taeboyana: Merci viel mal fürä Tip, ha ihre e Afrag gschickt.

@Transport: stimmt, Nez Rouge wär sicher ä gueti Variante...

@Coiffeuse/Kosmetikerin: hmm, i hät die jetz gloub nid iglade, ussert wenns öper isch woni scho kennä. Wöu vo denn womä frisiert u gschminkt wird bis zur Trouig geits ja no es Zytli... Hät jetz nid dänkt, dass die när no det blibe und ad Trouig chömä etc. Aber das isch ou mau wieder ä Punkt woni mir bis jetz nie Gedanke drüber gmacht ha... Das Forum isch eifach super!

@malinchen: I finde das e gueti Entscheidig, we dir nid 100% überzügt sit. Mi dünkt sie fasch chli "verdächtig" günschtig und ihri Biuder hei mir iz ufe erscht Blick nid soooo guet gfaue. Cha nid mau genau säge wieso, isch eifach so mi Idruck. Hey so cool hesch ar Andrea gschriebe, bi de gspannt was sie zrüggschriebt!

@Lula: gueti Frog! Weiss gar nid, ob mr se söue ilade oder nid. Si wär jo eigentlich eh no e gueti Bekannti vo mire ganze Familie und de wärs nid mau so abwägig, wie wenn me se süsch gar nid würd kenne, aber angerersits het si am SA bis am halbi 3 offe und würd eigentlich schaffe, während dr Trauig. Usserdäm gilt das ebe oh füre Florischt, woni im Aug ha, dä isch oh e "alte Bekannte", de müessti dä jo fasch o ilade (Oder guet, vilich ischr jo denn oh grad mit Restaurant dekoriere beschäftiget?)

@Chriesi: nei, ig go de i Salon. Da ig gärn i mim Elterehus wett schlofe am Obe vorhär und dr Coiffeur dert fasch ume Ecke isch, geit das grad gäbig.

@malinchen: chasch de nid mau die angere Fotografe aschriebe, ob si chönnte d Offerte vilich schneller schicke, wil du bi öper angerem müessisch zue oder absäge? Ig meine, wär jo genau s gliche, wo disi Fotografin mit euch macht, finge das chame vor angere Site här oh mache, nid? Oder wenn di d Fotos und d Priise eh scho überzüge, de würdi vilich würklich zuegriffe. (Nachtrag: ups ha erscht jetzt gseh, as dr nech scho entschide heit, was dr machet das chunnt drvo, wenn me dr Bitrag immer eeewigs offe het zum schriebe) Ui, dis Traumchleid isch würklich schön! Mega speziell u würd würklich super zu euchere Hochzit passe! Meinsch aber würklich, as si tüürer wärde, wils bekannter wird? Aso jo, frücher oder spöter äue scho, aber ig glaube soo schnäll geit das nid. Würd emu uf all Fäll erscht luege, ob dir so öpis a dir de oh gfallt.

@me: Huch, hätts fasch vergässe: Ig ha ja oh mau widr "News" Ha mini Schueh jetzt glich scho kauft. Ha zwar dänkt, erscht s Chleid ussueche u denn die passende Schueh, aber bi dene hani nid chönne widerstoh. Woni se gseh ha, hani mi eifach dri verliebt! Und wenn ig de schlussändlich glich es Chleid nime, wo si de gar nid drzuepasse (es si drum ebe überhaupt keini klassischi Brutschueh ) de machts oh nüt, hei nume 70.- koschtet. Ha uf all Fäll grad mega freud, wil si si mega bequem, obwohl si e für mi rächt höche Absatz hei (7.5 cm zum glück isch GG so gross)

Zuletzt bearbeitet am 10.07.13 16:30

@lela: ja d hosen si super! ha sä aber äbä no nie live gseh, drum fröii mi itz umso meh ufe gurtä! Geit öpper vo öich o?

@ lula: aso üsi chuchi wird äbä rächt ungwöhnlech, z meischtä chunnt dunkugrau, abr z grau ehner is brun aus is blau.. När heimr petrol für d hochschäft und ono ä teil altholz...

@ transport: aso mir wettä eigetlich vom ort wo mir wohnä u am abä o z fescht isch zur chiuche u zrügg äs auts postouto miete, aso sone oldtimer... Weiss eifach nonid für wiviu lüt, ha eigelech für aui abägescht wöuä, abr gg het gmeint äs chämä eh viu mitm outo, de längi für d heufti.. Fingi abr äbä o chli komisch.. Vom restaurant hei müesse si när säuber luege..

@ chleid: sooooooo i bi hüt im thessa und thomi in thun gsi! Hei eigetlich ja nur mau wöuä ga schnupperä.. itz hani dert äs chleid agha, wo soooo gar nid minä vorschtelligä äntsprochä het.. Mit gaaanz viu tüll und stickerei..weni sones chleid im internet ha gseh odr imnä heftli hani immer schnäu witerbletteret wius mr nid gfaue het.. Und wo i das ha an gha ischs eifach nur wooooow gsi!! äs isch dr absolut hammer!! Bi abr gd rächt ines züg cho wius äbä vou nid mine vorstelligä äntspricht... Eigetläch... Abr soooo schöööön! Mmh hami no immer nid ganz ärhout!!

@malinchen: aso i würd unbedingt das chleid oder es ähnlechs scho mau ga probierä.. Eifach wius agleit mängisch ganz angers usgseht a eim säuber.. Wini hüt gmerkt ha! Di chleider womr usem internet gfaue hei, hei mr när a mir nämlech nid so super gfauä... D beratig im gschäft isch super gsi, und o ä gueti atmosphärä! chani aso jedem ämpfählä!!