@Taeboyana: Tönt guet, bi as gspannt. Mir chunnt gad i Sinn, i chönnti hinech u mim Grosi alüte u se frage, wie si se aube macht

Muess mir das mau lah düre Kopf gah...

Wäg dr Konfi; das isch die Öpfu-Heidi wo ni gmeint ha http://www.chefkoch.de/rezept-anzeige.php?ID=1027621207921253
Oder Beeri mit Melisse http://www.chefkoch.de/rezepte/1927401314119510/4-Frucht-Marmelade-mit-Melisse-und-Vanille.html
Oder mit Sekt (di isch dr Hammer, ha auerdings statt Zitronensäuri Saft gno) http://www.chefkoch.de/rezepte/1442861249111458/Beeren-Konfituere-mit-Sekt.html

huiuiui sind iiihr flissig do inne! bi no ganz neu im Forum und mun glaub zerst mal stunde investiere zum mal alles naaläsä :-) isch aber sehr spannend z gseh was anderi so machet und ha au scho di eint oder ander Idee gseh, woni au gha ha - bin aso gspane wie sich das da entwicklet... :-)

@daenu:
hehe, ich ha ebe au mega gern wenn mer mier konkreti Feedbacks git, mit dem chamer eifach am meischte afange :)
Mier hend d'Gläser im Nanu Nana kauft. Depot hed fascht die gliiche gha, eifach einiges tüürer und vo de Quali ned unbedingt besser. Min liebe GG hed scho dAuge verdreiht willi hundert Mal zwüschet beidne Läde hin und her ha müesse zum vergliiche Typisch Frau halt
Du bisch ja en Schatz, rüehmsch mich das voll zum Himmel, debii hani doch gar nüt grossartigs gmacht Hesch s Monogramm scho chönne neumets verwende?

Oh übrigens de Tipp dasi de Liim miteme Wattestäbli uf d'Federe söll mache hed de super klappt! Danke tuuuusig!!

@Lula:
Mier hend hüt leider nüt dörfe probiere aber defür isch de Termin würkli suuuuper gsi. Schribe denn unnedrah drüber dasis ned bi jedem widerhole ;) d'Suppe und de Salat hemmer aber imfall umdreiht :)

@lela85
Soso, vo ännet de Gleis Ja so würdi eus au bezeichne. Hetted hüt au uf Lyon welle ad CL Quali aber leider isches vom schaffe her unmöglich :( Blöd... aber isch ja ned d'Welt :D

@Taeboyana & Sue:
Jaaa, Hochziitsshoppe macht soooo Spass, ich liebe das! Chönnt mich de ganz Tag i Deko- und Bastelläde vertue im Moment

und Taeboyana, ich bechume gar kei Mail wenns neui Biiträg git. Ha das aber glaub eifach usgstellt. Denn würd ja s'Handy de ganz Tag vibriere, haha

@ninam
ganz herzlich Willkomme

@Me
No churz zu eusem Tag. Hend ja de Termin bim Caterer gha hüt und es isch eifach SUUUUPER gsi! Dasmal isch de Funke absolut überegsprunge. Hend jez d Vorspiise chli abgänderet. Also zerscht wirds die Consome mit Sherry und Blätterteigherzli geh und denn es Salatbouquet mit Croutons und Melonespiessli uf Rohschinkerose.
D'Vorspiis gfallt eus jez also tuusig mal besser.
Bim Dessert hemmer eus für e servierti Shot Variation (i Gläsli) entschiede: Panna Cotta (danke Fringilla!! :D), es Schoggi Mousse und Erdbeertiramisu. Das ganze garniert mit frische Frücht. Priislich wüssemer jez no ned so genau wies usechunnt aber viel tüürer als i de erste Offerte wirds uf jedefall nid. Sie möched eus jez en frischi Offerte und ich bin soooo ungeduldig aber ich glaub das passt

Hed öpper vo eu scho vo www.felicitas.ch ghört/Erfahrige demit?

Zuletzt bearbeitet am 30.07.13 16:22

@Taeboyana: hihi, i gloub ou dass das super wird mit dr Andrea. Sie isch üs gad vo Afang a mega sympathisch gsi und mir hei z Gfüeu, sie wird sich ou guet chönnä integriere ä üsem Fest. I finge das no wichtig, dass d Fotografin när nid so wienä Frömdkörper ir Gsellschaft isch.
I drückä dir ganz Fest d Dümä das die Täsche no achömä!!! Wär ja würklech mega schad drum...
I ha letscht Jahr Zucchetti igmacht, aber i finge ds Rezept nümme. Aber dis gseht ähnlech us, i ha denn Himbeeressig gnoh u no Zwible drzue da, die anderä Zuetate si gloub glich. Aber i ha se zersch mit Salz beströit und ä Tag im Chüehlschrank glah, när abgspüehlt, när Zwiblä drzue da u no mau ei Tag im Essig-Wasser-Gmisch glah, churz ufkochet und heiss abgfüllt.

@Sue: ohh, das si mega cooli Gschänkli!!! Die wärde sich sicher fröie...

@ninam: Härzlech willkomme bi üs!!! Du chasch dänk glich mitschribä, ou wenn de nid alles chasch nacheläse... Si ja inzwüschä scho paar Site!

@janedoe: oh cool heit dir ä Caterer gfunde wo öich passt!!! De het sich d Suechi ja glohnt.

@Sue: isch ja dr Hammer!!! Mega lieb vo ihne dass sie dr Wy übernähme....

@felicitas: Mir isch jetz grad i Sinn cho, dass die ar Marinatal doch ou so Täschli hei verteilt!? Aber so wie ig mi cha erinnerä isch nid wahnsinnig viel tolls drbi gsi, ussert es Päckli mit 4 Einweg-Rasierer. I bi ou nid ganz drus cho was gnau denä ihrä Zwäck isch, ds Wärbematerial wo drbi isch gsi hani nid lang agluegt.

Eusi Offerte isch cho!! Ha dene gester gseit dasi mega ungeduldig bi und mich würd freue wenn das schnell gaht mitem maile. zAbig am 10ni isch de s''Bing' ertönt
Sie verlanget fürs Esse, Service, s'ganze Gschirr und Kaffeemaschine 7000.- total. Das macht 135.- p.P.
Findi okay. Oder?

@Taeboyana
Mir hend chli die gliiche Arbeitsziite hani zGfühl? han am 2. au ned frii und am Samschtig muessi au go schaffe :D