@novia_mayo: uf amazon gfindsch e huufe Chleider zu guete Priise. Vintage findi sooo toll, das chunnt sicher super use mit eune Föteli druf.

@Sue87: Das mitem Budget findi no e gueti Idee wobii ich mier gar ned cha vorstelle für was sie soviel Geld söttet bruche?! Mier erwarted gar ned so wirkli Überraschige... Mini Family isch ned wirkli Hochziitswüetig

@janedoe: Das chunnt sicher immer chli uf d TZ und o ds Brutpaar drufa. I würd mir chli überlege, wieviu dir weit/chöit säuber mache und was dir guet chöit abgäh. Bi üs isches so, dass mir üsne TZ (mir hei 2 Froue und 2 Manne) sicher ds Abeprogramm avertroue und o süsch haut so chli d Programmplanig zwüschinne. Usserdäm möchte mir, dass sie düre Tag düre d Asprechspersone si, aso dass wenn irgendwelchi Frage si vo de Gescht, sie chöi Uskunft gäh und d Lüt nid üs chöme cho frage. Sprich, a däm Tag möchte mir üs eigentlech um nüt müesse kümmere, sondern nur chönne gniesse. Sie söue o d Gescht kontaktiere für Biträg am Abe, söue am Tag d Fahrt vom Apéro zur Abelocation koordiniere, Gschänk entgäge näh und aschriebe, de Lüt säge wo parkiere, wo id Chile, wo zum Apéro etc. Aber aus was Deko, Iladige, Namenschärtli, Blueme, Outo betrifft, mache mir säuber. Hiuf u Tipps vo ihne si natürlech jederzit gärn wiukomme U je nachdäm weni de no chli säuber bastle für d Deko, bini sicher froh we sie o häufe. Ig ha aber e ziemli gnaui Lischte zämegsteut, was mir schön fände (nur so Idee) und was as mir sicher gar nid wette (blödi Spieli, Chleid abzieh oder irgendöpis wo's dräckig wird).

I bi säuber 2 mau TZ gsi u cha vo derthär o chli vrzeue (isch auerdings scho 7 und 11 Jahr här ). Bi dene 2 Hochzite hei mir ou ds Abeprgramm zämegsteut und aus koordiniert u zwüschine no die einti oder angeri Überraschig organisiert oder ds Programm zwüsche Apéro und Abelocation. Bi beidne heimer o ds Fahrzüg (Limousine und Oldtimer) organisiert. Bir Kollegin heimer o no d Bluememeitli u Rosebletter etc. koordiniert. Mit Deko oder so heimer aber bi beidne nüt z'tüe gha, sie hei aber beidi o nid viu gha. Die 2. Hochzit isch e chli asträngend gsi zum organisiere, wüu d Gescht eifach so unkooperativ si gsi zum Teil, sie hei sech nüt gmäudet für Biträg u d Tante wo het versproche, Rosebletter zbringe vom eigete Garte, het am tag vorhär aglütte wüu sie "grad heigi gmerkt", dass no gar keni Rose blüihe... Aber süsch het beidi Mau eigentlech aus röcht guet klappet.

aah super merci euch für d tipps und d links!

@perle: <3-lech Willkomme bi üs!

@janedoe: oh je, isch ja mega doof wäge dire TZ! I chas guet nachevollzieh... I bi mir ou nid 100%ig sicher ob üsi TZ üsi Wünsch würklech ernst näme. U das stresst mi ou immer wieder. Villecht chöit dir öine TZ ja ou sone No-Go-Liste abgäh mit Sache wo dir nid wettet? Wie isch de dr TZ vo dim GG so? Villecht cha ja er ou mau no mit dire TZ redä...

Mir wettä a üsem HZ ou nüt mit dr Organisation müessä z düe ha. Sprich d Koordination vom Locationwächsu nachem Apéro, Frage vode Gäst beantworte, ds Abeprogramm leite etc. I möcht denn de würklech eifach chönne gniessä und Spass ha, ohni no immer müessä ufd Uhr luegä ob mir im Zytplan si etc.

ich han no kei idee wie ich söll die std charte mache...

han jetzt ahfah brainstorme sitze hinde im bus und bin uf streife da hani chi ziit jetzt ischs ja ruhig weg de ferie...

weiss ned ob du scho chasch links poste. suscht muesch eifach en abstand mache nacheme punkt oder verschlüssle, aber scho so dasmer no druschömed