soodeli, bin au wieder da - ihr glaubets nid aber ich sitz mitme block vorem pc und ha mer müese notize mache wem i uf was e antwort wett gä - vooool pinlech aber bi ned so multitaskingfähig

auso, mir hürate zivil am 18. Juni 2014 am Flughafe Chloote, wos när härägaht wüssemer noni gnau, hend eis zwei Favorite womer am abklappere sind. Kirchlech hürated mer am 6. September 2014 in Rheinau. Mir sind scho 7 Jahr zämä und sind letschti zämäzoge (isch vorher us verschiedene Gründ ned gange) und hend üs jetzt dezue entschlosse. Ich ha ihm de Atraag gmacht weli nümm ha möge warte und gfunde ha i mach jetz eifach mal fürschi. Ä Ort fürs Fest nach der Kirchliche Trouig hemmer nid, nachm Apero wird e Schiffahrt ufm Rhy gä und denn müemmer no luege womer anegönd, det wo mir hetted welle nemeds nur Gsellschafte bis 40 Persone und live-Musig deffme nid ha.... Drumm simmer jetzt wieder uf de Suechi. Farbkonzept hemmer sochli saphirblau und ivory, Thema/Motto wemmer kes. Das isch mal chli üse Stand Ich wirde nid sooo viel chönne zruggschriibe da i bim Schaffe nid ids Internet daf und s Handy theoretisch mue versorget ha, aber ich gib mr Müe :-)

janedoe: dini Menufolg tönt meeeegaaaa fein, würi jetzt also sofort au mitesse

Sue87: Super dass ihr de Wy zallt bechömed, findi super und e schöni Geste!

taeboyana: I finde s Agebot emel au guet, tönt super.

laprincipessa: es Kollegepärli het en Journalist gha wo di freii Trauig gmacht het, de het s Motto "im Zeiche vode Liebi", de isch no guet gsi, ich freg sie mal wie de gheisse het. Aber chli en spezielle Typ mit Jesuslatsche aber gredt heter guet. River Flows In You isch suuuuper! Ich spile säuber sit 15 Jahr Klavier und das isch soooooooooo schön zum spiele :-) Super Uswahl! Und bide Föteli am Morge: genau das fragi mi au... Das mit Makeup und Frisur stimmt ebe scho und ich hüül sicher während de Zeremonie aber das am Namittag findi e gueti Idee und mir werdeds wahrschinli gliich mache. Ebe bi üs gits ja fürd Gest e Schifffahrt, vilicht gömmier det zwüschetine eifach go Fotene mache. Denke das isch au fürd Gest ok. Und ebe wenn TZ no was planet isches au no guet.
Und schöni Ferie, gnüsses!!!

Ich gah etz denn glii an Rhyfall go Füürwerch luege, das isch scho hüt... Aber sust machi nid viel... Die nächste 2 Wuche wirdi ime Lager sii am leite, drumm weissi nid wie oft i wirde chönne online cho.

@principessa: oooh cool!!! Gniess dini Feriä...
Wägä dr freiä Trouig verstah ig di völlig. Isch ja würklech blöd so viel z zahle fürne Theolog wenn's öich gar nid ume Säge geit. Du hesch doch mal no gseit gha, dass villecht öii Familie und Fründe d Trouig chönnte mache? Heit dir die Idee verworfe? Das stell ig mir drum no schön vor, mega persönlech... Dr Ma vore Kollegin vo mir het ou scho mau es befründets Päärli trout, er isch hennä charismatisch und isch sich gwohnt vor Lüt ds redä. Es isch dr wahnsinn gsi!
Wie me süsch so öper chönnt finde weisi leider ou nid... Stellä mir das ou mega schwierig vor, cha mir vorstellä dass da mega viu schrägi Vögu git unter denä freiä Theologe. U de no öper z finde wo Italienisch cha... hmm... Villecht machsch mal da im Forum e Thread uf? Eventuell cha dir eini vo de anderä Brüt ä Tipp gäh!
D Idee wägem Fötelä am Namitag findeni super... I finges äbä ou mega schön wemä sich bi dr Trouig z erschtä Mal gseht. Dr Fotograf und i öiem Fall Videograf chöi ja d Emotione i däm Moment ou festhalte.

@Ninam: Hihi, öii Gschicht tönt ja ou mega härzig! Ha gad mega müessä lache woni ha gläsä, dass du ihm dr Atrag hesch gmacht, wöu nümme hesch mögä warte. Fingi super! Dir heit ja scho einiges organisiert, dr Räscht findet sich sicher ou no... Mir hei ou rächt lang nach dr perfekte Location gsuecht und si de när eher durch Zuefall plötzlech druf gstosse.

@me: GG u i hei eigetlech ä gmüetlechä Abe wöue mache, jetz isch er sit eirä Stund mit sinä Cheffä am Skype... typisch Informatiker...

Hallihallo

Sooo i meld mi au ab.. Bin au endlich i de ferie.. Leider halt nöd das wo mer plant hend aber als trostpflästerli nimm ich au 2 wuche ägypte in chauf.. Wür am samstig vo 5 wuche asie-tauchferie zruggg cho aber het ja leider nöd so welle... :-( bandschiebe hend sgfühl gha dusse segs schönder..

Ha etzt scho de überblick verlooore.. Und bi gspannt wo mer denn nach 2 wuche stönd.. Im moment bi siit 298 ;-)

Wünsch allne e schöni ziit, gnüssed das hammer wetter und witerhin viel spass bim vorbereite.. I muen nach de ferie su gas ge.. 11.1 isch de cheibe gli!

Lg

Morge Mädels

Iher sind sicher alli gad andersch beschäftigt als mit Internet

@Lula
Sie verlanged zum Glück keis Zapfegeld. Das isch für eus chli es k.O. Kriterium gsi, mier hend eigentli nur nach Caterer gluegt wo kei Zapfegeld nehmed will mier das viel lieber ines tüürers esse investiered.
karten4you und smartphoto kenni leider nid. Ich persönlich finde zazzle.ch super!

@laprincipessa
d'Antwortcharte bruchts ned unbedingt, das stimmt. Mier hend no es Hochziits ABC, Kontaktdate vo de Trauzüüge und en Afahrtsplan. Da mier kei Homepage wend mache, wemmer alles id Iladig packe.
Es tönt wirkli als wärs DE Videograf. Bi Video und Föteli würdi extrem ufe Buch lose. Mir hend dett gseit dasmer ned ufs Geld lueged. Die Sache muesch (DARFSCH ) ja denn wirkli s'ganze Lebe aluege, das sött scho zu 100% stimme :) Mir wärded d'Föteli während em Apero mache, eusi Fotografin chunnt eifach d'Vorbereitige go fötele. Aber es stimmt scho wegem Make Up und de Frisur, hani gar ned überleit bis jez. Wennmer eus s'erste Mal gsehnd hemmer no ned entschiede, das wetti au mim Schatz überlah
So toll wegem Hotelzimmer, schön wenn sich d'Sorge so uflösed :)
Wünsche Dir ganz schöni Ferie! Gniesses! :)

@ninam
Geeell hemmer guet usgsuecht? Eusi Hochziitsgselschafft isch ebä sehr verfrässe, da muess scho was ordentlichs ane
Das mitem Flughafe isch ja seeehr cool und da du au en Bezug dezue hesch ischs total passend. Gratuliere! :)

@daenu
Candy Bar als Überraschig wär sicher luschtig wenn iher ja beidi chli Gummiliebhaber sind Ich stells mier ebe au immer so wie uf de Bilder vor, aber obis denn au so anebringe bini de nid so sicher Ich wird uf jedefall selber Cake Pops mache und mier bstelled zu de Hochziitstorte no paar passendi Cupcakes. Das git ja denn au scho recht viel her :)

@chlini
Viel Spass i de Ferie. Gnüss dis Trostpfläschterli umso meh!

@me
Han mich gester mit minere TZ troffe. Sie findet ich gseh alles viel z eng. Und ich plane viel z früeh. Sie fangt erst im Oktober ca a mit organisiere. Findi au völlig okay. Ungfähr denn verschickemer ja eusi Iladige und denn gahts de für sie au los.
Ich muess sägä, bin soooo froh chani da im Forum mich mit eu ustuusche suscht würdi glaub allne uf dNerve gah

Was händer so vor? GG isch am schaffe bis zNacht am 11i. Das heisst ich bin allei deheime hüt. Mache mir ganz e gmüetliche Tag ufem Balkon und gah früeh go schlafe willi morn wider am halbi 6i ufmuess :)
Wünsch eu allne ganz en schöne 1.August!

Zuletzt bearbeitet am 01.08.13 11:35

Morge liebi Brütlis...

Heiter schön gfiiret geschter? I bi ou eini vo de wenige, wo hüt im Büro hockt und i bi ja wieder mau soooooo froh um das Forum!!! I mues gad chli cho "Sörgeli ablade" So apropos Dämpfer und Kommentär vo Fründe und TZ... Mir hei ja gester üses 1. offizielle Träffe ga und i ha ja gseit gha, wieni mi uf dä Tag ha gfröit. Am Mittwuch bini äxtra no dene Sache für d Seck nachegrennt (10 min vor Ladeschluss ) und ha es riese Gschlepp gha mit däm Züg. Dr Brunch geschter isch super gsi und mir si de no ga d Chile und ds Restaurant mitem Saal ga aluege und es het üsne TZ guet gfaue. D Chile het mit blauem Himu hinge dran no viu schöner usgseh as im Duurräge und o bir Apérolocation und bim Saal für am Abe si mir würklech wieder überzügt gsi, dasses die richtigi Wahl isch. Aber vor Sitzig wo mir när hei gha, bini würklech enttüscht gsi. Vielech hani mir das aus viu z'eifach und z'rosig vorgsteut, aber es het mir gad komplett dr Wind us de Sägu gnoh. Mini Planig und d Wunsch-/No Go-Lischte schine ds Ziu voukomme verfäut zha. I has würklech nume guet gmeint und mir ächt Müeh gäh, aber sie heis äuä weniger as Ungerstützig oder Hiuf ufgfasst as as fixi Vorgabe, wo sie ischränke. Sie hei gfunge, mir lö ja gar ke Spiruum und heige da extrem gnaui Vorstellige, drbi hätte sie doch so viu gueti Idee gha... drbi sis vo üsere Site ja o vorauem Idee und nid aues ein Muss. I bi dert ghockt und hätt ächt gad chönne gränne, so hets mi möge... Zersch si ja chli Zwifu ihrersits cho, wie konkret die Sitzig wärdi und woni mir när so Müeh ha gä, aus scho mau guet zplane und möglech konkreti Wünsch u Vorstellige azbringe, schint das o wieder gar nid guet zsi. I ha ächt zGfüu, i chas gad gar nid rächt mache. S het mer für e Momänt gad die ganzi Fröid ar Planig gno u i steue mi de i so Momänte mega i Frag. När isch no dr zwöit Schock cho, wos um ds Budget für sie isch gange . 500.- isch viu zweni, sie brüchte ca. 2000.-... Süsch chöige sie de nid viu organisiere. I findes würklech u schön, dass sie sech anschinend scho mega Gedanke hei gmacht und wahrschinlech u cooli Idee hei, aber i cha mir eifach nid vorsteue, was so viu cha choschte, we mir ja aui grosse Pöschte (Ässe, Outo, Deko, Blueme...) übernähme? Es liegt für üs schlicht wäg nid dinne, ihne 2000.- zgä. 1000.- vielech ja, aber o denn müesse mer das äuä süsch wieder neume ispare...

Phu liebi Froue, i bruche ächt gad chli Ufmunterig vo euch. Hani würklech so unrealistischi Wünsch u Vorstellige? GG isch när u härzig gsi, er het gmerkt wie's mi möge het u het gfunge, i machi das super u mir müesse a üsne Wünsch feschthaute u konsequänt bliebe. Es wird schliesslech üse Tag! mir hei när zäme no e wunderschöne Abe gha u das het mir de sehr guet ta. Aber i hirne immer no mega dranume... i gloub es wär vielech nid schlächt, ihne es Mail zmache u ehrlech zsäge, dass es mi haut enttüscht het und wieso. Oder isch das blöd? Irgendwie wetti ja ehrlech si und o offe kommuniziere.

guete morge

ha min gg jetzt grad an flughafe bracht und bi am schaffe.... mini motivation haltet sich also au in grenze....

Thema Hochzitswahn: bi mir isches genau glich... all hend immer sgfühl es gat ja no lang. aber wie scho erwähnt gats nöd drum das mer i 3 mönet kei hochzit organisiere cha. das chammer! ABER alles zahlbare, guete isch denn sicher weg und entweder du hesch nöd das wo du dir vorstellsch oder es isch viel türer... egal um weles thema sjetzt gat. das begrifed die hald nöd. es isch schliesslich nöd ihri hochzit und nöd ihres geld. sie hend sgfühl es gat no soooo lang. aber sie stecked nöd i eusere hut. ich bi voll de perfektionist und für mich isch hochzitsplanig e art es hobby. aber wenn amis so sprüch chömed löschts mer au ab und ich legs eifach für es paar wuche uf iis. plötzlich packts mi denn wieder und ich mach witer. es gat wohl allne glich...