heeeey mädels ich bruche eui meinig.. :)

ich bin im moment am projekt turte... ich ha eini gfunde in züri die macht super schöni turte woni denn det chönd hole und selber id lenzerheid fahre. jetzt hani bi etsy mega kuuli turtemändli us fimo gfunde :)

http://www.etsy.com/de/shop/mudcards?ref=pr_shop_more

ich ha mir jetzt eis pastlet wo zu eus passe wür. aber es chost ca 140.- mit lieferig.... würed ihr das mache? oder findeter das doof? ich weiss das min gg mega freud het a de hantle hihi aber es isch scho recht tür... eusi turte wird aber recht schlicht... (bild im ahang). blueme chömed kei druf und mäschli macht sie us zucker. und denn wür ebe no öpis obe druf cho... gäbti au no günstigeri sache.... sind die mändli doof? danke fürs feedback

Datei-Anhänge

	Hochzeitstorte.jpg (4x) Mime-Type: image/jpeg, 85 kB
	torte.JPG (4x) Mime-Type: image/jpeg, 61 kB

Oh Nisliker, ich chan dich sehr guet verstoh!!! Die Figürli sind au ooooooberhärzig, mega schnügelig!
Kennsch nöd öpper wo guet chan mit Fimo umgoh? Etz hetsch jo das Bild...
Vlt chönntsch au e Töpferin/Töpfer froge

D Turte gesht ja mau ächt super us und ig finge die Figure oh würklich sehr härzig. Isch doch eh viel schöner, wenns zu euch passt und schön gmacht gseh si nämlich oh us. Würd sicher cool usgseh anstatt de Blueme. Aaaaber: 140.-?! Guet, ig verstoh dr Pris scho, die si sicher handgmacht und extra agfertigt und alles, aber ganz ehrlich mir persönlich wär das ztüür. Do würdi mir eher öpis anders lo ifalle, wo zu euch passet, müesste jo nid zwingend Figure si, wo euch ähnlich si, sondern vilich oh öpis wo eifach für euch steit, weisch wie ig meine?

@ FringillaVigo ja ich weiss wie du meinsch... es cha au so was si

zum glück hürate mir erst i 6 mönet. chanis mer nomal chli überlegge...

Datei-Anhänge

il_570xN.438106128_p2h3.jpg Mime-Type: image/jpeg, 80 kB

auso mir hei ja aus Tortefigure d Princess Peach und der Super Mario als Figure wülls zu üs mega passt....der Nicu isch früener vou der Gamer gsi und ig bi scho immer es chlis Prinzessli gsi im Herz

evlt. würd euch ja ou so öpis i Sinn cho? finde d Figürli aber mega härzig und wens ds Budget zuelaht de würdi die bstelle

hie hani no e link gfunde wo evtl. öpis chönti si?

http://www.ebay.co.uk/bhp/personalised-b...oom-cake-topper