Guetä Morgä mitenand!!!

@Squishy: hihi, de isch ja glich grad guet gsi, dass dir das Malheur passiert isch. Ou wenn's villecht für die anderi chline Schock isch gsi, es schiint gwürkt z ha.

@janedoe: hmm, also für mi isch ds Buuchgfüehl immer mega wichtig. Wenn das nid stimmt chönnti mi äuä när ou nid würklech ufnä Dienstleister verlah, und du söttsch dir ja de a dim Hochzytstag nid no duurend über's Catering müessä dr Chopf zerbräche... Lueget doch no witer für öper anders und düets när vergliiche! I dänkä ou immer, die Lüt wöi dir öppis verchoufe, klar si die ufe erscht Blick nätt und fründlech und es tönt alles super toll. Mängisch lohnt sich ä zwöite Blick... Wägem Priis chanis nid so ischetzä. Mir hei äbä eifach es Grillbuffet und hei inkl. Wy und Mineral pro Person 140.- grächnet. Eigentlech dünkt mi, sötts scho drinne liegä zu däm Priis, ha ömu hie im Forum ou scho vo andernä gläsä wo Menu unter däm Priis gha hei...

@Me: Mir hei geschter Abe es Träffä mit dr Fotografin vor Taeboyana gha. Isch super gsi, MERCI no einisch viel Mal füre Tip! Jetz warte mir gspannt uf ihri Offerte... Aber dr erscht Idruck het scho mal sehr überzügt.
Am Weekend louft süsch äuä nid viel Hochzytstechnischs bi üs. Mir liegä wahrschinlech irgendwo amnä Gwässer... Was heit dir so vor?

Guets Mörgeli mitenang und einisch meh: TGIF !

@Squishy (i weiss i bi mega ful was teil Forenäme abelangt u chürze immer ab ): De hets äuä gad so müesse si. Und we mi Bitrag nid meh gschadet het as gnützt, bini ja froh Freue mi sehr für di, het sech das Ganze erlediget u chasch itz chli unbeschwärter is Weekend!

@malinchen: Oh das freut mi sehr!! Tönt doch scho mau guet. Würd mi mega freue, we dir euch würdet finge. D Reaktione wo mir uf üsi Engagement shooting Fotos hei becho, si geniau. Geschter het se mini einti TZ no agluegt und mir sooooo es härzigs Mail gschriebe: "Ha grad Träne i de Auge gha! So der Hammer si die. Wahnsinn, mega schön dir 2!!!!!! Bi begeisteret." I gloub es schöners Feedback chame fasch nid becho

apropos Fotografin: sie het im Momänt e Wettbewärb usgschriebe, wome es Paar-Shooting cha gwinne! http://andrearufener.com/blog/ Wär ja vielech öpis für die einte oder andere vo euch? Mitmache chame bis am 4. Ougust und aui Konditione findet dir ungerem Link.

@me: I ha itz mau 4 verschiedeni Entwürf gmacht für üsi STD-Magnetli und mau es Gratis-Probemuster (ohni Foto vo üs, eifach zum Qualität u Grössi mau gseh) bsteut. Usserdäm warti uf die "Thank you Bridesmaid" Bags und hoffe, es längt de no guet vorem 1. Ougust, zum die befüue und parat mache. Ade Lischtene (Timing, Wünsch und No-Gos) muesi de o no mau chli Apassige mache.

Aber süsch wotti das Wuchenänd eifach d Wermi u dr Summer gniesse u ga bade... Hüt Abe wird äuä üse Grill agschmisse, morn isch Mami-Tag und am Abe gömer ads Seenachtsfescht in Spiez. Am Sunnti irgendwo anes / ines Gwässer U vielech chöme mir zwüschine no drzue, chli üsi Dachterrasse und Lounge z'gniesse, nachdäm i gester no e Lämplichötti ha installiert und es Wäspinäst killt

Guete Morge auersits

so starte mr e nöiie Versuech, ha geschter vor am abschicke gad dHäuft glösche...


@janedoe: Isch si de ire unglückleche Beziehig? Oder wetti si säuber hürtote, aber ihre Partner nit?
Redet ihr de nume no übers Hochzyt? Wüu mir gugge, dass mir mit anderne bewusst nit übers Hochzyt rede, wenn de söue si frage.
Viellech isch si sech ja bewusst worde, dass si sech fautsch verhalte het, u het ihres Verhalte wöue guetmache?
Und, was gits für Lieder?

Nit aues, aber e Teil scho...

Wäg am Caterer, mir hei aube ou so 3-7 Täg uf ne Antwort gwartet, aber isch immer fründlich gsi, u mir hei ne kennt.

Wie isch es geschter usecho, im Resti?
I würdi no ga witergugge, nit das es Dir de so geit wie mir! Oder isch das DAS Resti? Wäg am Priis chani dr leider nit häufe, mir zahle für üses Catering Fr. 15.- zässe, mit Getränk ca 20.- p.P.


@perle: Hei, das tönt doch super! U es isch ja wichtig, das Chemie stimmt!


@squishy: Meinsch würkli rede nützt nüt? U wenn de ihre süsch mau e Brief schribisch? Aber es isch ja scho nit normal, dass si Dir aus kopiert?! U wenn de de süsch mau mit ihrem GG redisch?
Me chas natürli ou so mache, aber bi froh für Di, dass es us dr Wält isch...


@Taeboyana: Was heit Dir für nes Budget? Wieso muess zKleid tüürer cho? I ha mir es Budget, mit de Änderige, vo max. 1'000.- gsetzt. Ha das ar MariNatal mit eire vo Hostettler Brutmode besproche, u si het gseit, es segi kes Problem!

Kennes säuber nit, aber e Kollegin isch derte ga nes Obekleid koufe u hets guet gfunde. Wirde aber derte ga gugge, wenn i bim Hostettler nüt finde.

Nee, wäg de Blueme gugge mir de öbe im Herbst, so September. Chunnt aber sicher ou drufah, was de für Blueme wotsch, u wie di gad Saison hei. Aber meinsch nit, wenn Du mit Dim Buget geisch, u seisch Du wettisch das nit überschritte, si wärdi Rücksicht druf näh?!

Bruchts de di Hussene, wäri gar kenni, kei Müglechkeit? Oder viellech wäri das hie no öbis? http://www.weddix.de/shop/hochzeitsdekor...itslaeufer.html

I würdi die nume so verschicke, cha dr Link leider nit uftue, nime aber ah, dass derte sicher ou chli Platz isch, für was drufzschribe

U wenn brchunschs Probeexemplar? Was isch Mamitag?


@dänu: Danke viu mau! U wenn de de dr Verlobigsring a di ander Hand wächslisch? Oder isch das kei Option?

Wäg am Resti, ja mir hei iwas unterschribe, ha aber ebe kei Kopie drvo, sondern uf am Mail e Reservationsbestätigung.
Hffe mir chöi das hüet erledige, liegt mir ächt uf am Mage, ha di Nacht afe scho drvo tröiimt.
Aber ebe, zVertroue isch eifach nüme da, u so chani doch ou üses Hochzyt nit gniesse
Jep, zAmerika chasch ächt aus verklage, wobi es geit im fau gloubs ou ir CH unter Körperverletzig!


@all: Hoffe i ha niemert vergässe, wünsche euch e schöne Morge

guete morge mitnand!

ui es isch ja scho wieder mega heiss! so en seich! - und ich han au no wucheend schicht dank mim schatz!

ich wär gern id badi aber das gaht ja jetzt nöd chabis!

apero, mier hend etz en apero und zahled 12.50 chf pro person und s trinke brängemer selber mit.. freu mi grad!

std charte da bini immernoni wiiter

freii trauuig mier hend etz grad vu ihre scho mal es paar ideää becho... und es het wahnsinig schöni part debi "liebe heisst, so viel leben zu haben, dass du nicht weisst, wohin damit - also gibts du anderen davon ab." mega nöd?

@malinchen: I gseh o nid i, was dr Sinn vo Wäspi söu si u drum hani däm Näscht o ziemli radikal dr Kampf agseit... D Dachterrasse schint es Paradies z'si für die.

@Lula: Ds Budget hani witer obe scho gschriebe, eigentlech wäri gärn bi 20'000.- bliebe, aber es gseht us as giengs eher gäge 25'000.- (Schetzig). I dänke dasses knapp isch fürnes (neus) Chleid, wüu die wo mir würde gfaue und i bis itz online so chli ha gluegt si meistens so 1400.- ufwärts gsi und für ds apasse muesme ja je nachdäm nomau 200.- -300.- rächne... aber i ha itz scho viu Budget- oder Occassionssitene gfunge und dänke, dass sech da scho öpis findet. I überlege o, evtl. im Dütsche eis z'choufe (aber ersch, nachdäm i hie chli bi ga luege und aprobiere). Oder äbe im Usverchouf gits je nachdäm vielech o öpis Günstigers. I wirde sicher gar nüt aprobiere, wo überem Budget liegt. Wow, aber meinsch nid, die säge a sore Mäss sowieso geng "kes Problem?"

Wäg de Blueme wirdis o so mache, dassi ds Budget vorhär klar kommuniziere und i gloube scho, dasses machbar sötti si. I wott o nid weiss nid wie viu Blueme oder pompöse Schmuck, vo dämhär sötts drinliege. mi hätt nur wunder gnoh, ob öper scho konkreteri Priisagabe hätt. Blueme wirdi äuä nid vor nächsts Jahr konkret luege, das het ja würklech no Zit.

Wieni gschriebe ha, sie d Stüu im Resti blau (so houzig mit Metallbei) u passe drum überhoupt nid iz Farbkonzept... aso ja, es bruchti Hussene. Dr Link isch ja für Tischläufer? Schön wäris scho, aber das bruchte mer eher nid, Tischwösch und aus isch vorhande und mir wärde rundi Tische ha...

Ja genau, uf d Magnetli chame Text druftue wieme wott, vo dämhär sötts scho klar si. Ds Probeexemplar chönn zwüsche 5 u 25(!) Tag ga... wes de nid gli chunnt, bsteue mer se äuä so oder so. ma nid e Monet warte...

Mamitag isch mi eiget Usdruck für e Tag mit mim Mami zäme Ha ihre das ufe Geburi gschänkt u mir gö ga zmörgele, lädele und bade.

@Catering: I dänke o, du meinsch äuä dr Priis für ds Apéro? Nime nid a, dassme irgendwo es ganzes Hochzitsässe für 15.- bechäm

@janedoe: I bi ersch so chli am sammle, was üs für Lieder würde gfaue, het no viu Zit...

@FringillaVigo
Das mitem Text hani ebe zerscht au bemänglet. GG hed de gfunde, da mier kei Chilelieder singe wend isches e super Alternative. Liebe am Jeff Buckley sini Stimm au voll und drum muess de de wos singt scho überzüge :))

@Taeboyana
eusi Liederlischte isch au meh provisorisch... Ziit isch ja echt no gnueg aber nach Bands für d'Chile luegemer jez glich scho...


Ahhh und ihr glückliche TGIF-Fraue... Ich muess morn leider au namal ad Säck, am Abig is Fuessballstadion und am Sunntig uf jedefall go bade