Guete Morge zäme!

Wow sit dir fliessig... bi mir schickts irgendwie sit gester kes Infomail meh, wenns e neue Bitrag git im Forum? Isch das äch nur bi mir so oder het öper ds Gliche gmerkt?

Wow Janedoe, dir heit ja scho mega ikouft, so guet! Und aui fliessig am Confi mache I wott o gli drhinger, mir hei ja säuber Meertrübeli (hihi ) im Garte, auerdings nur paar chlini Strücher u das woni bis jetz ha abgläse, si sicher nid 7kg I ha de o chli Rezäpt gluegt und i mim imachbuech vo Betty Bossi hets genau sones Rezäpt mit Nektarine! Mues äbe säge, dassi süsch vo Meertrübeli an sich nid so Fan bi, aber Nektarine liebi. Vielech probieri de das ono us, we dir so schwärmet. I bi aber no nid sicher, ob mir Confi as Gastgschänkli wei mache. I liebe zwar Confi u mache o gärn säuber (imne Monet oder so gits de no viu feini Himbeeri bi üs im Garte), aber i ha mir äbe die Idee mit de säuberverzierte Cookies i Torteform (wie ufem Foto i mim Avatar) i Chopf gsetzt... I bache und dekoriere mega gärn und die Cookies chönnt me problemlos im Vorus mache und igfrüre und o d Deko häbt es Wili. De chönnt me o no grad es "Merci" drufschriebe.

@malinchen: I finde euchi Etikette super!! Hammer Schrift und türkis liebi sowieso. Hesch die ou uf weddingchicks gmacht? I wett o gärn sones Monogramm mache für üs, aber da hani bis itz no nid so drmit beschäftiget... weni gseh was dir da au scho heit, hani zGfüu, i sig no niene! Aber guet, es geit geng no meh as es Jahr

@Lieder: Geschter im Training isch bim usdehne "the story" vor Brandy Carlisle gloffe und i ha das Lied u gärn. Woni so ufe Text lose, hets mi dünkt das wär eigentlech perfekt füre Izug id Chile! Es chunnt immer wieder d Steu "I was made for you". Aber äbe, irgendwenn chunnt när e Steu wo sie singt "All of the friends who think that I'm blessed They don't know I'm in this mess". Hmm i bi ja eigentlech nid unbedingt imne Mess und a mim grosse Tag hoffentlech scho gar nid Blöd, süsch hätts mer würklech mega gfaue.

@Taeboyana
und, si d Seckli acho?? iiih ja das findi ou es absoluts NO-GO weme wiis agleit anes hochzit geit..... bi mir gits ou keis Infomail meh - ha scho gmeint es schribt niemer
ooooh hesch de es Rezept für die Törtli???? I bache und dekoriere ebe ou u gern und das wäri natürlich e hammer Idee für ufs Dessertbuffet am zivile wemes cha igfrühre

@daenu16
jaaa i ha zersch ou dänkt die göng gar nid (Justina) aber nere isch si würkli ou am fairschte gsi bide bewertige ou so cool chöiter morn go d Ringprototype aluege bi de gspannt wasder meinet
wooooooooooooow die Kärtli gfallemer echt u mega guet!!!! Findi u härzig und gfalltmer ou vode Farbe her sehr

@lela
e Fründin vo mir isch da gsi:
http://www.domino-brautmoden.de/philosophie.html
fürs Brutkleid und het es mega schöns gfunde. Si hätti Budget vo 2000 Franke gha aber het ner eis für 500 Euro gfunde Wirde äuä ou det mau go luege! was hesch de du no so für Tipps mege Lörrach gseh gha?

@Lula
Ferie gniesse tönt doch ou guet
ou super heiter chönne absäge isch doch viu besser!! chas ja nid si dasme ner scho es komisches Gfühl müessti ha

@malinchen
wow ds Etikett gfalltmer mega...ou vode Farbe härhihi ds Monogram hani ou no abgspicheret i üsne Farbe - mau luege womer das de bruche

@janedoe
aues guete hüt bim catering!! jaaaaaaaaa bi vor 2 Wuche in Bad Säkingen go shoppe und ha ou Seckwiis dekosache kouft fürs Standesamtliche

FRAGE ZU STANDESAMT
Chame da öpis wünsche wo die säge oder Musik oder so????? Mir hei nüt gmacht?????

Sue sorry weni mi do dri klinke, mer stönd chorz vo eusere zivile Trouuig.
Also eus hends gfrogt öb mer wetted no zwe Lieder abloh a de zivile Trouuig. Eus heder au gfrogt öber er öbis speziells sell säge, das esch auso keis Problem. Die send felxibu ond ufgschlosse! =)

@Sue: Ja du chasch so Sache wünsche! Mir hei nachem Vorbereitigsgspräch no mau sone Bestätigugnsbrief becho. Det isch ä Kontaktperson druffe gsi, wo mir so Wünsch hätte chönnä mitteilä. Aber wedä dä gad nid zur Hang hesch, würdi eifach hurti alüte, die chöi ja sicher nacheluege wär für öich zueständig isch!

@Taeboyana: hihi, du bisch drfür top-organisiert!!! Ig due haut mega gärn so Sache gstalte und dekoriere etc., drfür isch d Organisation eher chaotisch...

@Lula: ou merci für die Tips, das tönt aus mega lecker!

@malinchen: merci für ds Komplimänt, aber i säuber ha nid so dr Idruck Obwou organisiere scho mini Sterki isch (bueflech bedingt ). Aber i hoffe sehr, dass ds kreative de o no chli meh Zit u Platz ir Planig fingt, itz wo de eigentlech ds ganze Grüscht mau steit. Wüu gärn mache duenis scho o sehr, mues nur aube zersch chli Inspiration ha, aber die fingt me ja hie zuhauf

@Taeboyana: Ja, d Nektarine passe würklech mega guet. Meertrübeli allei hani äbä ou nid soooo gärn, viu z suur... I ha vori grad dr Andrea d Zuesag gmailet... MERCI no einisch 1000x für dä Tip, mir hei mega fröid!

@Dänu: hahaha, so zviu! I ha gar nid überleit dass die nid schwizwit so heisse...