Ha mau widr nid soo vil Zit, versueche aber ging no so halbwägs dr Überblick zbhalte. Trotzdäm... gschwing zum Thema Kopiere:

Ih nei, das würd mi aso genauso närve! Wie stöht die de zu nang? Bzw wie vil Lüt wärde a ihrem Hochzig si, wo bi euch oh chöme? Süsch, wenn nid mit ihre chasch rede, chsch jo vilich IHRI TZ mau ufd Site näh und amerke, as dir do "gwüssi Ähnlichkeite" zu dim eigete Fescht ufgfalle si. Oder du machsch dene Lüt, wo a bed Hochzite chöme klar, as nid dis d Kopie isch, sondern ihres. Wil isch ja scho doof, wenn si endr hürate. Und uf all Fäll würdi, ihre gar nüt meh verzelle. Isch jo würklich öpis angers, wenn mi hie im Forum Idee ustuscht, als wenn me quasi ere Kollegin ds Hochzit vorchauet u sis eifach cha übernäh! Uh, odr pflanz ihre paar ganzs chrecklichi Idee i Chopf, wo du niemals würdisch welle

@janedoe: ig ha mir das mit chaircoverfactory au scho überleit. Wohär weisch de du was si für Liferchöschte hei? U wie höch chäm das öpe?

Budgetbrutlade: über dä bin hie im Forum oh scho öfters gstolperet, macht würklich e guete Idruck. Aber bimr nid so sicher, was dr Stil betrifft, isch irgendwie nid ganz das wo ig mir vorstelle. Wobi uf dr HP het scho eis, zwoi Chleider wo mir würde gfalle. Mau luege...

Zuletzt bearbeitet am 25.07.13 09:48

@FringillaVigo:
Ich han mal alles in Warechorb gworfe und ageh dases id CH müesst glieferet wärde. d'Liefechöschte sind um die 220 Dollar gsi. Es tönt nach meeeega viel aber wenn ich für die ufzählte Sache gsamthaft 600 Dollar zahle denn sind das Fr. 2.50 pro Artikel... Findi also absolut im Rahme.

s'einzige womer halt immer chli Sorge macht was Internetbstellige betrifft, isch Qualität. Wobii mich en schrägi Naht binere Husse ned unbedingt störe würd...

Mir gohts genau wie dir Squishy aber ich probier au mol alles ufz’schaffe!

@Perle: die Gschicht mit dim GG und dir tönt jo wie imene romantische Liebesfilm, „das Schicksal brachte sie zusammen“ oder so…jetzt auno de glich Bruef. Wahnsinn!
Oh Lindy Hopp isch kuul. Macheder das scho lang? Mir goht das zum luege scho z’schnell
Eues Gspröch tönt jo super!!! Und dass ihr eu gad beidi voll einig sind und eu grad hend chönne dezue entscheide! So schön! Gratuliere! Isch sicher e gueti Entscheidig gsi so guet wies grad agfange het! Mir hend en Diakon (statt Pfarrer) wo mir, vorallem GG scho sehr lang, guet kenned.

@Lula: euri Ring gfallet mir uh guet! Ich han au 5 welle für die 5 Johr, aber ich wett ebe de Ehering über de Verlobigsring alegge, und wo mir denn bim Goldschmied gsi sind und ich gseh han wie das drüber usgseht, bini plötzli nüm sicher gsi obi überhaupt Steinli wett, will de grossi, hervorstehendi Brilliant ufem Verlobigsring eh viel dominanter isch – etz bini hi und hergrisse, will de Ehering mueni jo au chönne elai alegge.
zum Glück chammer ja dStei au bim fertige Ring no irgendwenn ergänze…
Restaurant: Bisch scho wieter cho? Hend ihr denn fix reserviert gha? Also isch scho was unterschriebe?
Hmm, ich würds ganz genau so erkläre wie du’s üs erklärt hesch! Wennd dir vorstellsch….In Amerika, wenn dir öppis als GF verchauft würd und du’s noher nöd vertreisch und es stellt sich use dases nöd GF sich…denn chönntisch du SIE verklage! Ich chans dir würklich genau nochefühle…s’Esse isch am Hochziit eh scho en wichtige Punkt…und i dim Fall isch sVertraue druf, dases dir noher nöd schlecht goht mega oberwichtig…und das Vertraue glaubi, isch am reservierte Ort eifach NÖD oder NÜM do!

@Lela: wieviel choschtet „ich wünsche“-Homepage?
Haha, das mit de AGB’s isch e mega luschtigi Idee

@Janedoe: Weg dinere TZ, ich glaub du muesch ihre denn im Vorfeld recht gnaui Awiesige geh, denn chunnt das glaub scho guet…immerhin isch das jo sit 20 Johr dini Bescht! Und wenn ihr de TZ eifach mal für en Planigstag iladet? Aber mega schad weg dinere Zwillingsschwöster. Und wenn du würdsch ignoriere was sie gseit het weg „tamm tamm“ und so und ihre eifach würdsch gnau sägä was sie als Tätschmeisteri ztue het und dass du dir nur sie chöntsch vorstelle und es dir so am Herze liiit! Chan sie denn NEI sägä?
Etz bini gad uh froh dass sich min Brüeder so über die bsundrig Rolle freut (ich bi bi ihm TZ gsi).

Irgendwie hani eue Kärtli-Prototyp nöd chönne öffne

@Novia: euri STDs gfalled mir eh scho uh guet und wenn ihr no so es Föteli händ – mega toll ! Bisch chli fündig worde nach dene guete Tipps?

@Agenda: mir hend ufem Natel e gmeinsami Agenda. D.h. wenn ich/oder er öppis iträge, denn gsehts de ander grad sofort! Wirkt Wunder bi üs


@Malinchen’s NoGoes: ouuu jo, Tuube flüge loh, das mueni grad au ufschriebe


@Taeboyana: Kutsche wär bi mir genauso es No go. Bin sehr allergisch uf Rösser, aber mini Verwandte sötted das no zimli gnau wüsse…sind alli debi gsi womer die Allergie usegfunde hend (Kutschfahrt am Familietreff, uiuiui, Atemnot hoch 3)
Ich hans mir grad bildlich vorgstellt wie es Ross ufene Schleppe schisst
Budget: Bi üs chunnt mal so phasewies s’Gfühl uf das alles eifach mega viel choschtet…und denn hemmer mal churz Panik, ob mir üs nöd übernämed und denn beruhigemer üs wieder. Mer wett jo eifach nöd gad pleite si noher. Kleider choschtet würkli schnell mal meh, aber mis wär i dim Budget (ohni änderige zumindest).
Bi mim Brüeder sim Hochzit bini TZ gsi und ich han de Bluemeschmuck gschenkt für dChile. Ich han e grosses Herz-Gsteck bstellt mit rote Rose inne und usse Efeu und Moos und so und denn no a alli Chilebänk, det hend sie so gflochteni Herz gha womer no chli Efeu und e Blueme het müese dra mache. Alles in allem het 400 Stutz kostet. Det chasch sicher im Budget bliebe. Ich würd eifach gad sägä was dis Budget isch!!! Au bim Brutkleid! Tuen nix über dim Budget aprobiere…susch verliebsch dich 100%

@Squishy: Mim GG gohts amigs genau glich! Er ghört amigs nurno vom Forum, und was die oder dä no für Tipps gha het und waaaaas mir no mache müend und und und…
Und bi dir het sich ja etz no viel meh agstaut
Uiii, kennsch denn du die Kopiererbruut?

Zuletzt bearbeitet am 25.07.13 09:54

@Taeboyana
Lueg doch dSiite mal a und besprichschs mit dim GG. Mier fiired ebe nöd ime Restaurant und müend die Sache eh selber organisiere. Min liebe GG luegt ez mal no miteme Kolleg wo Hochziite usrichtet, ober dett en bessere Priis chan usehandle aber ich bezwiifles stark.
Und das d'Husse nachher DIER ghöred findi gar ned so übel. Die wirsch sicher wider los (d'Afrag im Forum isch ja immer recht gross)... und de holsch dett wider chli öppis i Kasse, was ja bim miete nöd de Fall isch.
Mier fiired am Abig au 'nur' mit 50 Lüüt, finde das perfekt :)

@daenu16:
Das mit minere TZ wird sich zeige, bisher hani mi ja immer uf sie chönne verlah und ich vertraue druf, dases au in Zuekunft so wird sii. Mier hend ja no e Huufe Ziit, drum muessi mini Sorge au chli zrugghalte.
Mini Schwöschter wirdi aber uf allfäll ned überrede zum TM mache. (und ja, ich glaube sie chönnt immerno nei sege, haha :D) Ich möcht, dases für min Schatz und mich en perfekte Tag wird, aber wett au das d'Gäst sich wohl fühled und wenn sie die Rolle so absolut ned überneh will, denn findi mi demit ab.
Sowieso stelli immer meh fest dasi en wahnsinnige Kontrollfreak bi und am liebschte alles selber würd mache :D
De Prototyp vo de Chärtli isch uf de Siite 9 bi de Mai Bräute 2014. Muesch eifach chli abescrolle :)

Wie möched iher das mit de gmeinsame Agenda uf de Handys?? Das wetti au!!!!

nicht registriert

Guätä Moorgä,

Es tuät miir jetzt scho leiid, dass es so en Ego-Post wiird. I muä mii Frust ablade und gliichziitig go schaffe..

Da het mii gescht Nach eiifach ned in Ruäh loh und drum han ii sii gfragt, ob unseri Kiirche au bii ihne zur Uswahl stechi. Natürli iisch es sogar en Favorit (werum giits keii hässigi Smile?!) Somit chönt sii nu no Bluämäidee vo mir klaue (dä rescht hends ja scho).. I bii denn so hässig gsii!! I han denn per Whats gschriibe (yess, totally unpersönlich), sii söll bscheiid geh, wenn alles definitiv iisch, denn chöntet mir unsers no umplane (ii denk da isch en Wink mitem Zaunpfahl?)
Leiider hend mir ebe recht de gliich fründeskreiis drum werdet sehr viil wo bii ihne ans Apéro chömet au bii uns sii und au am Obig wiird siich vo dä Gäscht her viil überschniide (usser d'Family...)
Wenn ii gwüsst het, dass sii sich verlobe wird, het ii dere nixx vom Hochziit verzellt, aber sii het jo ned mol en Fründ gha, wo iich miich verlobt han Wenn siis liest, weiiss siie jetzt gnau, dass es sii isch. Ha tuät scho guät da z'wisse Jedefalls, falls mir tatsach unser Hochziit uf dä Kopf stellet, wird ihre nixx meh gsaiit. I luäg sii ned mol meh aah.
Miin GG wo sus eher ruhig bliibt, isch au stocksauer. Miir denket uns, dass s'Apéro schnell gwechslet werde chan und Bluämä wäret jo au erst in unsere Köpf und nonig bstellt. Aber bii dä Kiirche bin ii so hässig. Sii het für uns ä so wunderschöni Bedütig (mir hend uns dert kenneglernt) und ihre gfallt eiifach will sii ii dä Stadt und gliich im grüänä stot und dä Pfarrer ghört au uns (het mii GG zu dem Biitrag gmaiint )
Ihri Trauzüging isch au ä guäti Kollegin vo mir... Weiss ned ob da guät chunt, wenn ii sii aspreche. I bii jetzt z'erst mol gspannt, was sii uf miis plumpe Whats saiit.

Danke dass ihr so verständnis hend. Es tuät uns beiidne guät eui Biträg z'lese!

(p.s. es het eiifach z'wenig smile zum miin Biitrag schmücke...)

@squishy-fishy es duet mer soooooooooooooooo leid! ich cha dich soooooo guet verstah. isch en alptraum..... ich weiss gar nöd was ich dir rate söll. das isch echt en riiise scheiss.... ich hoff du chasch dich chli ablenke...