@sue: ooh gueti Besserig!!! Blaseentzündig isch so öpis unagnähms! I ha ou mal e Phase gha woni das immer wieder ha gha. Irgendwenn hets ufghört aber i ha leider nie usegfunde was ds Problem isch gsi...

nachem sex immer ufs wc gha. so hets bi mir ufghört

Hallo zäme

Schliesse mi grad ar Taeboyana an: TGIF (hihi, das muess ig mir merke)

@Lula: isch ja mega doof mitem Resti! Cha di voll verstoh, as dir jetzt öpis anders suechet, aber euchi Iladige si doch jetzt grad use, wie machet ihr das de jetzt? Wäge dire Mueter: Eigentlich wär für si doch jetzt mau dr Zitpunkt cho, zum sich froge, obs äch e Grund het, as si nume as Apero iglade wird und obs äch vilich a ihrem Verhalte ligt Was hesch de du ihre gseit, wo si gfrogt het, ob si überhaupt iglade isch? Aber im Fall, loh di würklich nid lo stresse, wenns ihre nid passt, as Apero zcho, söu sis doch eifach ganz lo si.

@malinchen: isch nie so eifach, kenne das. Ig lade alli mini Cousins und Cousine as Apero i bis uf 2, wo oh as Fescht chöme. Aber ig glaube do wärde alli verständnis ha, wil die eint isch mini Gotte und dr anger isch eine vo üsne änschte Fründe. Darum, wenn du zu dine Cousine allne kuch Kontakt hesch aber mit dire Coucousine scho, finge sette das doch alli verstoh, as si halt e Iladig bechunnt und dr Räschte nid. Wenn jetzt mit allne öpe dr glich Kontakt hätsch und nur eini iladsch, wärs vilich (!) e chli komisch, aber oh denn: isch doch schlussändlich euchi Entscheidig!

@squishy: Haha, wie nes Ablaufdatum Sicher nid!! Isch cool, wed widr hie bisch!

@all und bsungers ad Bärnerinne: geschter hani e härzige Atrag gseh. Wenn me vo Köniz richtig Gasel fahrt gseht me schön an ne grüene Hügu ane, aso eifach e grossi Grasflächi, wo chli obsi geit. Dert isch in riiiiesige wisse Buechstabe gstange "Evi, wotsch mi hürote?" Aso d Buechstabe si is Gras gleit gsi und es het usgseh, als wäre si us däm Material wo d Heuballe amigs ipacks si. Chunnt me öpe drus? Ha probiert es Foto zmache,a ber es isch leider nid gange. Uf all Fäll hanis no härzig gfunge.

Zuletzt bearbeitet am 19.07.13 09:37

Hoi zämä

nume ganz kurz, muess närne i dPhysio

@Firngilla: Das isch geschter i de TeleBärn News cho, chasch sicher no online ga gugge, hinech im TeleBärn chunnt de, obs Evi agno het...
U jep, es isch zVerpackigsmaterial vo de Silobauene...


Dr Räscht chunnt später

@Sue: oh wiukomme im Club! I kämpfe o regumässig mit Blaseentzündige... und nisliker, i ga o JEDESMAU nachem Sex uf ds WC, das het ke Ifluss irgendwie. I hase komischerwis immer nur ide Wintermonet, im Summer eigentlech zum Glück nie... I ga afa scho gar nümm zum Dokter wüu die 2 Mau woni bi gsi (mit Bluet im Urin und Auem) heisi nüt gseh dassi en Entzündig hätt, mega komisch. Wenigstens weissi afa guet, wienis säuber schnäu cha kuriere. Aber me wett ja glich es Rezäpt, dassmes irgendwenn gar nümm bechunnt. Wasi bi mir scho ha gmerkt, isch dass gwüssi Sache bir Ernährig o chöi en Ifluss ha. I nime itz ds ganze Jahr düre jede Tag sone Preiselbeer-Kapsle am Morge, so chli präventiv. Aber äbe, ds Patenrezäpt hani leider o no nid gfunge. Wünsche dir ganz schnäui gueti Besserig!

Merci für euchi Rückmäudige für die Seck, de bsteui die gloub mau... genau, Hochzitsheftli hani o no dänkt gha und zum Bispiu Biuder usdrucke vo Pinterest oder so mit Farb- und Dekoidee. A sone Flachmann hani o no dänkt gha, aber beidi Manne si nid würklech so Trinker vo Hochprozäntigem. Wi scho eher. Chönnt ja o eifach es chlis Fläschli Rotwi dritue oder so. Und es Ovo Sport ("de chaschs nid besser, aber lenger" )

@malinchen: Ja, die Bärner-Manne si halt eifach romantisch (wobi, mine isch do jo scho ne Usnahm) In Köniz hets oh noime es grosses Härz-Graffiti mit "Marry me"... stimmt, isch das nid ir Längass gsi oder so mit dr Chride?

@Lula: Mir hei Tele Bärn ebe nid. Verzellsch de ob si agno het? Haha, vilich chunnts Evi jo de oh scho gli zu üs is Forum