Hoi zämä

@nisliker: Torte findi sehr schön!! Aber i finde dPrise für Tortefigure sehr, sehr tüür! Aber härzig si si, sehr sogar. Aber meinsch nit, es gäbti was ähnlichs, wo öich ou chönti gfalle, wo aber chli billiger isch?


@Fringilla: Di Drahtfigure gseh hammer us, muess i närne mau GG zeige!


@Fanny: Härzlech Willkomme bi üs!
Wäge de Gäst, am Obe si mir, sofern aui chöme, 37 Lüüt, am Apero hei mir ca 140, ca da Vereine u Bude, wo mir nit wüsse wie viu.
Mir hei zT ou Lüüt, eifach da Familie, iglade, wo mir ganz säute gseh, haut eifach as Apero.
Das si no 11 Mönet, wird wou länge...
Üses Budgetziel wäri 15'000.-, hoffe mir chöis ihalte.


@Taeboyana: Ou super, chasch mir äch di Lischte ou schicke? Wäri mega lieb! Aber fröiit mi mega für Di, das de bisch fürschi cho.


@lela: Jep, das isch sehr härzig!!!
Wäg dr Fotografin, mir zahle je nach Zyt zwüsche 1'200-1'600, finde das aber ok vom Priis, wüu ebe, es wird ou für si e länge Tag.
Aber Din Priis isch ja unschlagbar!


@munngi: Wow, das isch wou doch de gad chli überrisse, di hets doch!! Mir zahle hie ou für nes speziells Lokal chli meh, aber das dünkt mi jtzt doch gad chli viu.


@Sue: Hei, schöns Logo, gseht sicher super us!


@novia: Na, schöni Ferie gha?


@principessa: Guet gmärtet!!
Findes ou gad chli komisch, wotsch ja ou wüsse, wäm de zGäld zahlsch u wär si si!t hätti für nes Träffe.
Cha leider dSite nit öffne, aber gugg doch mau ob er Zyt het. Was isch Dir wichtiger? Fotos oder Video?

Schöni Ferie u gniess es!


@me: Hei geschter gad e mega reihnfall gha, si i "üses" Hotel ga ässe (u i ha ja Zöliakie, u es het mau gheisse gf zkoche segi kei Problem), geschter isch es du plötzli gad anders gsi. Zersch hets gheisse, i dörfi bis uf Nudle u Riis aus näh, närne hets gheisse, es göchi glich nit, u de wäris de plötzli glich gange. Ha de aber eifach es Steak gno, mit Härpfu u Gmües, u mir isch leider scho nach am Ässe nüme guet gange... Super toll!!! I chönnti ächt gad kotze!
Jtzt göh mir nächst Wuche no süsch nöimet ga ässe, u wenns derte klappet, storniere mir äuä de gad a diesem Ort, hoffe es geit de ohni Problem. Ha aber ächt kei Luscht, am Hochzyt ou müesse zliide!!
U hüet hani no es Telefon vo mire Muetter gha (wo "nume" as Apero iglade isch, wo nachegfragt het, ob si äch sRichtige Kärtli brcho het, drbi het si mi, wo si erfahre het, dass mir hürote, gfragt het, ob si überhoupt iglade wärdi si!!! Hüet hets de plötzli gheisse, i verdrähie ihre mau umi dWort im Muu um, hoffe es geit nit so witer, verleidet mir gad, ächt...

Sorry

@laprincipessa: Wow isch ja super mit dr Band, de chöit dir euch dä Wunsch glich erfüue!

@Sue: Mir gö uf Sigriswil ga brunche, ha gfunge das passt doch grad, wüu mir dert chirchlech hürate. U de chöimer de mit üsne TZ o no gad ga d Chile ud Pfrundschüür (womer de ds Apéro hei) aluege.

@Lula: Oh nei, füehle gad mit dir und schicke en Umarmig!! So blöd würklech. I meine hürtzutags isch aso Zöliakie nümm eso ussergwöhnlech und uf das mues doch es Restaurant chönne igah, vor auem we dir no äxtra afraget! Nei da müesst dir unbedingt en Ort ha, wo du di druf chasch verlah dass sie das berücksichtige und dass du di dr ganz Abe wirsch woufüehle! Tuet mer so leid für di, dass das sone Enttüschig isch gsi und hoffe ganz fescht, dass dir e gueti Alternative findet.
Wäg dire Muetter: Isch de öpis Spezieus vorgfaue zwüsche euch, heiter nid sone gueti Beziehig? Das isch natürlech o nid eifach, we sie di när so fausch vrsteit... hoffe, dir chöits guet kläre und es stimmt de für beidi. I verstah di totau guet, dass dir das gad ufs Gmüet schlaht, du muesch di nid entschuudige. Für das si mir doch da!! Aber la dir d Fröid nid la näh, trotz Auem. Guet, sit dir so früeh scho ga ässe und chöit itz no en Alternative sueche, as churzfrischtig. I bi ganz sicher, dass das super chunnt bi euch!

@lula: ja merci, mier hends super gha. s african wildlife isch en traum... glaub mier gönd wider uf afrika i de flitterwuche :)

principessa: ja es lauft ja au immer öpis da inne, de verlürt mer schnell de überblick :) wünsch dier en schöni ziit uf ibiza gnüss es!

hallihallo

so melde mich au wieder male zu wort.. hät zwar im moment seeeeeeeeeeeeeeeeeeehr viel ziit aber gad nöd so lust gha zum fürs hochziit umestudiere... :-S

Mir händ na ei Knacknuss... Fotograf.. wie händ ihr eui fotografe gfunde? Eifach googlet? oder kennt gad öpper öpper guets im ruum links-zürisee ufer?

-> Lula.. ohh du ghörsch au zu dänä mit zöliakie? Willkommen im club.. ich ha dezue ane na e laktoseintoleranz, isch ganz genial... wie würkts sichs bi dir uus? also i schaffs au nöd lang wenn i öppis verwütsche wo ich nöd dörfti.. drum hochziit wird schona härt vorallem dä apero... :-S aber glute chani mir nöd leiste.. laktose chani vorher öppis degege nee.. wer ja na was wänns bruut gad umhaut.. :-(
aber i ha derfahrig gmacht i dä schwiiz isch es vielfach na müehsamer.. im östrich wirsch immer herzlich bedient und ohni wenn und aber und ohni en gang müesse uszlah, au wenns öppis völlig anders müend anezaubere.

@nisliker: das isch ja würklech ä unagnähmi situation. aber i verstah nech sehr guet, dass dir si nüm ar hz weit. i würd mit ihrä redä, u ihrä erklärä, dass öich das sehr mögä het u dass dr si drum ar hz glich nid drbi weit ha.