| Bräute 2014 |
|
|
1 .. 146 .. 289 290 291 292 293 .. 645 .. 997
|
27.07.13 09:53
_janedoe 
|
Re: Bräute 2014
 WOW daenu eui Föteli sind wunderschön!! Du gsehsch soooo glücklich us! Gratuliere
Das direkt a de Grenze wohnsch isch ja mega! Das entlastet s'Budget sicher extrem :)
De Menüvorschlag vom Caterer isch de:
Bunter Blattsalat mit Brotcroûtons
an pikanter Kräuterdressing
***
Consomé mit Sherry und
Blätterteigherzen
***
Les trois filets nach Art des Hauses
serviert in zwei Gängen:
Rindsfilet an Rotweinsauce
hausgemachter Kartoffelgratin
Tomaten provençale
***
Kalbs- und Schweinsfilet an
sämiger Pilzrahmsauce
Nudeln und dreierlei Rüben
***
Dessert Buffet
verschiedene Mousse, Törtli und Mini Patisserie
Mier passed d'Vorspiise no ned so ganz aber für das treffemer eus ja de mit ihne :)
|
|
|
|
|
|
27.07.13 11:14
FringillaVigo
|
Re: Bräute 2014
@jane (hehe, ig chürze doch oh ging ab  ) Ig ha hüt morge aso oh rächt müeh gha, usm Bett zcho! Tönt doch guet, das Menu! Werum magsch d Vorspiese nid so? Wettsch öpis usgfallners?
@daenu: Meeega schöni Fotos Heit sicher viel Spass gha, gseht me nech drum ah! Merci fürs zeige. Mh, nei ha no keini konkrete Lied-Vorstellige. Wird aber äue eher nid so Text-laschtig: Canon in D würd mir gfalle, GG isch chli Wagner-Fan, drum wettr gärn ds Hochzitslied usm Lohengrin (haha, vo wäge unpassedi Texte, die bechöme sich am Schluss ja gar nid ), ds Aschenbrödel Lied fändi oh uh schön, wobi das meh zum Winter passt. Was ig Hammer fänd, wär two steps from hell (und widr sehr "symbolisch", glaub jetzt darfi de nüt meh säge wenn dr Text unpassend isch) mit heart of courage, aber de dänke när alli grad a Fuessball
Zuletzt bearbeitet am 27.07.13 11:16
|
|
|
|
|
|
27.07.13 15:02
FringillaVigo
|
Re: Bräute 2014
Ou jo, de würdi emu vilich dr Salat dur Melone mit Rohschinke oder so ersetze und d Suppe loht sich sicher oh no mit öpisem lo ufpeppe oder dur öpis speziellers ersetze
Ig hätt am liebschte es Panna Cotta zum Dessert, ig liebe das! Aber üses Resti hets ebe gar nid uf der Charte, drum müessti mau de froge, ob si das oh chönnte mache.
Jo, vilich möge sich bis im 14i eh oh die meischte nüm as Heart of Courage erinnere, immerhin isch jo denn WM u de gits vilich öpis neus. Haha, stell mer grad e Brut vor wo zu Sweet Child o mine id Chile inespringt aber hesch mau uf Youtube odr so gluegt, vilich gits oh ne stimmigi Slow-Version oder je nach däm was dr für Musiker heit, choi sis vilich eso istudiere, as me gäbig derzue cha ilaufe. Wär emu e mega härzigi Idee.
Zuletzt bearbeitet am 27.07.13 15:04
|
|
|
|
29.07.13 08:17
Taeboyana
|
Re: Bräute 2014
Guete Morge zäme!
@daenu: Sehr härzigi Fotos!
@janedoe: Das Menu tönt doch scho mau nid schlächt. Aber bi de Vorspiese giengs mir o so, da würdi äuä no chli öpis ändere. Es Consommé isch ja schlussändlech nüt Angers as es Bouillon Aber da chame sicher no öpis ändere! Wenn heiter ds Träffe?
@Fringilla: Es Panna Cotta sött doch jedes Resti chönne mache, we sie chli flexibu si und uf euchi Wünsch igöh. Isch ja nüt komplett Exotisches I has o mega gärn, aber bi üs mueses unbedingt es Dessert Buffet gä, das hani scho immer wöue
Was heiter am Weekend gmacht? I bi jede Tag ga bade, am Friti nach Firabe o no gschwing id Aare gumpet, herrlech! Am Samsti de i Thunersee u geschter - grad no knapp vorem Räge - nomau id Aare. U de hani nomau e Afau gha und mini Lischtene wieder chli überarbeitet. Uf d Wunschlischte isch zuesätzlech no das gschmückte Schmiedisebänkli cho, wo mir am Apéro wette. We ds Brutpaar e churzi Verschnufpouse vom gratuliere wett und churz öpis möcht ässe, hocke sie uf das Bänkli und d Gescht sötte denn nid störe. Ha das bire Kollegin gseh und das het super funktioniert und ersch no härzig usgseh. U bim Jahresplan simer natürlech o no witeri Sache i Sinn cho wie Sitzornig plane, Chleid abstecke, Rum dekoriere am Vortag etc. Aber i gloub es chunnt guet und usdruckt gseht d Planig sogar ächt übersichtlech us
Itz warti und hoffi no ganz fescht, dass mini Bridesmaid Bags no rächtzitig vorem Donnschti chöme  Hase afang letscht Wuche bsteut und eigentlech zGfüu gha, das sött de no guet länge...
Ei Frag no für üses TZ-Träffe: Gäbet dir eune TZ es feschts Budget vor für ihri Uslage oder wie handhabet dir das? Obwou ig scho 2x TZ bi gsi, findis enorm schwär izschetze, wieviu me für das öpe sött budgetiere.
|
|
|
|
|
|
29.07.13 10:12
Taeboyana
|
Re: Bräute 2014
@Sue: Aso mir gäbe ihne sicher die Lischtene wo ig vorbereitet ha (Jahresplanig und Wunsch-/No Go-Lischte) und äbe - faus sie hoffentlech no rächtzitig iträffe - die Seck woni de no chli Süesses, Schämpis, Trubezückerli und vielech no chli Dekoidee, Heftli etc. (nur bide Froue) wett dritue. Aber soviu Zit hani eigentlech gar nümm die Wuche, zum das mache...
Wägem Budget, mir hei ou e Reserve vo 1000.- iplanet, aber die isch eigentlech nid usschliesslech für d TZ... i finde äbe 1000.- eher chli viu? I hätt itz vielech mau gseit 600.- und wenn sie no irgend e grössere Poschte wette plane, söue sie üs no afrage. Aber eigentlech dänki, dass sie o nüt sehr chostspieligs müesse organisiere. I wett drum o nid eifach e riese Betrag festsetze wo sie sech de drmit ustobe, wes nid würklech nötig isch...
Juhui, scho gli isches sowit! Muesch de unbedingt Föteli zeige, i bi scho gspannt. Und ds Wätter söu ja nach hüt scho wieder heiss und schön wärde, de hoffe mer, dasses so bliebt!
|
|
|
|
|
|
29.07.13 11:33
lela85
|
Re: Bräute 2014
Guete Tag mitenand,
bhuuu die abchüüälig tut gad guet :) herrlich, vorallem wenn mer weiss, das es gli wieder schö wird.
jane,
das isch en gueti idee, villicht hends ja gad nüt vor und chömet cho ineluege... :)
Sind Ihr GCFan? weg em Lied meini.
daenu,
das sind cooli föteli, wo hender die gmacht, chunt mer bekannt vor. Hüttwilersee?
Ich kenne es paari wo scho mit de sandra marusic zämä gschaffet hend, well ich ursprünglich vo dere Region chume, und ihre brüäder i mini parallelklass isch. es sind also alli immer sehr schön worde.
Taeboyana,
das mit em ruhe bänkli findi eh tolli idee. sind de die zmitz weret em gratuliere schnell aneghocket? oder wie muen ich mir das vorstelle?
Musig,
also ich han afig eis lied wo muen si, aber ob live oder ab band, dass weiss i nanig, ich fänds live no toll, aber wo suecht mer de so e sänger?
mer wüsset au nanig, ob mer am abig musig wend, irgendwie wärs toll, aber irgendwie frag ich mich obs es brucht.
Chleid,
het öpert vo euch erfahrig mit poschte im Dütsche? Hochzigshuus Stuttgart hani mal glese, aber ev. gits no öpis nöcher a de grenze? het öpert en tipp?
me,
Das weekend hemer nid viel gmacht fürs hochzig, ich bin immer chli a de homepage, aber suscht... d motivation isch gad nid so do :)
ich bin aber am fritig go es chleid chaufe für es hochzig womer iglade sind, bi scho mega gspannt.
Mir müänd no es blatt gestalte für e adenkebuch, aber ich han so kai ahnig, was mer dete chönt drimache, öpert en idee?
|
|
|
|
|
|
|
|
1 .. 146 .. 289 290 291 292 293 .. 645 .. 997
|
Anmelden
Mir gend glaub au 1000 Fr. sind aber au froh wenn sie nöd grad alles bruched.