ja ich han scho imne andre thread de link ie gsetzt... aber mier git döt niemer antwort :D

also de link isch

wwwApersoenliche-zeremonieAjimdoAcom (A=.)

kennt die öper? mier hend ja ebe s gsrpäch am samstig mit ihre und ich bin so gspannt. voralem es isch so krass, ufeimal wird euses datum immer realer!

Zuletzt bearbeitet am 24.07.13 11:33

Hmm de Link gaht nöd.

Aber ich kenn sie uf jedefall nöd, da mier kirchlich hürated hemmer eus gar nid mit dem usenandgsetzt :)

ech cha euch vellecht no chorz säge wies bis eus so esch met de tz ond tätschmeischter.
aso min gg ond ech händ je natürli en tz. zudem hämer en tätschmeisteri ond no je en kollegin ond en kolleg als "hälfer"
de plan esch eigentli öpe so: min tz hilf i mer vorallem bi de vorbereitige (bastel, chleid, usw.), am hochzyt selber esch sie de aber eigentli nor no min rechti hand, da heisst, sie luegt eifach das es mer guet goht, versorgt mech met ässe ond trenke ond nehmt gschänkli entgäge. bi mim gg hed sin tz am hochzytstag de gliich job wie mini tz, eifach för ehn luege.
mer händ da ganz bewosst so entschede, well eusi tz jo eigentli de beschte frönde vo eus send ond dorom de tag au no setted chönne gnüüse ond ned nor stress händ.
eusi tätschmeisteri esch es organisationstalent. sie werd mer ond minere tz au bi de vorbereitige för s'hochzyt hälfe ond am hochzyt sälber esch sie denn d'asprechsperson för alli gäst, aber au för d'fotografin, s'catering usw. sie werd de ganz tag koordiniere ond denn da so au onter kontrolle ha (hoffentli)
die beide andere "hälfer" send meh för d'onterhaltig zueständig. dass chli met de lüüt redet, bi gwössne sache aktiv metmached ond eifach au för d'stemmig sorged. allefalls werd d'tätschmeisteri au no d'hilf vo ehne bi gwösse sache benötige.

aso da esch so chli euses grobkonzept wo mer ufgstellt händ. mer wänd eigentli ned öper met allem öberfordere sondern chli alles verteile uf lüüt wo mer wössed, dass es denn au im griff händ. hed jo jede chli anderi qualitäte

TZ,
bie eus hend si nid so viil ufgabe, well mir na TM hend. mir wüsset das eusi TZ nid so d organisatore sind und hend eus drum entschide na TM z neh. Bi eus werdet si a de hochzig eifach chli zu eus luege und chli mit cho shoppe ect. die organisatorische sache werdet TM mache (wobi d TZ sich da gern terfet beteilige).
Mir isch wichtig gsi das mini TZ us de nöchi chunt.

perle,
mir werdet au verusse (wiese oder wald) eusi zeremonie ha, allerdings mit eme pfarrer. Daher chani dir da au nid so helfe.

malinchen,
so e nogoe liste würd ich au gern mache, hesch ev. für eus chli inspiration? :)

Sue87,
mir werdet so oder so e homepage mache, bin au scho flissig am baschtle.
Ich denke aber de treffpunkt wird so oder so am gliche ort si, oder mal luege, so sicher bini mer da au nanig, aber das het ja nachli ziit. mir werdet den das mit eusne TZ/TM go aluege und den hend die villicht au na en gueti idee.

@lela: I hätt süsch scho sone No-Go-Lischte ersteut... cha euch die ou no ufelade, faus dir Inträsse heit? Wobi das ja de sehr individuell isch, was dert druf chunnt. Aber wenn se öper möcht, steui mini gärn zur Verfüegig.

Taeboyana, das wer super. Mir isch klar das mer si de muen a sich apasse, aber irgendwie wers toll chli idee z ha, a was mer do so sött denke... :)