Die Weekendtrips mache mir immer mit dä gliche zwöi. Aber i bi ou scho mit ihre allei 1 Wuche uf Barcelona u dä Früehlig isch si allei mit mire TZ uf Tunesie für 1.5 Wuche. Es isch auso nid so, dass sie usgschlosse wär oder nie dörft mit cho.
Sie isch sit 8 Jahr mit ihrem Fründ zämä. Dä het studiert und isch dä Früehlig fertig wordä, när hät är wöuä mit ihre zämä zieh, u da het sie gfunde, das wetti sie nid. Jetz wohnt er irä WG mit sim Kolleg und sie nachwievor allei i ihrem Studio. Mir hei mal gha vom hürate wo GG u ig no nid hei kommuniziert gha, när het sie so gseit: "I weis nid ob ig mi Fründ wett hürate, villecht fingi ja no e besserä." Das seit eigetlech aus für mi...
@Malinchen: Jooo es isch super gsi! Sind immerno hin und weg. Stimmt, aber vilicht langets wemmer ebe säged, dass mer gar nöd chann Spalier stoh (oder nur nochem Apéro) da mir ja vorher gar nöd us de Chile chömed. Das hani de andere Lehrer au scho gseit.
@Taeboyana: MEGA Wulche 7 *schmelz* Vilicht isches denn bi dir au gaaaanz es anders Kleid als du dir vorstellsch…bi denn gspannt!
@Sue: Da freut mi dases dir guet tue het chli Dampf abzloh! Isch au würkli kei eifachi Situation. Weg de Fotis…mir händ efäng eis einzigs…tuens noher gad ufelade. Und dFrisur…hmmm ich glaub die hetti au selber anebrocht und sie het 1h brucht für daaaas (siehe Foto). Sie machts würkli immer guet und ich bin sehr zfriede weni zu ihre go schniede goh und so, aber Frisure het sie eifach z’wenig Üebig…und denn isch sie unsicher und denn wird mer selber au unsicher und denn brucht sie so lang…das würd mich wahnsinnig mache am HZ-Tag…oder? Sie würd denn ihri Chefin empfehle oder no e anderi, aber im Chopf hani mi scho entschiede für die wo mir scho a miner Cousine ihrem HZ dFrisur gmacht het. Das isch eh grad praktisch, will die het de Salon mit de Kosmetikerin zämä wo eh mis Makeup macht.
Fotos am Zivile: macht bi üs e gueti Fründin wo es super guets Aug het (und woni unbedingt ha welle debi ha…mir händs ja im chlinste Kreis)
@Lela: so Situatione kenni au…ich würds au so mache wie dFringilla unds aspreche imene guete Moment.
@Fringilla: Du seisches…dObetsunne isch traumhaft. Sie het dur dBlätter glüchtet und im See glitzeret. Cooli Schueh. Gits die au in petrol? *grins* stiiiimmt, something blue, HAHA Und die chasch sicher immer wieder alegge
@Nisliker: das sind uh gueti Tipps, danke! Aber hesch am Schluss denn glich eis gnoh? Bisch wieder zrugg oder heschs im letschte Gschäft kauft? ISches bi dir das gsi wo du dir dich drin vorgstellt hesch?
@Malinchen: uiuiui, bi dir goht jo grad chli Poscht ab. Also wenn ihr immer vieles organisiered was die Gruppe anbelangt würdi ämel au nöd Rücksicht neh dass ihr denn lieber id Gruppeferie gönd als id Flittis…usser es isch EUE usdrücklich Wunsch. Isch also recht egozentrisch vo ihre dir die Vorwürf z’mache. Es isch jo legitim enttüscht z’si, aber vorwerfe findi irgendwie chli schwierig, denn sie weiss jo dases DINI Entscheidi, oder besser EURI Entscheidig isch wer euri TZ sind… und sich rechtfertige für sini Uswahl isch eifach es huere dumms Kapitel!!! Regt mi gad mit uf…(hami au scho müese rechtfertige, obwohl mini Uswahl sit eh und je klar isch!!!)
@daenu16 ich bi i ganz viel läde gange.. ha vilicht chli übertriebe aber es het mer ebe mega spass gmacht. ich ha e vorstellig gha und das isches am schluss au worde. hans agleit und ha gwüsst das isches... denn hanis kauft aber ebe ich bi viel go vergliche damit ich mir 100% sicher gsie bi was ich wet. und uf de bilder im internet gsehts ganz andersch us als wemmers a het! eifach no so en tipp! also han ich gfunde... woni mis chleid im ineternet nachher gfunde ha bini fasch chli entüscht gsie... aber in live isches en traum!!
@malinchen: Oje, das isch ja müehsam. Da het sie aso ächt kei Grund, so beleidiget zsi... Und hey wenn dir meistens die Sache organisieret, de müesse sie haut iz mau öpis id Hand näh.
@daenu: U schöns Föteli!! Isch ja super, wenn du scho e Alternative weisch für d Haar. I ha für ds Engagement shooting no säuber baschtlet, aber das machi am Hochzit natürlech nid (aso ds chirchleche - am zivile äuä scho). Aber i finde o, dass das nid auzu lang darf duure, süsch wird me ja no närvöser...
@malinchen: Jö nei, isch die Kollegin müehsam! vilich het si würklich, wied Sue gschribe het, chli Angscht as euche Kollegekreis sich langsam veränderet, wenn Lüt afange hürote? Und wil si sich das für sich und ihre Fründ nid cha vorstelle, füehlt si sich zrugglo? Aber das heisst jo glich nid, as me de sones Theater sett mache! Si chönnt jo oh normal aspräche, wenn si sich vernachlässigt füehlt oder Angscht het, as si gli e weniegr wichtigi rolle bi euch spilt! Lo di nid lo stresse und närve!
@Lula: stimmt das hani mir gar nid überleit! Wes würklich lüt het wo vorem ässe hei gö, de choi si sicher no fahre Und wenn de Läder nimmsch? Aso egal ob farbig oder wiss. Ig laufe i Läder emu länger bequem als i angere Schueh, wil die düe sich besser am Fuess apasse, hanig emus Gfüehl. Und a däm Tag, si bequeme Schueh scho no wichtig. Mini si inne zum Glück no polschteret, drum wird das wohl guet go.
@daenu: es gibt se no in Mint, Rot, Wiss und Beige, aber nid in Petrol. Cools Foto! Jo, wenn dini Coiffeuse sooo lang het, für ne schöni Frisur, isches vilich glich guet, wed e angeri nimmsch. Hesch jo a däm Morge de sicher no gnueg angere Stress!
@dänu: wooooow, das Föteli isch mega härzig!!! Gfallt mir würklech guet! Aber wägä dr Coiffeuse verstahni di, also d Frisur gseht mega schön us, aber wie du seisch wenn sie unsicher isch, macht di das nur nervös... Mini üeblichi Coiffeuse het ja ufghört will sie es Chind bechunnt (oder inzwüschä scho het), und i mues mir eh öper nöis suechä. I wett äbä de ou, dass ig mi ou gad det cha lah schminke. Finde das mega umständlech wenn no zu zwöi verschiedenä Termine muesch denn...
Jaaa, das rächtfertige närvt mega.
@Chleider: jaa, die gseh uf Bilder würklech immer anders us. Gad bi HZ-Magazin dünkt's mi zum Teil dass rächt viel Photoshop drhinder isch, und zudäm het halt ou nid jedi Frou Modelmass. Aber i fröiä mi ou scho riiiiiiesig ufs Chleider aprobierä. Isch mega härzig gsi, vori het mir mi Chef es Gschäft empfohle wo sini Frou ihres Chleid kouft het. När hei mir zämä fasch e Stund lang Chleider agluegt im www...
@me: Naja, es het mi würklech gad hennä gnärvt. Aber jetz hani dr Nami frei u gange irgendwo ad Sunne ga liegä und mi entspanne. De isch das schnäu wieder verfloge (uf mire Site...)
Anmelden
aber ebe ich bi viel go vergliche damit ich mir 100% sicher gsie bi was ich wet. und uf de bilder im internet gsehts ganz andersch us als wemmers a het! eifach no so en tipp! also han ich gfunde... woni mis chleid im ineternet nachher gfunde ha bini fasch chli entüscht gsie... aber in live isches en traum!!
