@lela: I würd scho zersch ines Brutgschäft ga paar Chleider aprobiere, de weisch när ja chli was dir wird stah. I wot ja de ev. ou im Internet es Chleid bstelle, aber i cha mir überhoupt nid vorstelle, was guet würd usgseh a mir... Darum wirdi sicher zersch verschiedeni ga aprobierä.
Was hesch de fürne Schuehgrössi? I ha o eher grossi Füess, aber nid grad so, dassi gar keini Schueh finde. U was fürne Stil stellsch dir de so vor?
Wäge grosse füess bi ou so eini ca 42gi jenach je.. :) Aso im dütsche isch e gueti a loufs steu ha dörte ou wisi schueh gfunge ev fürs hochzit!? Die hei mängisch bis 44 für froue...
Es git e bütsche brutlade aues nöii chleider für 800fr...
Sue, ja isch Ricardo, isch komisch chaschs nid uftue. Ich henke d Lischte gad mal ah, de chönder alli luege. S isch sicher nid komplett, aber so grob wers das, da mir i de Planig eigentlich vil selber machet... (zur Erchlärig: d TM isch eh sehr gueti Kollegin, und wenn Sie wett darf Sie überall debi si wo d TZ debi isch, aber si wohne halt nid gad ume egge. De Samu isch de TM und er het 2 Ämtli so oder so gha, ob er sich jetzt für oder gege TM entschiede hetti, und Nadin isch TZ-STV (nenn Sie jetzt eifach mal so))
malinchen, ich han s 44gi, isch mengisch müäsam... aber sit 2 Jahr het de Dosebach öfters i dere grössi. Ich wett gern gloschsni schueh, da mir ja im Wald und uf de Wiese sind und sicher nur wenig absatz. Ballerinas hetti wiisi, aber mit dene lauft mer halt nid so schö
@Sue und lela: d Bilder si nid im Bitrag aghänkt, sondern verlinkt. Me muess ufd Wörter "Kleid 1" und "Kleid 2" klicke, de goht dr Link uf. Oder verstoh ig euch bedi jetzt chli falsch? D chleider fingi hübsch, vorallem s erschte. Aber würd glich erscht is Brutgschäft go und oh anderi Stile aluege oder zmingscht dr Ricardo-Verchäufer froge, ob mes vorhär chönn aprobiere, wil me weiss ja nie. Merci fürd Lischte, isch hilfriich!
Wow wieder sones Wuchenänd mit Troumwätter... mir hei nid viu losgha unds drum eifach gnosse uf üsere Lounge und ar Aare. Ha mau no chli versuecht Apérogescht ufzlischte, aber i bi nid so witcho, isch eifach zschön gsi das Wätter
@Lela: I würd uf au Fäu o zersch ines Brutgschäft ga Chleider probiere und mi la berate, de weisch när o, was dr a dir gfaut. Dini Lischte isch super! Würds dr öpis usmache, weni ds einte oder ds andere würd drusnäh für üs? Mir hei ja am 1. Ouguscht üses 1. Träffe mit üsne TZ und de wärs eigentlech no ganz guet, weme so öpis scho hätt.
@munggi: Wele Lade im Dütsche meinsch du genau? I ha mir drum o scho überleit, hie chli zluege u de es Chleid evtl. in DE zchoufe, we sie's dert hätte unds günstiger chäm. Ha drum scho ghört, dasses zum Teil haub so viu choschtet in DE... Gloub in Konstanz hets sones Hochzitshus. Mini Kollegin wo letscht Wuche o no het bekannt gä, dass sie o im 2014 hüratet, isch bi Basel ufgwachse und vo dert wärs natürlech o nid wit über d Gränze... Aber je nachdäm isches haut de für d Apassige chli müehsam, wes nid ir Nechi isch.
@lela: ou ja es 44gi isch schwierig... I weis nid ob dr Brutschuehlade ev. öpis hät. Wöu oftmals wärde die Schueh ja när ou bstellt, eventuell chönntä sie dir es paar Schueh lah cho wodä när chasch aprobierä und uswähle?
@chliini: Isch natürli sehr schad, wenn "Fründe" eim zGlück nit möge gönne!! Aber ebe, Niider wirsch immer u überall wieder atreffe - leider!
@malinchen: I würdi nit so viu i Planig ibinde, git ja de denn umi es Gstürm, wüu jede e anderi Meinig u Idee het, machts sicher nit eifacher!
@lela: I gloub so 6-9 Mönet wird empfohle... Ga aber ou ersch 6-7 Mönet vorher. Wirde im Ougschte mau alüte, u gugge für ne Termin. Google süsch mau Nicole Budget Brautmode, viellech wäri das ou was für Di. Isch no schwierig, ihre das durch dBlume zsäge, u wenns eifach mau direkt asprichsch, wieso si ihri Ferie wetti verschibe, villech erfahrsch e so, wie wiit si meint, iglade zsi. Wäg de Schueh, zBern gits e Brutschuehlade, ggf würdisch derte öbis finde.
@Heart: U das de beidi zBsp i zCoiffeurgschäft chäme? Eifach das es aus a eim Ort isch. Isch e super Idee, mit de Puzzles! Gseht guet us
@Taeboyana: Ohje, da bini de froh, GGs Name hani no (fasch) nie fautsch gschribe gseh. Mine hingege gäng öbe umi. Mir hei dKärtli verteilt, ämu die wo si ume gsi, göh hüet no dr Räschte ga verteile, u tüe di zum schicke uf Post. dReaktione si aber mehrheitlech sehr härzig gsi. Sit dr witer cho mit dr Gästeliste?
@Sue: Isch doch guet, de hesch ämu aues, u so lang geits ja ou nüme, u de hesch scho gli umi platz. Ja das mit de Ämtli müesse mir ou no so chli hingerdranne,
@Sorry, has nume chli überfloge, hoffe i ha niemert vergässe!
@me: Di meischte Kärtli si verteilt, dr räschte wird hüet verteilt, resp. geit hüet uf Post. Morn göh mir nach Lust u Lune no rasch chli ga gugge, wäg dr Wunschliste, u am Obe mit de TZ is Resti ga ässe. Süsch gits gad nit viu nöiis... Wünsche euch aune e wunderbare Wuchestart, gniesset das Wätter
Anmelden
Darum wirdi sicher zersch verschiedeni ga aprobierä.
Aber ebe, Niider wirsch immer u überall wieder atreffe - leider!
