nicht registriert

Guätä Abiig mitenand

Bwoooaah, hüt wo ii kaii Ziit gha ha isch do volle Kanone gloffe und gescht wo ii vörig Ziit gha han, isch tote Hose gsii I giib mir müäh zum ned eu voll quatsche und gliich allnä grecht zwerde:

Perle: Eues Meeting tönt HAMMER!! Gratuliärä zu dem Erfolg! Chemie het eiidütig gstumme, denn het ii au zuägriffe. StD-Karte chönt ruhig no en Tag warte, eiin so grosse Schriitt am Tag iisch vörig gnuäg

Janedoe: Dini Karte sind au wunderschön! Mir gfallet vor allem d'Farbe bsunders guät!! Kompliment! Isch ned meiistens so, dass d'Erschafferin ned so begeiisteret isch und all andere suuper findet? Da miit diiner Schwester tuät miir wirkli leiid. So schaad, cha meh siich ned eiifach mitfreue
Mii GG het vo Afang aah gsaiit, er möchti gern ä Homepage. Und will da siin erste wirkliche Kommentar gsii isch, machet mir da. Mir hend uuh viil agugget: jimido, ichwuensche, swisswedding... Aber überzügt het uns crazyinlove.ch sii kostet, aber ned ä so viil. Sii het keii Ablaufdatum, sondern chasch per Mail sägä, ez isch gnuäg. Und wenn's Problem giit isch Berotig per Mail mega guät. Mir hend sii nonig veröffentlicht. Aber ii finds genial

No-Go-Liischte: Suuuper mersii, da chunt au uf mini to-do-liischte. Arme GG wenn er Haii chunt. Er wiird eh total usgflippti Bruut uf ihn warte Mersii für alli Tipps. Innere Wuche werdet mir uns wohl drasetze und für uns überlege, was mir gnau wünschä und au uf gar keiim Fall wönd!

TZ: Miir hend jo au no so chlii z'kämpfe mit wer-macht-was. Vor allem will mini TZ jo gmaiint heg, sii säg froh, cha sii sich bii uns us dä Planig halte. Miir hends uns ähnlich denkt wiä ???? (exgüsi weiiss nüm wer). Eini für uns als Paar zuäständig dass mir uns wohl füühle, zweii für Organisatorisches und Gäscht. Wer will cha bii vorbereiitige wiä bastle, probeesse debii sii. Zum Glück bin iich anere Schuäl mit viil kreative Mensche. Hend mir scho aboote zum helfe

Me: Exgüsi, iich muä ez au no mii Frust loswerde. I träg en jetzt scho mitere Wuche ume. Ha z'erst denkt, säg jo ned schlimm und lot no. Aber es wiird all schlimmer s'Problem iisch, dass diä Bruut ufzmol au no mitliest im Forum oder siich gär ameldet. Jedefalls han ii s'Gfühl miis Hochziit wird kopiert, nur isch s'Datum vor unseres gsetzt worde (also wiirkt miis kopiert ) sii hend dä gliich caterer für de Apero agfroget, siich für dii gliich stadt zum Abiigprogramm entschiide (mir fahret sogar über Schwiizergrenze...) sDatum isch kurz vo unserem und jetzt befürchte iich au, dass sii dii gliich Trauigsort wählt I bii so sauer und rotlos... I wott doch ned ä kopierts Hochziit fiire. Mini TZ nehmets voll locker, aber mii störts brutal (und was mii stört, stört mii GG )
Ihr seget siicher, versuächs mol miit rede, ha aber ernsthafts gfühl bii dere hochziitsfixierte Frau isch alles rede nutzlos... (hoffentli lest sii ned mit )

Danke dass ii mii Frust darf ablade

Wünsch eu ä wunderguäti Nacht und schöni Tröiim

Guete Morge Mädels!

Gut geschlafen?

@perle84: Wow, s'Gspröch tönt wirkli sehr harmonisch, gratuliere! Schön wennmer so schnäll fündig wird. Und vill Spass i de Badi, bini aso es bitzli niidisch

@squishy-fishy: Ich glaub das stimmt scho, das es diejenig wos Gstaltet immer chli kritischer aluegt als de Empfänger. Aber das isch au richtig so findi
Ha grad es schlechts Gwüsse dasi mi so über mini Schwöschter uskotze Geschter hed sie mier es SMS gschribe wies denn so lauft... mängisch gsehni vlt eifach dunkelschwarz
Hihi min GG hed sin erste 'das-willi-ha' Kommentar zu de Candy Bar abgeh. das isch bisher sin einzige Wunsch und ich hoff dasi da vielleicht en Überraschig für ihn cha ibaue. Ha aber no gar kei Idee wie, wo was :)

Ui das mit de 'kopierte' Hochziit findi ez recht krass. Hender denn de glich Fründeskreis? Denn würdis echt schwierig finde und unbedingt mit ihre drüber rede au wenns vlt ned viel bringt aber so chasch wenigstens de Frust au bi ihre abbaue. En Gedankeastoss wirds ihre sicher si.
Finde wennmer vom Forum Tipps holt und au Sache kopiert isch das eher es Kompliment a die Person aber so im Fründeskreis isches sch*****
Ich würd ihre eifach überhaupt nütmeh verzelle damit sie gar ned uf dIdee chunnt dini Ideeä zstehle.

Me: Mier hend üs gester mal mitem Thema Chile Lieder befasst. bzw mit de Bands und möchted gern d'Wedding Crashers afrage. Leider findemer nirgends Priise, was mich befürchte laht, das die es chlises Vermöge choschtet. Kennt die öpper vo eu?
Hüt Abig gömmer i eusi Festlocation mal go d Stüehl und d Tisch usmesse damit mer nachher chönd Husse bstelle. Ich denk das möchemer in China, i de Schwiiz gitmer ja es halbs Vermöge us defür :(

So wünsche eu ganz en schöne Tag, hoffentli schwitzider nid so

Zuletzt bearbeitet am 25.07.13 06:44

Taeboyana,
hihi du hesch mich also mit dene Ross au schö zum lache brocht :) ich fühle mit dir.
Das mit de Säckli bini nid gsi, aber danke glich. Ich han meh gmeint das ich mir frech es paar ideee chlaue für mini nogo liste :) Das mit de Säckli findi zwar mega süäss, aber mini TZ würd mi wohl aluege und frage "wer bisch du, was hesch du mit minere kollegin gmacht" will das völlig nid mis ding isch.

Lula,
D TM's werdet das de scho richte, chunt guet.
Das mit em Rede bringt nüt, er isch chli egoistisch und verstaht amel au nid so wenn öpert en anderi meinig het, aber chunt scho guet. Si werdet wohl vom Stil her öpis ganz anders mache als mir, und euses Datum kennets ja, s wer ja für si au mega uncool, wenns nöch binenand wer.
Was scho sit em 09? ich han das chli anderscht i mim chopf gha, aber ja demfall exgüsi.

perle,
wow das tönt super mit euchere Zeremonieleiterin, freu mi gad mega für euch! du wirsch chli vum schicksal glenkt :)

Squishy,
ohhh schad hani din post nid scho früächer gseh, ich han gad vorher s abo bi ichwuensche abgschlosse, das crazyinlove gseht drum au na cool us. aber ich bin eh scho zwiit zum wieder wechsle. hend da aber sicher en cooli sach gfunde.
ich han nid ganz mitbecho wer das isch wo dis hochziit kopiert, sorry. aber es würd mich au mega nerve, und ich würd ere mal d meinig sege, tut dir sicher au guet!
ich gseh das wie alli, wenn mer do im forum chli idee pikt isch das s einte, mer kenne eus ja eigentlich alli nid und de het das kai ifluss, aber wenn das im Kollegechreis so isch, denn isch das huere doof. Mir hend zwar na praktisch keis hochzig gha i de nöchi, aber mir hend guet glueget das mer chli öpis eiges hend.

GG und Agenda,
also mine schlaht sich recht guet, er arbeitet d checkliste ab, letschti het er gsait das und das müämer de na mache, da staht juli :) und weg de termine hemer agendas uf em telefon womer eusi gegesitig chönd luege mit verschidene farbe, und er het das recht im griff.

@Taeboyana
Ja s'tönt wirkli so als ob blaui Stüehl gar ned passed Ich han vor unter http://www.chaircoverfactory.com/ zbstelle.. d'Versandchöschte sind zwar horrend aber chunnsch immerno billiger als wenns da neumets chaufsch und finde die hend au super schöni Masche.
Bin für 100 Husse, 100 Organza-Masche, 20 Tischtüecher und 20 Tischläufer uf 380 Dollar cho. d Versandchöschte sind zwar fascht nomal soviel aber s'isch immerno meeega günschtig. Ha d'Bstellig no ned gmacht, vielleicht chame ja en Sammelbstellig mache falls es günstiger chunnt... ?

Plan-dein-fest isch bi eus au mal z Thema gsi, willi zerscht unbedingt e Harfe Spielerin ha welle. Das hani ez aber wider übere Huufe grüehrt. Han jez dene Wedding Crashers mal e Nachricht im Facebook gschickt Mir wend ebe i de Chile kei Chilelieder. Hend eus für ungfähr 5 Lieder entschiede und hoffed mier findet öpper wo die cha spiele, haha :D Für d'Musik i de Chile wettemer ned meh wie 1000.- usgeh, ich han aber kei Ahnig was mer da so kalkuliere sött...

Bi Budget Brautmode hani letscht Monet en Termin welle mache, sie hed mier am Telefon de aber gseit ich söll doch no warte bis im Sept./Okt. will denn die neu Kollektion itrifft, also machi das jez au :D. Han aber nur guets über de Lade ghört.
Ich wirde uf jedefall no zu chez-janine fahre. Eifach wege de grosse Uswahl...

Bi de Blueme hani gaaaar kei Ahnig, da hemmer au mal um die 1000.- budgetiert aber so wirkli wüsse was das choschtet tüemer nid. Hend au no kei Florist in Ussicht.

Und no zu de Magnetli: dett würdi nüt meh dezue schribe. Isch ja alles gseit mitem StD :)

@lela85:
Tönt nacheme seeehr tolle, organisierte Maa, gratuliere

@nisliker:
Hett am Ziischtig de Termin gha aber mis Mami hed churzerhand entschlosse dass sie mier zChleid wett schenke und da sie jez ide Ferie isch hett sie nid chönne mitcho, drum hani de Termin de abgseit. Hed mi scho chli agschisse

@Taeboyana:
Ganz vergesse vor luuter schribe: Darfi fröge wie höch üches Gsamtbudget isch?

@nisliker
Merci füre Tipp, ich merks mer und wird sie verlange