Huii, dir heit mega viel gschribä!!!

@perle: so cool dass das gad passt het geschter Abe!!!

@Squishy: oooo nein! Dumm gelauffen, chönnt gad ig si!!! Aber das geit ja würklech GAR NID was die anderi macht!!! Fingi o total drnäbä. Aber isch ja jetz ou hennä schad, wenn dir öii Plän müesst über Bord wärfe wäge derä... Aber i verstah di guet, i würd wahrschinlech ou öpis anders suechä wenns gar nid anders geit.
Und ja, wenn sie halt hie mitlist söll sie doch. I finde ds Forum mega cool zum Ideeä ustusche, wöus ja genau äbä so cool isch, dass mir üs alli nid kennä und wenn öper ä Idee wett übernäh ischs darum keis Problem. Aber sie chönnt i däm Fall ja ou gar nüt hie biiträge, het ja i däm Fall 0 Kreativität und wahrschinlech ou gar kei Ideeä zum teilä...

@chliini: Ig ha mir Tips gholt bi GG's Schwoscht wo Fotografin isch. Sie het gseit es sig mega wichtig, dass d Fotografin es eigetes Outo het und sälber cha fahre (wär bi eirä wo mir im Oug hei gha äbä nid dr Fall gsi). Denn söll me bi ihrer Homepage luege, was für Föteli druffe si, wenn z.B. alles nur gstellti Fotos si, dir wettet aber gärn schöni Schnappschüss ha, denn isch fasch sicher, dass sie das nid so guet cha. Wöu me duet ja meischtens die Fotos ufd HP wo am bestä si. Und natürlech isch ou ds persönlechä mega wichtig, dass me sich sympathisch isch und nid dass me sich am HZ när ab ihrer Person närvt. Drum uf jedä Fall es unverbindlechs persönlechs Träffe veriibare.

ich han jetzt grad es paar sache chöne abhacke!

Zelt provisorisch reserviert

Husse fürd Fästbänk provisorisch reserviert (sie cha mir sogar no günstig Garniture uftribe! )

Freiitrauuig reserviert

Grill reserviert

Apero organisiert

@Janedoe: oh ja stimmt, die hanich ja gseh gha per Zuefall im andere Threat (ha jo no kommentiert gha wie wunderschön sie sind). Wie hebt etz dFedere? Zementit isch min Liiim für di „krasse Ufgobe“
Mir hend di gmeinsam Agenda ufem Handy mit GooCal (Google Calender) es lauft und synchronisiert über d’Emailadresse irgendwie…frog mi nöd. Bi üs het er das id Hand gnoh…chan ihn aber gnauer fröge, ok? Und es funktioniert obwohl ich Apple han und er Android

@Squishy: Ich finds also MEH als verständlich dass du dich ufregsch! Boah ich würd au usraschte!!! Brautzilla!!!!!!!!!! Bi jo gspannt uf d’Antwort.
Aber weisch was, dChile bliebt di glich Bedütig für EU!!! Die dörfeder jo nöd ändere!
Ich glaub sie findet dich und euri Ideä halt eifach sooooo toll und het sicher selber kei.
Ouuuu shiiiiit…etz hesch ihre das gschickt? Phuuu du bisch e glatti. Jo etz schnallt sie’s Dütsch und dütlich

@Chliini: ou nai, du Armi…ganz gueti Besserig wünschi dir
Bim Fotograf isch mir wichtig gsi, dass er/sie üs sympatisch isch. Immerhin verbringt sie (bi üs isches e SIE) de ganzi Tag mit üs. Und dass sie üs chan zum lache bringe. Ich han au welle, dass mer soviel wie möglich Bilder bechunnt. Mängi tüend jo denn eifach (ich säg etz eifach mol e Zahl) vo 1000 Fotene 400 uswähle wo de Fotograf am schönste findet…und denn chunnt mer nur DIE USWAHL über…ich wett aber selber uswähle!

@Lela: Danke! Sind die 185 Fr. einmalig? Oder pro Jahr? (denke zwar nöd das mir dSite meh als eis Jahr bruched)

@Perle: ooooh so kuuul! Es macht amigs so Freud wemme öppis konkret chan abhöggle!!! Viel Spass mit dim Göttibueb

janedoe: au nöd wennd mitem Watttestäbli de Liim ufem (Federe-)Stiel verteilsch?

Genie weniger aber Chindergärtnerin! Hoff es funtioniert

@squishy:
Es hed sich also alles zum guete gwendet. so super :) gsehsch, shed eifach usemüesse :) Freue mi wirkli mega für dich/eu!

@me:
Mier sind jez uf Empfehlig vo de Vermieter vo üsere Festlocation gschnell ime Restaurant gsi und hend spontan wegem Catering agfragt. D'Chefin isch super lieb gsi nud hed sich mega Ziit gno für eus, sie hed immer wider betont, das mier eus sicher finanziell chönd einige und hed eus au vorgschlage, das mier z.B. selber Lüüt zum serviere stelled, damit mer bi ihre nur eine vom Servicepersonal müend bueche bi ihre. Ich han gseit mier möchted für 50 Persone fürs Esse inkl Service und Getränk ned meh wie 8000.- usgeh. Meinider das isch knapp kalkuliert? Sind ja immerhin 160.- pro Person.. Weil sie hed denn chli reagiert als ob das bi ihre knapp füre 3-Gänger langet. Sie heds nid gseit aber a de Auge ischs mer chli so vorcho. Jetzt simmer so verblibe, das mier im Internet mal alli Menüvorschläg alueged, ihre schribed was mier eus vorstelled und sie würd denn im Gegezug bi de Fästlocation mal go d Chuchi aluege um sich es Bild zmache (sie kennt ebe d'Eigetümer).
Zapfegeld müesstemer au ned zahle, da hed sie gseit wenn mier jez voll riich wäred denn würd sie Zapfegeld verlange aber da schätzt sie amigs chli ab...

So und jez mis Problemli: De Funke isch irgendwie überhaupt ned überegsprunge und ich ha kei Ahnig wieso. Sie isch wirkli mega nett! Mier hend au scho dett gesse (super guet!) aber glich hani ned sones Juhui-Gfühl sondern eher voll gedämpft unn ha keeeei Ahnig wieso