| Bräute 2014 |
|
|
1 .. 139 .. 276 277 278 279 280 .. 639 .. 997
|
|
|
|
|
23.07.13 11:07
lela85 
|
Re: Bräute 2014
Hallo mitenand,
Wow do laufts, ich han zimlich de überblick verlore, wenn mer mal e tag nid debi isch, isch de zug scho fascht abgfahre... aber wenni amel bi de unglesne so gseh, was d 2013 brüt für e mengi a neue post hend, wird mer halbe trümmlig...
Euchi Sache sind alli sehr schön, segs bastle oder chleider oder so. ich han i dere hisicht überhaupt kein plan, mir isch das alles nid so wichtig, da bin ich eifach chli en maa :)
mir hend ja e platz womer chan im Wald, oder uf de Wiise hürote, allerdings weiss ich nanig so gnau was mir am liebschte isch. De Wald, sowi eusi ersatz kappel sind glaub ebe nid so gross das alli gäst inemöget... also nur di gladne, wie hend ihr das so?
mir hend am weekend na lang a de gästeliste baschtlet und sind eus jetzt zimlich einig.... de plan staht mitlerwile au scho, mit euchere hilf und en hufe Checkliste hani euse Terminplan zemägstellt, das isch riisig und mir grauts jetzt scho devo :S
squishy-fishy,
Ich han uf Site 267 mol en Liste gmacht was bi eusi sochli zu wem ghört. ev. hilfst der ja chli.
|
|
|
|
23.07.13 11:08
malinchen
|
Re: Bräute 2014
Juhuuu zämä!
huii, dir sit ja wieder mega fliissig gsi. Mega cool wenn so viel louft da... 
@dänu: wow, so cool wäge dim chleid! Gratulierä!!! Bi natürlich ou seeeehr gwundrig was fürnes Chleid du usgwählt hesch...
@Sue: oooh, i möcht ou so gärn no mal anes Hochzyt chli ga glüüsslä. Aber es gseht gar nid drnah us dass irgend öper hüratet wo mir kennä... 
I ha mini Blaseentzündige ou immer säuber kuriert, ou wenns het blüetet. Ha de aube ou mega viel so Blasetee trunkä, Bettfläsche ufe Buuch gleit und Blasedragées gnoh. Aber wenn du scho mal sone Nierebeckeentzündig hesch gha, würdi ou ufpasse! Antibiotika isch natürlech blöd, aber Houptsach es wird besser! Es cha gloub äbä scho am Partner liegä, villecht würd sich ä Untersuechig scho mal lohne. I gloub mi Bekannt isch denn gad direkt zumnä Urolog, nid zersch no zum Husarzt. Villecht chasch ja mau bi dim Frouearzt afrage, ob das öpis chönnti bringe und dä het dir villecht ou gad ä Adresse...
@principessa: wow, öie Churz-Urloub tönt würklech troumhaft... Villecht muesi glich ou mal uf Ibiza. Das Agebot tönt würklech ou mega guet wo öich dä Fotograf het gmacht. Ds Mail isch ja würklech mega härzig gschribä...  I dänkä es wär sicher ä Vorteil, dass er vor Region isch, da sparet dir sicher einiges a Wägspese und wie du gseit hesch, er kennt sich us und all das. Bi de gspannt wie ds Träffe isch gsi!
@Squishy: Also bi üs ischs so, dass GG und ig sicher d Houptarbeit vor Planig übernähme. Aber äbä, so zum Bastle, Chleid / Azug uswähle und ou Probeässe etc. rächne mir mit üsnä TZ. Es git paar Sache wo mir sie löh la entscheide, ob sie wettä drbi si oder nid. Z.B. göh mir de ä Band go testä, da hei mir ihne eifach gseit wenn und wo dass sie spielä. Wenn sie gärn mitchöme wärs cool, aber wenn sie kei Zyt oder kei Lust hei isch's ou kes Drama.
Was natürlech ou ä wichtige Punkt isch wo de vor allem d TZ viel wärde z tüe ha isch dr Polterabe... Aber das wird sie ja scho dra dänke? Süsch chasch ja villecht sonä Liste mache wie d Taeboyana. De gseht sie genau wass du vo ihre erwartisch.
|
|
|
|
|
|
|
|
|
|
23.07.13 11:25
daenu16
|
Re: Bräute 2014
Danke vielmol ihr alli...i freu mi soooo
@Nisliker: bi mir isches bodelang (sie müends sogar no chli ufeneh, chchchh)
|
|
|
|
|
|
23.07.13 16:15
perle84
|
Re: Bräute 2014
hoi zäme!
ich ha mi grad früsch registriert und ich hürate au im 2014! bi gspannt wie das ganze wird und freu mi mega uf euse tag.
ich bin bis hüt eifach en mitleser gsi als "Gast" und jetzt bini ofiziell bi oich debi =)
mier hend vor e freii trauuig zmache, het echt öper vo oi grad en tipp für mich?
|
|
|
|
23.07.13 19:04
Lula
|
Re: Bräute 2014
Hoi Froue
Wie geits öich?
@dänu: Apero guggi eifach mit am Caterer dass er mir chli was cha uf dSite lege, Fleisch u Chäs isch ja eh gf.
Mir si enorm zfride mit am Resti vom geschter, aber ebe, mir hätte am andere Ort reserviert. Heit Dir gad e Text für nes guets Mail, zum umi Absäge, ohni Komplikatione?!
I hoffe es wird sech ändere, abere ebe, so Resti wie das am Mänti si sehr ufbouend... Ha sogar Brot (!!!) brcho 
Härzlechi Gratulation zum Kouf vo Dim Brutkleid!!!  Findes Dis Kleid aso sehr härzig! 
@Taeboyana: Und wie isch zSpalier stah gsi?
Geit ja no ne Wuche bis zum 1.8...
@Sue: Wie geits Dir? Isch umi chli besser?
DKirchedeko tönt ächt super! Das mit am Kircheblatt (bruchts das?) u am Buffet isch sehr schad, aber i hoffe, dass zBrutpaar dr Tag glich i voue Züüg het chöne gniesse!
Hei, es isch ja scho mega gli sowit bi öich! Scho nervös?
@principessa: Ou cool, tönt genial!!
Jep, wird würkli uf das useloufe, aber ebe, wie schribsch so nes Mail?!
Tönt aber guet bim mariano, us Mail isch aso sehr härzig, u wenn er us dr Region isch, isch ja eh besser! Wenn dChemie u so stimmt würdi würdi zueschlah!
Wow, Du bisch ja mega planet... Setti ächt glich mau so was afa mache?!
@squishy: U wenn se mau druf asprichsch, wie sie sech das so vorstelli, u wie Du Dir das so vorstellsch. Het ou momente gäh, wo ni ab mire TZ sehr gstutzt han, aber im Moment isch super, hoffe es blibt, leider het si mir weder bim Kärtli no bim Konfi mach gholfe het...
I wäri sehr froh gsi, wenn si mir bi de Kärtli oder so hätti gholfe, aber jänu, viellech ja de bi de Dankeskärtli, aber si isch am Mänti mitcho is Resti, si wird bim Kleid drbi si, u si isch da u quatscht mit mir über mini, zT, sicher unmügleche Ideene, etc...
Hoffe es blibt so, si faht per Afangs Ougste e zwöit Usbildig ah
@lela: Mir hürote ja ir Kirche, u da si ou dAperogäscht drbi, finde das süsch so chli komisch, aber jedem so wie er wott.
Mir hei aber genau wäg am Platzproblem dKirche im Dorf gno, wobi üs die im Nachbardorf bau besser hätti gfalle, aber di wäri zchli gsi.
@perle: Hoi u härzlech Willkomme bi üs!!
Magsch chli öbis vo Dir verzelle?
@me: Mir si hüet üser Ringe ga in Uftrag gäh!! U i ha mega fröid!!!
Si gseh so änlich us, mir hei eifach ir mitti kei Streife, sondern e Fuege (has aber online so nit chöne mache)
|
|
|
|
|
|
1 .. 139 .. 276 277 278 279 280 .. 639 .. 997
|
Anmelden
Das gseht mega schön us und isch sicher perfekt für im April!! Guet gmacht. Hihi, i bi o nur 1.63m. Irgend e Vorteil müesse üsi churze Bei ja ha 
Es git ja de sicher ou no paar Abmäldige und gad mini Arbeitskollege si nid so Chille-Fan's denä ischs nur rächt wenns kei Platz meh het.