MI mas haut, weni e Idee ha oder öpis gseh uf Pinterest woni mega härzig finde u när öperem vrzeue und die's de so chli belächle und nid so chöi verstah, dassme so chlini Details haut schön findet. I verlange nid, dass aui ringsum glich viu Begeisterig müesse ufbringe, aber we sies doof finde, de söue sie lieber eifach nüt säge. I ha mir immer e schöni, traditionelli Hochzit mitme grosse Fescht gwünscht und itz darfi mi o druf freue. Aber im Momänt bini eifach gfruschtet, wüui mi chli überau mues rächtfertige. Rächtfertige drfür, dassi traditionell ir Chile wott hürate u das sogar no, obwou no kes Chind ungerwägs isch... da gits Lüt die wei mit eim über das diskutiere, statts eifach guet la zsi. I meine mir si 8 Jahr zäme u heis üs würklech guet überleit, a dere Entscheidig gits nüt meh z'rüttle U rächtfertige für Details vom Hochzit wo mir haut wei wie 1. Tanz, Torte aschnide etc. nur wüu angeri das totau 08-15 finde... I wott eifach üses Fescht u mi weder verbiege no la überschnure, dass öpis Angers besser wär, nur wüus dä oder die angers würd mache. Isch mängisch gar nid so eifach, uf de eigne Wünsch zbestah, we eim aui chli wei drirede.

@Taeboyana: Da tuet mer denn leid für dich! Du hesch dich so gfreut und dir so viel überleit. Ich findes sehr guet und so wertschätzend wie du dich vorbereitet hesch. Du hesches dine TZ so eifach wie möglich welle mache. Sie hend jo au so z'sägä gseit, sie welled denn grad konkret chönne afange und denn hesch du sicher s'beschte welle und dass sie denn würkli grad scho viele wüssed.
Ich glaub das isch alles nur es böses Missverständnis. Ich chanich sehr guet i dini Lag versetze und gspüre dini Enttüschig und findes sehr verständlich.
DU WEISCH EIFACH WAS DU WILLSCH!
Wenn mer sich aber id TZ versetzt, denn hani s'Gfühl (so wie du beschriebe hesch) hend sie au scho sehr konkreti Vorstellige/Ideä gha. Vlt sind sie etz mega enttüscht gsi, dass ihri Ideä und Überlegige für d'Füchs sind...WILL sie ebe euri Ideä (was dr guet findet) so konkret sind und sie's als MUSS ufgfasst hend...wa meinsch?

@daenu: Merci für dini liebe Wort! Ja das stimmt, i weiss meistens rächt gnau wasi wott und was äbe nid...
Ja vielech isches eso, obwou i ziemli sicher bi, dass ihri Idee nid für d Füchs wäre! Vielech hets haut chli dr Überraschigseffekt usegnoh, wüu ig scho viu Idee uf dr Lischte ha gha... aber i meine, angeri wäre froh drum! Aber was würdet dir itz mache i sore Situation? Eifach la si und Schwamm drüber oder ihne säge (bzw. i fänds chli eifacher imne Email), dasses mi möge het? Wägem Budget müesse mer eh nomau mit ihne luege...

@Janedoe: hihi ja das geit mir o so, immer weni vom Forum vrzeue, wärde d Lüt ganz neugierig

I ma hüt ächt nid. Zum Glück am Mittag ga bade u när am Nami nümm lang... Fröimi scho wieder ufe GG hüt Abe, dä versteit mi haut eifach und mir hei die gliche Vorstellige. U morn ga Ringe aprobiere, juhuuuuuuuuuuuu!!! Das wird de mi Dämpfer hoffentlech wieder chli usgliche...

@Taeboyana: Beschäftigts dich nöd z'fescht für Schwamm drüber? Ich würd genau schriebe was du hesch welle mit dene Lischte. Ich glaub sie hend d'Hilf dehinder nöd verstande. Versuech eifach vo dir z'schriebe und wie du dich fühlsch, nöd dass sie sich denn am End no meh agriffe fühled.

@daenu16 er isch bis am 10.8 in istanbul mit eusem trauzüge. er gat go auge lasere und stadt aluege.... bi also e ganzi wuche elei...

@Taeboyana: oh nei das duet mir ja mega Leid!!! Isch ja hennä schad wie das isch gloffe... Cha dini Enttüschig also voll und ganz verstah. Auso i würds gloub ou asprächä! I dänkä das steit süsch die ganz Zyt irgendwie zwüschä öich... Ömu i chönnt jetz da äuä nid eifach sägä Schwamm drüber und witer mache als wär nüt.
Und i würd ihne ou nid 2'000.- gäh! Cha mir ou nid vorstellä was da no so tüür cha si... Süsch chunnts plötzlech so use, dass dir 2 Outos heit oder so?! Und wägä de Überraschige wo sie villecht finde, dass sie gar keini meh si, wenn dus scho uf dr Ideeä-Liste hesch: I finde d Umsetzig cha ja de glich no ä Überraschig si. Und du weisch ja de ou nid, was das sie tatsächlech aues umsetzä. Finde das Argument also ou nid so guet. Chönnts äch si, dass sie chli drvo usgange si, dass sie fasch alles säuber chöi organisiere? Bim Kollegekreis vo mire Schwägerin ischs ja so, dass d TZ AUES organisierä, u ds Brutpaar het öpä nur ds Gspräch mitem Pfarrer u weis när eifach wenn wo si u süsch nix. Sie si när ou mega erstuunt gsi, dass mir aues säuber wie organisierä. Aber i verstah di völlig, du möchtisch dini Wünsch und Tröim halt umsetzä und zwar a dinerä eigenä Hochzyt und nid wenn du de mal TZ bi öperem bisch...

@Früeh afange: Das ghörä mir ou immer wieder. Aber i finges ou super so... I mache lieber immer wieder chlei öpis aus 3 Mönet vorhär aus ufs mau. Usserdäm bini haut ou sehr unterschiedlech usglastet mitem Studium, weni Prüeffige ha oder Praktikum hani kei Zyt für no so Sache ds erledige. Aber i gloub me gseht o ersch wie viel dases z düe git wemä mal säuber het ghürate...

@Hochzytswahn: I dänkä da gits eifach 2 typä vo Froue: Dr "romantisch-Typ" wo hürate cool fingt, sich scho sit dr Chindheit Gedanke über die eigni HZ macht etc. und dr "unromantisch-Typ" wo hürate generell doof fingt, wenn überhoupt nur wenn es Chind im Spiel isch und denn nur hurti ufm Standesamt unterschribe u fertig. Leider si mini Beschtä unromantischi Typä... Das isch eifach es Thema wo sie überhoupt nid intressiert. Sie frage scho ab und zue wies louft u so, aber meh wöu sie halt wüsse, dass sie äuä mal wieder söttä frage wöus mir wichtig isch, nid us tatsächlechem inträsse.