Hoi zämä


@perle: Isch ja en mega herzige Zuefall!
Hets Datum für öich e spezielli Bedütig oder eifach wüus es schöns isch?
Das mit am Grill tönt super, so hei mirs am zivile.

Kenni gar nit, aber isch sicher troumhaft schön!


@lela: Tönt doch guet, mit öichere Kirche! Meinsch nit dr FC chämti eh eifach "nume" cho Spalierstah u as Apero?
Wie nöch isch dKapelle? Süsch chasch ja eifach normal dr Treffpunkt mache, u se de vo de TZ oder de TM lah abhole.

Danke viu mau!

Hmm, ok, heit dr de drüber gredet? Oder gar nüt?


@Taeboyana: Dr Bäre in Dürreroth. Danke viu mau, ha der derte no gschribe!

Danke, üs gfalles ou. Mir hei Palladium-Rotgld, Wiisgold het mine fasch us de Socke ghoue, u so si si im Budget.
Mir si 5,5 Jahr zämä, wenn mir hürote, u drum isch 5 no so schön, wüu 1 Steindli het GG zGfüehl gha, segi zweni.
Öicher töne aber ou wunderschön, vo wo hesch se? Mir tüe üser närne ou no lah graviere, wüsse aber no nit was. Hmm...
Aber mir näse närne äuä hei.


@sue: Ig mi scho, u GG gloubs ou. Wüu er wetti ou nit, dass i vergiftet wirde. aber ebe, serigi Mails sie nie eifach.
Jep, das isch super! ou schön, scho gli bisch GGs Frou... Aber das de nervös bisch, gloubi dr sofort.


@janedoe: Bi üs muess dr TZ bir Kirche Gäst empfange, u dNamenstäfeli verteile für dObegäst, ds Obeprogramm hei mir e DJ, isch ihne zweni, aso söue si gugge, genau so am Apero... Aber si söue üs während de Vorbereitige unterstütze, am Fest koordiniere, u für Frage da si, etc
U wenn dr no ne TM würdet engagiere? Bi de gspannt, wär bi üs was wird mache.
Hey, für e Ustusch si mir doch da! U dMischig machts doch us.



@

@perle: Ig ha letscht Wuche sone "Wunsch - und No-Go-Lischte" zämegsteut für mi Polterabe und füre Hochzitstag, woni aus ha ufglischtet wo mir üs drüber würde freue und o grad chli Idee ha gä und äbe o aus, was mir uf gar ke Fau möchte. I due se euch gärn hüt Abe (fausi nachem Training drzuechume) oder spetistens morn druf. Bitte de eifach vertroulech behandle

Hihi, das chönnt mim GG ou passiere mit dr Planig, i bi sozsäge sini wandelndi Agenda . Er fragt mi de aube so: "Schatz, hei mir denn u denn scho öpis los?"

Schaffet dir de zäme bzw. ds Gliche?

@perle: I ha üsi NoGo-Liste ou grad nid da... Aber i cha dir mau ufzellä was mir gad so i Sinn chunnt:
- Brut-/Brütigamentfüehrig
- pindlechi Videos vo früecher
- Spiili wo mir oder Gäst vo üs blossgstellt wärde
- Trinkspiili
- Ballonstige oder Tube lah flüge

När Sache wo mir schön fände:
- Spiili zum d Gäst ufd Tanzflächi locke
- Fotobooth
- Himmelslaterne oder so Schwümmcherzli für ufe See
- Postcharte-Gästebuech

Jaa, das isch gad so das was mir i Sinn isch cho wo druffe isch. Hei's loufend chli ergänzt... Es hei einigi hie im Forum sone Liste erstellt. Isch also nid uf mim Mischt gwachse. Da findsch sicher no meh Bispiel.

Isch ja mega krass, dir sit am glichä Tag im glichä Spital geborä, heit dr glich Job und jetz wärdet dir hürate.

lula,
guet viel sind ebe eh gad as fescht iglade, aber ich denke es git sicher gnueg wo nid zwingend id chilä wend :) vo dem her chunt das scho guet... die kappele isch 5 minute mit em auto entfernt, also nid so en sach...
neee mir hend nid drüber gredet, aber si het eus no ihre verlobigsring zeiget.. de het si drum nid zum atrag sonder später becho.

übrigens bäre dureroth, isch bi eus gad ume egge und mer ghört echt nur guets. die hend aber glaub erst gad e bsitzerwächsel gha?

taeboyana,
super, das isch lieb. natürlich wirds streng vertraulich behandlet!

perle,
viel spass bim gspräch, ich bin scho gspannt uf din bricht morn.

janedoe,
ich find das mit em abc guet, bi öpertem uf de page hani gseh: AGB (Allgemeini gäste bedinige) findi au na en gueti sach. wichtig isch das mer seit was eim nett passt.

i lischte mini Sache vor No-Go Lischte o mau so uf (wasmer i Sinn chunnt), süsch geits das ewigs und bisi die cha ufelade dähei simer vielech scho 3 Theme witer

Gar nid geit:

-Brutentfüehrig (oder Brütigam)
-Aktivitäte wome drfür mues d Chleider wächsle oder wo sie chönnte vrschwitzt / nass / dräckig wärde oder gar kaputt ga
-Spieli wo intimi / persönlechi Sache vo üs oder de Gescht offelege
-ds Wadli-ertaste-Spieli
-Unterbrächig bim 1. Tanz und Torte aschnide
-e Kutsche (i stah mit Ross uf Chriegsfuess... )
-Chindergschrei bir Trouig ir Chile

gärn gwünscht:

-Schöni Überraschige (mir möchte nid ds Ganze Programm vo A-Z kenne)
-üsi Kennelern-Gschicht irgend ire Art ibezieh
-Spieli/Sache, wo d Gescht üs im Jahr nachem Hochzit no mit öpis überrasche (z.B. we sie en Antwort nid wüsse, lade sie üs i zum Brunch bi sich oder so i dere Art)
-Quiz ir Art vo "wär vo euch macht eher das u das..."
-Hochzitszitig
-Gästebuech

Vielech chunnt mir de no meh i Sinn, aber das isch itz gad das, woni uswändig weiss. Geschter heimer no mi Brüetsch gseh und ig ha ihn mau agfragt, ob är üs vielech wetti / chönnti bi de Iladige häufe. Er isch gstauterisch mega begabt und het o säuber scho viu Flyers u Deko für Parties gmacht u wär drum perfekt. Mir wette e Iladig wo chli professionell usgseht mit Fotos vo üs, aber nid unbedingt sone Fertigvorlag usem Internet. Är het sofort gseit, dass är das sehr gärn würd mache. Ha mega Fröid gha.