Hallihallo allersits! 

I’m back from Ibiza hehe muess säge, Ibiza isch öbis vom geilschte woni je gseh han!! Absolut empfehlenswert! S’isch sooo super gsi! Churz aber intensiv hehe ;) Mer häd eifach alles det! Vo guetem Ässe, öber en mega schöni Altstadt mit mega vil chilne Lädelis (s’absolute Shoppingparadies glaubetmers! :p), super schöni Stränd und natürli hammergeili Partys  also ich bin def. ned s’letschte Mol uf de Partyinsle gsi ;) Gönd glaub mol mit allne Kollege zäme en Wuche und mietet en Finca oder so wär sicher hammer! =) und wer weiss vilicht findet jo dänn mis polterweekend tatsächlich in ibiza statt hehe :p obwohl isch no en super situation gsi a de einte party seit so die einti (en kollegin aber ned die engst oder so) dassi mi uf de polterobig do chöni fröie! Und ich so: jo wüssi jo nonig wohi dasses goht – dass barcelona oder nizza oder so no mol es thema gsi siget etc. und dänn seit si so (si isch de absoluti ibiza fan und sicher scho zum 7. Mol det gsi) neneeeei ned min polterobig sondern ihre! :p und ich so: ahaaaa :p (si isch scho sit eh und je single und häd no gar niemer in ussicht naja.. aber si chas jo ned für sich pachte :p aber fallsmer standesamtlich würkli im april scho hürote isch ibiza eh keis thema sondern eher barcelona oder so was natürli au mega lässig wär ;)

@chliini22: jo das isch so en sach mit de fotografe gäl :p mir sind au immerno dra – d’uswahl isch mega riisig und s’git scho vil unterschide.. chan dir leider au kei würklichi tipps gäh..

@nisliker: oje gar ned schön :( so enttüschige düend amigs weh gäl? :/ wennd ned mit ihre persönlich magsch rede - schrib ihre doch en brief wod alles chasch useloh meinsch ned? Merci für de tipp uf vox!  muessi mir grad ufnäh ;) kenne nur s’englische do the perfect wedding oder so aber das flasht mi jetzt ned so – eifach teilwis die primitive brite halt :p s’andere isch us dütschland nehmi a oder? Sicher chli authentischer mit öisere mentalität ;) öö so geil hey die säckli sind jo de hammer imfall mega schön! =)) do werdet öichi gäst sicher mega fröid ha! =)

@taeboyana: merci für d’liste! Sicher mol no hilfrich!  ich han mol es grobplanning gmacht woni öich au ned wet vorenthalte – siehe anhang ;) allerdings isches au eher en entwurf und vil sache sind nonig dinne aber ev. hilfts jo au öberem ;) jöö mega härzig die säckli – do händ si weisch wie fröid?  wöt au mol no so öbis mache aber d’zyt fehltmer grad mega… wooow d’fötelis sind jo mega schön!! Ganz tolls liecht und alles würkli mega mega schön komplimänt! =) und das & zeiche isch jo voll cool! Wo häsch gseit häsch das bstellt uf etsy?? So öbis fändi au no cool für öises shooting 

@malinchen: jöö danke vilmol hehe ich bin au voll in Liebi mit minere Geburtsstadt Luzärn und fühl mi immer so dihäi  ich finde absolut dass du dini coucousine döfsch ilade und dini cousine ned! Ich meine du muesch doch die lüt debi ha wo dir nöch stönd und mängisch hädmer nonig so en langi gmeinsami zyt zäme und glich stimmts!  würdi also ohni schlächts gwüsse so mache! ;)

@lela: danke vilmol! Ibiza isch echt de hammer gsi! absolut empfehlenswert! 

@lula: hmm jo häsch rächt würd au versueche umzbueche! Bringts sust echt ned und finde de service isch scho seeehr wichtig!

@squishy-fishy: hey klar döfsch no mitschribe git doch kei regle do ;)) oh so schön nur no es johr  demfall hürotet ihr genau 2 wuche nach öis  jöö so härzig do häd din GG sicher fröid gha! ;) gli chunter demfall wider nach 4 mönet wow scho en langi zyt! Bisch ne go bsueche?

@sue: oje du armi! Gueti besserig! Mega blöd häsch müesse antibiotika näh :// Gaaaanz vill wasser und preisselbeersaft trinke oder niere-blose tee! So ischs bi mir immer weg.. aber siti mi GG han hani glaub no nie bloseentzündig gha ;)) chan also ev. au am sexpartner ligge?! Jöö so härzig die deko idee mitem bon appetit! =) hey dis zivile hochzyt wird jo sicher sogar scho meega super wie wird dänn erst s’richtige fest? ;)) 

@fringilla: oh so schön de atrag hihi  haha jo hani imfall au grad dänkt: wer weiss vilicht, mäldet sich s’evi jo no ah bi öis im forum :p ;))

@daneu: danke Ibiza isch wie gseit würkli hammer gsi! =) händs meeega gnosse und goh def. wider hehe hetti nieee dänkt dass mich Ibiza so flasht und das doch mit au scho fast 27gi :p wägem Fotograf schribi nacher grad no öbis dezue.. und d’Band nähmemer wohl scho jo  ui verzell wie isch s’chleider probiere gloffe hihi? =)))

@me: bi mir gits ned sooo vil news hochzytstechnisch: de mariano häd sich gmäldet (haha mega härzig mega brochnigs dütsch im mail ;) wenni alüte für en termin werdi drum grad vo afang a italienisch rede ;)) aber finde er bietet eifach meh für de pris, chline usschnitt us sim mail:

Uiiii, ich säg eu Mädels...Brutkleider bringed vieli Emotione mit sich
Ich bin jo ebe mitere Fründin und minere TZ in Liluca SG gsi. d'Verkäuferin het denn ganz gnau gfröget was ich wett und es het sich usegstellt dases nur eis Kleid im ganze Lade git wo mine Vorstellige entspricht. I dem Moment wo sie das gseit het, het mini Fründin auscho das Kleid ide Hand gha!
Mir hend denn no es paar anderi id Kabine gno, aber natürlich hani grad welle mit dem einte afange. Han jo eh scho Schiss gha, dass ebe da woni mir vorstell nöd unbedingt zu minere Figur passt.
Tja, lange Rede kurzer Sinn - GENAU das Kleid isches denn gsi...MIS KLEID
Ha schono 2-3 anderi probiert, aber denn hani s'erschte unbedingt wieder müese alegge.

Ich han jo nonig welle chaufe und eifach uskoschte zum es paar aprobiere, aber wenns DAS Kleid isch lohnt sichs eifach nüm - es isch eifach PERFEKT!

uf de Tag 3 Mönet noch de Verlobig hani mis Kleid gfunde und kauft.

@laprincipessa: Merci für die Komplimänt zu üsne Fotos! Mir hei ou wäuts Fröid dranne. I gfaue mir ja süsch nid unbedingt uf Föteli, aber sie schaffts irgendwie immer, dassi de när zfride bi mitem Resultat I hoffe ganz fescht, am Hochzit sigs de o so!

Merci o no für dini Lischte, isch mega übersichtlech! I mues a üsere de no chli baschtle, aber es isch en Afang. I findes irgendwie no beruhigend, weme chli es konkrets Timing ide Häng het (da bricht wieder einisch d Organisatorin i mire düre ).

Ds Agebot vom Mariano tönt würklech no guet und us dr Region isch sicher nid schlächt. Süsch müesstisch ja o no Reisespese zahle, oder nid? Bi de gspannt was du vom Träffe vrzeusch. I findes immer o no wichtig, dass d Chemie stimmt zwüschem Brutpaar und em Fotograf und natürlech o, dass eim d Fotos und d Art vor Bearbeitig gfaue.

@daenu: Jöööh, dr Hammer! Gratuliere zu dim erfougriche Chouf. Irgendwie hani das gspürt gha Und i findes mega beruhigens zghöre, dass du itz o würklech genau sones Chleid hesch usgläse, wie du dir hesch vorgsteut gha. Ir Letschti hani immer nume ds Gägeteil ghört, dassme genau das chouft, wome eigentlech ir Vorstellig nie hätt wöue. Und i gseh mi scho im schulterfreie Prinzässli-Chleid mit Schleier I möcht äbe nid unbedingt es schulterfreis wüui 1. zGfüu ha, das häbt bi mim Flachland nie 2. mi nid so wou füehle wes obe so nüt het und 3. igs nid schön finge, wes bi mir obe när so d Hut näb de Arme abquetscht (wüsst dir wieni meine...? ) Vo letscht hani das gad are Kollegin so vrzeut, när seit sie: "mou, bi dir chönnti mir es schulterfreis grad guet vorsteue!". Tja, wird würklech spannend
I möcht natürlech o sehr gärn es Föteli gseh, we'd eis hesch!

@me: I ha gester die "Thank you Bridesmaid" bags bsteut und bi de gspannt, we sie chöme. Für d Manne nimi de äuä eifach es neutraus Seckli oder Böxli u de muesi de mau no dr Inhaut ga ichoufe. Het ja no Zit bis am 1.8. I bi gspannt!

Joooo, i freu mi sooo fescht

Genau wie du seisch Taeboyana, ich bin au so glücklich, dases würkli das isch wonich mir immer vorgstellt han. Han ebe nöd nur kei Schulterfreis welle, sondern sogar Ärmel (passt jo au für April). Spitze hets müese ha und kei Glitzer. So mädchenhaft, verspielt-romantisch. UND HALT IM BUDGET!

Ihr liebe "chline" Fraue ( ich 160cm)...endlich het sichs gloht :-) ich han es kurzes Kleid kauft wo bi mir halt bodelang isch, aber zum Priis vomene kurze, haha


Foto: will ich so happy und ufgregt bin würd ich sFoti natürlich üüüüberall zeige welle. Drum hend mini TZ und dFründin dFöteli bi sich bhalte und mir nöd gschickt, und sChleid isch LILUCA Eigemarke, drum findet mers nöd ufem Internet.
Aber es Bild woni sit längerem uf Pinterest gfunde han gseht praktisch genau so us wie mis Kleid

Datei-Anhänge

Agora.jpg (44x) Mime-Type: image/jpeg, 197 kB