@Lula: danke für dKomplimet für Föteli und Kärtli (und sReschti)...hani was vom Restaurant gschriebe? Hmmm sRestaurant isch jedefalls scho 3 Mönet fix...isch s'erschte wo mir gha hend. WOW ich bin mega froh dass da für eu klapped het. Isch dir sicher en Stei vom Herze gheit. Wie hend sie's ufgfasst?
@Taeboyana: ui würkli? sich umzoge und denn extra es wisses Kleid agleit??? Tsss...das mueni grad bide Hochziits-Homepage unter "Dresscode" vermerke. Ha denkt das müesi nöd, aber so wie ihr verzelled chunnt das jo doch no öfters vor.
@Dänu: wow, mega härzigi Föteli! U ds Chärtli gseht ou mega schön us!!!
@Budget für TZ: Mir hei ihne no kei Betrag frei gäh... I weis äbä nid rächt ob mir das überhoupt wei, schliesslech möcht ig aus Kontrollfreak ja über aus informiert si. Aber es wär sicher scho no sinnvoll, i dänke eifach mir wärde max. 500.- gäh. Die grosse Poste erledige alles mir sälber, es gäng eher um Porto oder so, de sött das ja scho länge. U süsch müessä sie halt frage...
@Sue: iiiih, es geit würklech nümme lang bi dir!!! So cool, bi de ou mega gspannt wie dirs heit gha!
@4 Hochzeiten: Ja, i ha dr Justice ihres Hochzyt ou mega schön gfunde. Det wo ihre Maa het für sie gsungä hani säuber fasch grännet...
@Lula: ah cool heit dir am Appebärg chönne absäge ohni Problem. Hei sie de no öpis gseit drzue oder hei sies eifach zur Kenntnis gnoh? I finde dir chönntet guet 2 Mal ds gliche Lied lah loufe... GG und ig hei eismau ou grad besproche, dass mir üse Weddingsong de paar mal wettä lah spielä dr Tag dür. Das cha ja ou so wie nä rote Fade gäh!
@me: i bi geschter bi mine Eutere gsi u ha 7kg Meertrübeli abgläsä für üsi Gaschtgschänkli-Gonfi. När hani die geschter Abe grüstet und hüt Meertrübeli-Nektarine-Gonfi gmacht. Im Ahang hani d Etikette für dra, wie findet dir die?
@Milia: U wenn de für dKind eifach Chips u Früchtspiessli, ggf mit Schoggi, stellsch? Isch doch gäng beliebt
@dänu: Hmm... Hani ächt chli es Chaos - sorry
Ja sehr, het mir im Mail dStornierig bestätigt, u gmeint, si segi sich aso gwahnet, jeglech Diätmenus zkoche... Aber mir chömme sogar kostefrei umi use, gottseidank
@malinchen: Ja, si hei mir im Mail dStornierig bestätigt, u gmeint, si segi sich aso gwahnet, jeglech Diätmenus zkoche... Aber mir chömme sogar kostefrei umi use, gottseidank
Das wäri no bau e Idee, irgend es Lied wiene rote Fade gäng umi zha, u sigs ou nume für üs...
Ha vori aso gad mega müesse lache, u wonis mim GG het ers sehr härzig gfunde, mir hei imfau genau di glichi Konfi am Donnschti gmacht...
@Taeboyana Mir händ morn sTreffe mitem Caterer. Bin meega gspannt wie das usechunnt. Am Telefon und via Mail hed echt alles super tönt. Finde du übertribsch absolut ned was s'Thema 'wiss träge' agaht. Mier schribed bi eus is Hochziits ABC, dass wiss de Bruut ghört. Aber eigentli findis logisch.
@Sue87 Wooow, 11 Täg, ich glaub ich würd langsam afange hypere :D aber e schöööni Ziit
@lela85 Ja, mir sind GC fan Kennsch di also us? hihi. Was füres Adenkebuech machsch denn? Es Gästebuech wo alli öppis driischribed oder eis mit Bilder? ...oder was ganz anders?
@daenu16 D'Chärtli gfalled mer mega! s'passt mega mitem Datum und em Ort im See
@Lula Ja das mit de Reihefolg gsehni ebe au bitz ähnlich. Bi eus wirds uf jedefall es Catering will mier ja ime grosse Huus mit Saal fiired. Das Resti, woni letschti verzellt ha, macht eifach au Catering Morn hemmer ebe de Termin und gönd nomal über das ganze Menü drübert. Hoffe mier chönd au grad öppis probiere, hihi. D'Nationalhymmne findi ja e cooli Idee :D
@malinchen. Cooli Idee mit de Konfi!! zMonogramm findi au schön! Voll e super Idee, das dett druf zmache! Ich glaub z gliiche hemmer au zerscht welle neh... Oder hesch du das gmacht?
@TZ Träffe Bi eus lauft das eher chli chaotisch ab. Mir hend jez mal besproche das eusi TZ es Budget vo 800.- bechömed. Das sött lange. Und suscht chame ja mitenand rede :) Mini TZ isch sit 5 Wuche i de Ferie, drum herrscht chli funkstille. Sie chunnt aber demnächst zrugg und denn sitzemer de hoffentli mal glii zeme zum alles bespreche
@Lieder Mir sind im November am Silbermond Konzert gsi und ich muess ehrlich zuegäh, ich han die vorher ned so gern ghört. Min GG isch aber voll 'Fan' und s'Ja' wo ihne bedüted eus au mega viel wills eus dure recht schweri Ziit gholfe hed... Drum bini absolut PRO Das Beste Mir hend eus für es Lied füre Hochziitstanz entschiede: Philipp Poisel - Liebe meines Lebens. Wüssed zwar no ned, wie dezue tanze aber mier wend eifach unbedingt DAS Lied :)
@me Mier sind hüt z'Konstanz gsi, hend e Huufe Bastelsache kauft und Gläser für Candy Bar. Meeega tolli Sache heds im Moment!! Und günstig. Hend jetzt 7 verschiedni Gläser für d'Bar selber und zwei ca. 70cm höchi für Cherze drii.
@Lula: Nei isch ja mega zviel!!! I ha eifach irgend öpis mit Meertrübeli wöue mache, wöus bi mine Eutere äbe so viel het. När hei mir imnä Chochbuech vo mim Mami es Rezept usegseucht mit Frücht wo jetz gad Saison hei... I ha die Gonfi vorhär no nie gha, aber vori hani gad es Test-Schnitteli gmacht zum Znacht, isch super wordä. Wie sit de dir uf das cho?
@Wiisi Chleider am HZ: I weis äbä nid, ob das würklech für aui klar isch... Mi würds jetz persönlech nid störe, wenn süsch no öper es wiisses Chleid het. Aber i mim Kollegekreis si vieli no nie amne HZ gsi und hei sich ou säuber no nid viu Gedanke über das Thema gmacht. I dänkä nid, dass die würde dra dänke, dass sich das nid ghört. Vo däm här würdis sicherheitshauber scho kommuniziere, wenn öich das wichtig isch!!! Besser so, aus we dir öich när müesst närve...
@janedoe: Nenei, ds Monogramm hani vo Weddingchicks, isch nid säuber gmacht... Silbermond fingi super, i bi am Afang ou nid so warm worde mitne, aber sie hei super Texte u i chas immer wieder lose. Mega zytlos fingi...
Danke Malinchen :-) und WoW, das Monogramm gfallt mir uh guet. Isch sehr e härzigi Idee mit de Confi. d'Gäscht werdet sich sicher freue!
@Milia: so Blätterteigtäschli hender kei, das essed dChinde doch au und dFruchtspiessli findi e gueti Idee, oder Muffins...vlt hender jo au es Candybuffet scho am Apéro
@Lula: Super...bin froh für eu!
@Janedoe: Danke vielmol! Dini Rückmeldige sind so positiv und du schriebsch immer was dir gnau dra gfallt, da findi uh toll, danke!
Tönt jo super erfolgriich dini Shoppingtour in KN. Wo hesch dGläser kauft? Nanu Nana oder DEPOT? Wegem Lied: ihr werded sicher en Weg finde druf z'tanze. Ich wünscht mir hetted es Lied wo mir beidi eifach MÜEND ha!!!
Silbermond: d'Text und au dMusig berüehred mich sehr und ich chan guet verstoh dasses so beliebt isch a Hochziite
@jane: Isch no schön, stah meist ziemli einsam da, ha das aber im Service mau so glehrnt, u findes no so logisch. Momou, chunnt sicher guet, u i drücke Dir aso Düme, dass er was zschnouse abietet!
@malinchen: Jtzt wirds mir aso unheimlich!! :wink Mir hei ja scho e Erdbeer-Vanille-Sekt Konfi, u hei ebe no ne anderi wöue, dass Päärli nit di glichi hei. Himbeeri si sehr tüür, Heidi äbe so, süsch hätte mir ä Öpfu-Heidi Konfi gmacht. U da mi GG uf Familieland Meertrübelistöck het wo si Grosvater mau gsetzt het, hei mir de dIdee gha die zbruche, aber ebe nit nume so, u de bini chli uf Chefkoch u i mine Kochbüecher ga gugge, u dr Zuefau hets de wöue das dNektarine no gad Aktion si gsi... Ha dKonfi aber ou nit kennt, u sine Tante seit de no so, das cha ja nit guet si, dass isch doch viu zExotisch. Mir hei de eifach bim ikoche probiert, u se aus guet befunde Mir göh jtzt äuä de no chli ga läse, aber eifach für üs, für Gelee, oder so, mau de no gugge, ha ebe no Gelierzucker woni setti bruche.
@Wiisi Kleider: I wirde mau nüt drgliche tue, aber mire TZ wenn se öber fragt, söu si säge, dass mir das nit wette u si süsch gad direkt mit üs söue gugge. Aber a de letschte paar Hochzyte isch es höchstens mau es wiises Oberteil oder es paar wiisi Hose oder e Jupe gsi, daher gani drvo us, dass es klar isch
@Lula: haha, so zviu!!! I gloub dür das Forum tuuschä mir jetz scho telepathisch Ideeä us! I ha äbä süsch ou immer numä so die klassische Gonfi gmacht, ha gad mega Fröid a derä. I ha ou z viu Gelierzucker kouft u weis no nid so gnau wasi de mit däm no mache. Mit Öpfu würdi äbä ou no gärn mau öpis usprobiere...
@daenu danke für d Ideee. ich han jetzt im Chleiderthema es paar gseh vu Lörrach, das wer au nid so wiit. dini Chärtli gseh super us, gfallt mer guet.
@lula hoffe du hesch schöni Ferie gha, sinder furt gsi? Super freut mich das es mit em Absäge klappet het.
@Taeboyana ich finde wiis gaht gar nid. ich bin am fritig go es chleid poschte für am weekend, ich han es dunkelblaus gnoh, obwohl mers schwarze besser gfalle het, ich finde scho seb gaht nid. ich würd demfall eifach de dresscode bekannt geh, so noch em Motto: egal, aber wiis isch de brut
@malinchen, die Beschrifitg für dini confi gseht toll us. sicher ne tolli erinnerig.
@jane, ja mir gönd no vil go tschutte luege, also sofern kai ishockey isch :) ich bin aber vo de andere site vo de gleis und GG isch für e FCL :) aber mir sind nid so agfresse, gönd eifach na vil is usland, so vil wi möglich stadion go luege. mer müänd eifach es blatt persönlich gstalte, ohni vorgabe, aber bin nanig so ganz schlüssig, guet muens ja au erst morn abgeh :)
Anmelden
Aber es wär sicher scho no sinnvoll, i dänke eifach mir wärde max. 500.- gäh. Die grosse Poste erledige alles mir sälber, es gäng eher um Porto oder so, de sött das ja scho länge. U süsch müessä sie halt frage...
Aber mir chömme sogar kostefrei umi use, gottseidank
Kennsch di also us? hihi.
Wie sit de dir uf das cho?