Nachtrag: Fraue... euchi Smiley-Sucht isch glaubs asteckend

@Fringilla: Ja genau, mir tusche!! Wüu ig wott viu i Rottön, aso wär das bi üs perfekt Wo heiter eui Abelocation? De chöimer am Abe vorhär ire heimleche Aktion ga Stüu uswächsle

Mir isch im Fau bide Lieder dr Text o rächt wichtig. Ämu gad wes vom Inhaut här so ziemli ds Gägeteil isch vore Liebesromanze... Chunnt sicher no chli drufa, wie fescht me aube ufe Text lost bzw. wie guet as mes versteit, aber wüu ig fliessend Änglisch rede, übersetzt das bi mir im Chopf sowieso gad immer outomatisch

hihi, dä mitem nid säge, dasses es Hochzitsfescht isch, hani o scho öfters ghört, o im Zämehang mit Abelocations. De hani mir de o überleit hm, de bsteusch es Ässe für e grossi Gseuschaft u womöglech no e Hochzitstorte, machsch e mega Deko und hoffsch eifach, sie dänke es sig e Geburtstag? Und bim Brutstruss dänki, het dr Priis ja o sini Berächtigung. Dä mues ja o chli häbe dr ganz Tag und gäbig si zum trage. I wett ämu nid es x-beliebigs Gsteck dr ganz Tag müesse umetrage

Zuletzt bearbeitet am 26.07.13 10:37

Hallihallo ihr Lieben :)

@daenu16: oooh so schön häsch dis traumchleid grad uf ahieb gfunde hey gratuliere! =) hey cool wäg de gmeinsame agenda! :)

@sue: hehe jo die hämer au gseh filme :p kenne d'sändig ned aber händ eifach gseh wie gstellt alles isch :p irgend so eini imene blaue chleid häd uf emene platz mit emene typ tanzt und en band häd gspilt und d'videografin häd de ganz zyt gseit wo si söllet hiluege etc. also vooooll gstellt :p

@taeboyana: jöö hehe bi mir ganz sicher, dass öichi fotografin au a öichem grosse tag super fotis vo öich mache wird 100%! =)
jo eh mini planig isch au meh mol so entstande aber ned würkli fertig gar ned :p hey mega schönd das chleid ! =) chani mir sehr guet vorstelle! ich wet zwar schulterfrei, finde aber die spitzeärmeli de hammer! =)) wäge de stuehlhussene: do hämer glück, die sind bi öis standart debi.. i anderne restis hettet si au 10.- kostet, bi fast 100 gäst wärs en tusiger meh gsi krass! aber ich wet dänn so schleifene ume stuehl mache i öisne farbe (sones apricot/coral & türkis) het öber en tipp womer so öbis günstig chönt bstelle oder au eifach s'material das chöntmer jo au sälber bastle...

jo wägem fotograf: reisespese müesstemer ned zahle wär im pris debi.. am sonntig obig träffemer de fotograf usem osland in zofige wil si am weekend für es hochzyt det sind - unverbindichs träffe tiptop.. und am 5. gömer uf küssnacht zum mariano :) er isch am telefon glich symapthisch gsi wie ade hochzytsmäss - han also es sehr es guets gfühl bis jetzt :)

@squishy: jo isch echt mega super gsi in ibiza! :)) mir plane scho en wuche inere finca mit allne kollege zäme wär voll geil hehe :) jo stimmt scho, dassmer die dänn au sälber mache chönt, aber weiss au ned bis jetzt hämer eifach bim mariano s'bessere gfühl.. mol luege wies isch wämer beidi troffe händ! wäg dinere TZ: hmm vilicht häd sis jo ned eso gmeint! also bi minere TZ weissi, dass si sofort für alles z'ha wär zum hälfe! :) bis jetzt hani ihri hilf nonig so brucht usser natürli meinig ihole etc. :) aber si isch (wie ich :p) es mega organisationstalänt und wird dänn am grosse Tag sicher alles super im griff ha hihi :))) und hälfe bastle und so würd si sowie die andere kolleginne (brutjungfere etc.) sicher au händs au alli scho gseit voll härzig :)
ui mega blöd wäg dere andere brut! goht jo würkli gar ned!! :// hmm mäld di doch mit emene andere name wider a?? dass si nüt do inne chan noläse? isch jo scho bitzeli chrank ned?! stoht si dir / öich nöch? ev. hanis verpasst.. aber finde def. au dass so idee kopiere etc. gaar ned goht! emel ned wänns so nöch ufenand isch und si no vor öich hürotet! isch würkli öbis anders wänn mir enand tipps gäbet wilmer öis ned kennet aber wänn nacher die gliche lüt iglade sind isches würkli ned schön... ui nei und au no die glich chile wänds wahrschindli?!? goht gar ned!! man ich würd ihre glaub de hooge stelle bim inelaufe haha nei aber würkli!! häd die kei eigeni idee?!? hey aber super häd sich alles bitz zum positive gwändet hihi hammer! :) gsehsch mängisch bruchts direktheit eifach ;)))

@malinchen: jo hey ibiza isch echt empfehlenswert glaubedmers! =))) hihi jo bin au gspannt brichte dänn wider :)

@perle84: härzlich willkomme & gratulation zur verlobig! :) mir machet au en frei trauig dusse am see (sofern de wätterfrosch mitmacht :p sust dänn halt dinne..) aber wiemers machet genau wüssemer nonig.. händ zerst en theolog welle wilmer öber privat kennet wos öis sicher zumene super pris gmacht hetti wo sogar dütsch & italienisch hetti chönne was no wichtig isch, wil vili gäst us italie chömed.. aber jetzt extra 1500.- zahle für en theolog das wämer ned unbedingt.. en idee wär au, dass eifach d'trauzüge öbis säge, ev. je en eltereteil & mir sälber oder so.. ich werde sicher mit öisne vilne chline bluememeitelis inelaufe bez. ned ine sondern durelaufe :p wasi näbem klassische ringtusche und jo säge und so unbedingt wet mache isch en sandzeremonie :) i de farbe vo öisem hochzytsmotto ;)) und mir werdet en pianist ha wo debi isch bi de trauig :) wie stelled ihr öich die frei trauig so vor? jöööö hey das isch jo meega d'lovestory hehe ihr sind am gliche tag am gliche ort uf d'wält cho wie süess isch das dänn!! =) de hammer hihi =))) kenne si ned wod de link gschickt häsch, bin aber gspannt wasd dänn verzellsch! :) döfi froge, wie tüür si isch? haha de hammer das mit de agenda kenni :p mi GG hetti sogar de 1. geburi vo sinere nichte / gottechind vergässe bez. a dem tag öbis anders welle abmache - wenner mich ned hetti :p typisch manne eifach ;) hey cool de glich bruef händer au no hehe so witzig ;)) hey mega schön wäge de theologin hammer händer öich scho entschide! :)))

@Fringilla: Üs si d Liedtexte äbe ou mega wichtig. Mir hei fang mal so provisorisch die Lieder im Chopf:
- Izug GG: Jet - Are you gonna be my Girl
- Izug ig: The pointer sisters - i'm so excitet (muesi no mitem Pfarrer abkläre ob das gäng, i fänds witzig, aber weis nid rächt ob das "Chille-tauglich" isch... )
- nachem Ringtuusch: the poges - love you till the end
- Uszug: The lumineers - ho hey

Wahrschiinlech mache mir de no eis wo mir mit allnä zämä singe. Aber da hei mir no nid würklech ä Idee gha.

@Blueme: I weiss äbä ou no nid wie mir das werde mache. I möcht so Wildblueme bstelle und när i Configläser ufhänke/ufstelle... Wüsst dir wie das louft, chame so Sache denä vom Resti überlah? isch ja nid so schwirig die Blueme det istelle? Oder müessä mir no Lüt organisierä wo das am Morge göh ga mache? Dr Struss chönnti äbä när i däm Fall bire Gärtnerei separat bstellä, de müessti nid unbedingt erwähne, dasses fürnes HZ isch. Bim Zivile hani's ou so gmacht u när eifach sälber es Spitzeband unde umd Stiile gwichklet und mit paar Stiche agnäiht. Das isch när mega gäbig gsi zum idr Hand häbe.

@4 Hochzeiten: Jaaa, i has ou gluegt! Isch würklech no unterhaltsam... Dr Schleier vodr Meral het mir ou meeega gfalle. Aber ds Chleid vo dr Christina hät mir fasch besser gfalle - wenns richtig hätt passt. I finde das schrecklech wenn bide trägerlose Chleider när ds Chleid bim Usschnitt so absteit. De gseht me ja vo obe eifach ine?!

@principessa: oh nei, bi däm Wätter chrank wärde isch ke gueti Idee!!! Gueti Besserig!!!

wow 2h sitzig und de hesch gad 2 site z läse :) ihr sind wahnsinig.

lieder,
mer hend eus nanig viel gedanke gmacht, aber s Hosen Tage wie diesen, wird au euse uszug si. mir liebe das lied, beidi so :) ich hets aber gern live inere akustik version... aber d hosen liget leider nid i eusem budget :)

blume,
also da drüber hani mer na kai gedanke gmacht, das isch wi mit em bastle, mir grauts, zum glück isch bi eus s deko vo de location scho debi...

squishy,
freu mich das sich das bi dir klärt het, jetzt chasch di wieder voll uf d hauptsach konsentiere.

@Squishy: da bini ja froh, dass sich doch no alles zum Guete gwendet het. Hender no chönne rede gescht?
Danke für din Link zum Blueme Küng. Dä kenni guet z’Frauefeld.

@Janedoe: üses Restaurant isch als au recht es tüürs direkt ade Schiffslende in Schaffhausen (www.gueterhof.ch) und sie säged mer rechni mit Fr. 120-140 pro Person.
Mir gohts grad wie am Malinchen…sBuchgfühl isch für mich au sehr entscheidend…und mer merkt au dases dir wichtig isch…hmmm
Etz luegeder mal, oder?
Schön dass sich dini Schwöster chli meh bemüeht und intressiert. Mir gohts genau glich..vo wege Schnädertante…i freu mi halt so und denn verzellis halt sehr gern. Mitem Chleid hani etz ebe genau au so gmacht, das nur mini TZ sBildli het. Aber ich han es ähnlichs Bildli (ebe das woni do i dem Threat scho postet han) und denn mueni luege dasi etz nöd allne eifach säb zeig *grml*

@Liederwahl: mir hend fangs Izug – Yiruma „the river flows in you“ (ufem Flügel gspielt) und
„Make you feel my love“ vode Adele (Flügel und Gsang)
Für de Uszug vlt "L-O-V-E" vom Ben E. King. Das het min Brüeder gha und im gliche Johr auno mini Cousine...wenn mirs etz grad auno würdet neh wärs wie e Familietradition

@Taeboyana: Jöö da isch denn härzig vo dinere TZ. Ich bi au scho sehr gspannt uf euri Magnetli…mir wartet immerno uf dFöteli – dZiiit erschient ENDLOS

@Lula: Das chani meh als guet verstoh, dass dir das ufem Mage liet. Hoff ihr chönds im Guete regle und sie verstönd hoffentlich, dases so für eu ganz sicher nöd stimmt!
Wünsches eu sehr!

@Perle: Mega schöne Spruch! Weisch was hani letschti gseh bi „4 Hochzeiten und eine Traumreise“, das het mir mega gfalle. Anere freie Trauig (sind 2 Fraue gsi) hends dRing anere mega schöne Schleife dur alli Awesende witergreicht und jede het so chönne Liebi und Wärmi i die Ring und die Ehe geh. Isch es mega schöns Ritual gsi. I denk es funktioniert aber vorallem wemmer etz nöd grad 120 Gäscht het

@Fringilla: Isch bi mir au eso…ich lueg au mega uf de Text. I üsere Wahl „make you feel my love“ hets au ei einzigi Textstell wo’s heisst „I know you haven’t made your mind up yet“. Und debi hämmer üs ja definitiv entschiede für enand a dem Tag, aber das isch würkli s’Einzig, und das ignorieri will ansuschte sprichts mir würkli voll und ganz usem Herze!
Ich glaub Hallelujah isch no schwierig zum interpretiere…findsch nöd? Mir gfallt soooo guet!